Yoeli 1:13 - Biblía Axweesantá Hhohho' ar Mungú 2004

¹³ Guniyadu tsiitaak ta tsuunqumisá', kuungaásingaá kaahamuusér Mungú. /Aa/amiimé', kuungaásingaá sagadiyuusér kitángw ilahhooa. Tlawsé' baraá Doó Mungú, guniyadu tsiitaak, tsuunqumisé' xweera sleémeero. Asma ilahhooár balaangw nee ar muruú wahaango baraá Doó Munguhe aa fák.

Yoeli 1:13 Iomraidhean Croise

2 SAMUELI 12:16

Daudi Mungú guna firaarín as na/aay tsiní ngiwa slay. Iri gwaawín, ina dáh baraá kutuwirós, iri qaát yaamií ale iimír xweera ay iimi garwa /awakuúr.

1 WAAWITÁ 21:27

Alaá Ahabu adoorí ngiwa axaás, tlabaawós gina feehhamiís, guniya gana tsiít, iri gwaawín, iri guniyadúr guú' nee iri hi'iimiít ar gurhaami amorqá' nee tiqae.

ISAYA 22:12

Baalaadae Aako MUNGÚ Aleesleemusmo muu gun bay, «/Aa/amimé' nee tsuunqumisé', nee deequmé', nee guniyadu siinootaak.»

ISAYA 61:6

Ala kuungá' tundun bay, «Kaahamuusér AAKOÓ MUNGÚ.» Nee tunduri bay, «Sagadiyuusér Munguúrén.» Kuungá' daqaari'iimár xoordu an /agá', nee baraá daqaari'iimar'ine kuungá' xirif kuri sleerá'.

YEREMIA 4:8

Gawaá adoorihe tlabaá guniyadu tsiitaak, tsuunqumisé' nee /aa/amimé' tawa kata', ‹Buhhtaá AAKOÓ MUNGÚ kudá' xaraaslá' daanduurene naa faaki'iiká.› »

YEREMIA 9:10

Aníng an /aa/aá áw gawaá sagér tlom'i, nee an tsuunqumiís as qawtantá hikwa ar baraá darma, asma yaamu naa xaanxay tleehhitiyé', tam gár baraadár waaraahh i káhh. Baraadae afór hikwa a axaská nee ar tsir/ooro, nee ar makaá sla/to, asma sleémeero naa diyaa/atiyé'.»

ESEKIELI 21:12

Heewí, /aá/ nee ta tsuunqumís, paángarí kaa tleés gawaá muk'eé', i gawaá múk urén oo Israeli sleémeero. Ki hhaamiis ar paánga dinkwa nee muk'eene. Da/eewawók slahheek as gurhaami.

ESEKIELI 27:31

Inooín sager'ín ngaa deeqwiyé' as kiíng, nee tlabaá guniyadu ngaa dahaasiyé', tari ló'wa /aa/amín ar slahh'amaayér ur as kiíng.

ESEKIELI 7:18

Inooín tlabaá guniyadu ngiri tsiitiyá', dae giri eér. Inooín niri muruutiyá' nee sager'ín sleémeero kari deeqw.

HOSEA 9:5

Bál deeloodá' ur ar AAKOÓ MUNGÚ adór ta laqa', tidá' taa amohhe'eés laqaá baalaadár muruú /aymár AAKOÓ MUNGÚHE.

Yoeli 2:12

AAKOÓ MUNGÚ i kaahi, «Ala tam hamí, amor'eé' ki/aare' ar munerhúng sleémeero, nee ar gwaawito nee ar /aa/e, nee ar tsuunqumis.

Yoeli 2:14

Heé ga xuú' a heemá, dooqa i warqáy, nee nuri tsuuqawós i haniis, bu'úngw yaariír kuwa sleera'. Kuungá' ilahhooár puurú nee ar muruú wahaango, kari dír AAKOÓ MUNGÚ, Munguúhúngí hanisá'.

