Yoeli 1:14 - Biblía Axweesantá Hhohho' ar Mungú 2004

¹⁴ Muu ádbawaak i gwaawin, dinku'uumár saaliingw ateetaak. Bariise nee yaamuloouuse sleémeero ar Yuda buruumburaak, ta tlay amór Doó AAKOÓ MUNGÚ, Munguúhúng, nee AAKOÓ MUNGÚ kuwa baraadá' wa ii/aa/amiinda', tawa kata',

Yoeli 1:14 Iomraidhean Croise

2 WAAWITÁ 10:20

Yehu hara'aya gari oó', iwa kaahi, «Dinku'uumár Ba'ali kuwa sluufmiisi ateetare'!» Adoodá' kari tleéhh.

2 QOM'I 20:13

Qoomaadae hhawaate sleémeero awa Yuda dinkwa nee tlaaway'ine nee na/ii'ine tana sihhiít dír geeraá AAKOÓ MUNGÚ.

NEHEMIA 8:18

Slám umuúqo baalaaro iimír iimu/úngw wa tleemu ay bál alhhe'eesáy aqo gana soomamuús baraá kitaábuú dabér Mungú wa ale. Inooín deelór ur kay tlehhiít, deelo faanqw, bál dakaate burumburiita kay tleéhh ar adoodá' kara oó'.

ESTA 4:16

«Tláw, múk Yahudi sleémeero oo diirír Susarí dirií' burumbureek, ta gwaawiindá' as aníng. Ma /ayimaara' laqaá ma gaa wahaara' har afiqoomár deelo tame, xweera nee tlaatla/aango. Aníng nee sagadiyuuser'eé' a gwaawimaán sleeme, daqaní niri dáh amór waawutmo adoodá' dabe i sla'aká, ar naa hamat bar gwa'ara ni gwaá'.»

YEREMIA 14:2

Múk Yuda i tsuunqumiis, afér gixsaduuín aa sololo'ót, mukós aa yaamií huuhu'ún ta tsuunqumiis, nee múk Yerusalemu ta gáwtí tsee' /aa/eewo.

YEREMIA 36:9

Kurkú kooán oo waawuti'iimár Yohayakimu garmoó Yosia, waawutmoó Yuda, qoomár slahhángw gwaleél, muu sleémeero oo Yerusalemu, nee muu sleémeero oo baraá gixsadaá Yuda daáhh, tana burumburiít baraá Yerusalemu, dír Doó Mungú as tawa gwaawin.

Yoeli 1:2

Iia qaasaak, kuungaá bariíse, iia qaasaak, kuungá' sleémeero awa yaamuloouusér Yuda! Xáy, kaangwí aqo deeruúti qoomarhunge, laqaá deeloodár baabi'iihunge?

TLAHHOÓ LAÁWI 23:36

Deeloosíng faanqwe ilahhooár da/a an hanmisá' dir anuú AAKOÓ MUNGÚ, bál dakaát dinku'uumár hhoohhoo' an boo/esá', nee ilahhooár da/a an hanisá' dír AAKOÓ MUNGÚ. Dinku'uumadá' ka hhoohhoo', baalaasinge ma gadiyusara'.

YONA 3:5

Múk Ninewi Mungú kuri ya/án, kángw tawa gwaawin kuri alki/iít, tlabaá gwadidiingw kiri tsitiít, múk urén nee na/iiwo.

YONA 3:8

Ala muu nee makaywo tlabaá gwadidiingw ki tsiiti. Inooín Mungú ku i /aa/i ar afór ur, nee ta warqay, umuú heewo loohirós tidá' tlaakw ngi may, nee tlehhmi'iiwós kudá' tlakw.

SEFANIA 2:1

Kwasleema iigu'uusaak, ti buruumbude' kuungásíngá' xoorór mure wasl.