Yoeli 1:7 - Biblía Axweesantá Hhohho' ar Mungú 2004

⁷ Sabiíbuueé' gwa hhitiín, /antsír'eé' gaa karslamaamís, tam qafo giri fíq, gay yaamií dáhh, nee haleemiiwós nay /awkukuyé'.

Yoeli 1:7 Iomraidhean Croise

WARA'AMI 105:33

Sabiíbuuín gway hhitín nee xaa'aá /aantsír'ín, xaaii'ín sleémeero gina giqáy.

TI'INAANGW 10:14

Iingigtadá' niri ti'ít baraá yaamaá Misri sleémeerowo, yaamaá Misri sleémeero giri al'iwít. Nee iingigtadá' ka ló'wa ur, ar adór tidá' aa baloó ti'itká, nee inqo baloó ti'itká sleeme.

TI'INAANGW 10:15

Asma yaamu sleémeero gina tuuntúk, nee yaamu niri giwiyé'. Balaangw sleémeero guna /ák, nee mamaá xaaiwo, kudá' taa meetiís nee tluwayduú tlaa/e. Tam gitsiimír aa baraá yaamií met i káhh, laqaá gawaá xa'ano nee baraá qamuuwo baraá yaamaá Misri sleémeerowo.

ISAYA 24:7

Sabiíbu i kahaakah, difaái i káhh, nee mukdá' sleémeero ga saqwalalaá/ i tiiq gurhaamiro.

ISAYA 32:12

Da/eewerhúng puupuxumisaak as gurhaamír daanduú qamuudá' aáng sla'atamiisa'a nee as sabiíbudá' aáng ló'wa laqwaliím,

ISAYA 5:6

Aníng inós an xaanxaay tleéhh, sabiíbuuwós ku alkwasliiká, laqaá ku kakanusiiká. Fuquráy nee laqayaawo ngun alti'iitiyá'. Huunkáy u ádbáw, miwa gawaawósí tluúw.»

YEREMIA 8:13

Qoomár aníng muk'eé' nguwa burumburtá wa slaa', adór heé sabiíbuuwós burumburiím inooín an adór sabiíbuú mamaá koomaaká, inooín a adór /aantsír mamaá koomaaká tam loo/oorós ina /óts. Tam muruudá' sleémeero naa haniís ina ilaá wa qwaár. Anuú AAKOÓ MUNGÚ tí ngina oó'.

HOSEA 2:12

Aníng qamuuwós awa sabiíbu nee awa /aantsihe, in hhitiím kudá' inós iwa kat, ‹Qamuuká' an bu'utueé', kudá' mulqer'eé' naa hanís.› Aníng in gara tleéhh, makaá sla/a ngiri /ayiyá'.

Yoeli 1:12

Sabiíbu aa /oóts, /antsí aa kamaa/arút. Xaa'aá ta bay komamaánga nee slaansla nee tofá'a, nee xaai sleémeero awa baraá qamu naa kahiyé', qwal/uú muu iri qwaár.

AMOS 4:9

«Aníng kuungá' nuna slaáhh ar tlaanguú danuú koóm Asalmaahúng nee qamaá sabiíbuuwo niri tawó meetiye', Iingigi /aantsírhúng nee seituúnirhunge gari /ák, tam adoorihe kuungá' naa amor'eénií ki/i'iiká. Anuú AAKOÓ MUNGÚ tí ngina oó'.

HABAKUKI 3:17

Geera tam /aantsí i laqwalkahe, laqaá tam sabiíbu i na/aá konkahe. Laqaá tam seituúni mamaá seituúni ngi laqwalindaakahe, tam qamu balaangw ngu hamaaremisiaakahe, nee tam bee/ángw baraá dito i faaki qatlooro, laqaá tam hikwa ni su'unsuu'utiia baraá slumto,

MALAKI 3:11

Ingigtá bu'ungwhúng hhitiim án a iigahhaát, tam balángw hhaperhúng guri hhitiindaaká, tam sabiíbuuhúng mamuuwós gi paahhasiiká qoomaarós bira xeeriiká baraá qamuuwo.