Yoeli 2:17

Kaahamuusér Mungú, tidá' AAKOÓ MUNGÚ sagadiyuus i /a/ qoomár tawa baraá Doó Mungú i dirii'i, tla/ángw afkú Doó Mungú nee kitángw ilahhooa kawa hanmaamisi, ta ooi, «AAKOÓ MUNGÚ, mukók maweek, gurtlaweek, ateéká aalirók mitiwa mureekeés nee mitiwa waaqaá'. Gár muu is ooi, ‹Munguúín i amá?› »

FAARO 28:14

Ilahhooár muruú wahaangw ar ta muruuwí alhaniisi a tí: Umuúqo awuuwo kun liíta tsár ar difaáír alhaniis. Nee gwaanda kun liíta wak nee tlaqi ar difaáír alhaniis, nee umuúqo deelmoó bee/iro kun liítár wák ar difaáír alhaniis. Gaarí an ilahhooár da/a/aangw ar umuúqo baalár geera ar slahhaangw baraá kurko.

FAARO 28:4

Deelmoó wák oo gwaanda matlaatleero kun haniis, nee deelmooduú gwaanda oo tsár kun haniis tsiindoowo.

FAARO 28:7

Ilahhooár muruú wahaangw ar ta deelmooduú bee/ír alhaniisi, a liítár wák ar difaái. Ilahhooarír difaáír aa hamat aa tsipipi'ís didá' hhoohhoo' as anuú AAKOÓ MUNGÚ.

FAARO 29:6

Ilahhooarí an hanisá' dinkwa nee ilahhooár da/a ar slahhángw /abén, nee ilahhooarós ar balaango, nee ilahhooadár da/a tidár umuú baala, nee ilahhooarós ar balaango, nee ilahhooár muruú wahaangw, ilahhooarí ka da/á' as tawa slaahhareeraá tsuuá' awa AAKOÓ MUNGÚ ngu sla'atamiisá'. Adoorí ka tleehhi ar adoodá' dabe i diri'.

1 Korinto 4:1

Gawaá adoorihe hee atén ti tsaahhi adór atén tar sagadiyuusér Kristo nee saayuusér kangwdá' taa luú/ oo Mungú.

1 Korinto 9:13

Ahaá, kuungá' a xuá'áke mukdá' baraá Doó Mungú wa gadiyuús, muruuduú Doó Mungú gun /aay? Nee slám a xuá'áke mukdá' didár kitángw ilahhooár wa gadiyuús hariímar'ín kan baraá muruudá' taa ilahhooár wa haniís wa sláy?

2 korinto 11:23

Inooín a sagadiyuusér Kristówo? Aníng daxta an adór slarhhamá wa axweés, aníng a sagadiyusmoó Kristo oo ak hhoó' ta inooine. Aníng gadiyeé ana ak tleéhh ta inooine. Aníng tina tsegiít daqtá yaariire ta inooine. Nee slám aníng tina ak muúx ta inooine. Aníng afkú bohoongw ngun wa kikií/ daqtá yaariire ta inooine.

2 korinto 3:6

Asma inós an kudá' atén taa aleesleemuú i haniis tawa sagadiyuusér alqadór /aben tleehhitaan. Ala alqadoorí a tidár hara'ayár gooirooká, ala a tidár Qeeru. Asma hara'ayár gooi i tsu/út, ala Qeeru i slafimis.

2 korinto 6:4

Ala baraá umuúqo gaaro atén tin laqaqamaán adór tar sagadiyuusér Mungú. Atén an qiqtliimaán ar qitluú yaariír baraá haleeleeamituuwo nee baraá slahh'amaayero nee tam baraá daero.

Geehhoeemaá 11:3

Nee aníng lamabu'uuser'eé' ar tsár a ya/aáw. Inooín tari aarirín deelo kumuú wák nee tsiire tsár nee mibeeri lahhoó'. Inooín tsitay'ín a guniyadu.»