YOBU 9:8 - Biblía Axweesantá Hhohho' ar Mungú 2004

⁸ Inós kilós doori gina intláh nee gwaanduú ma'aay baraá tlawto guri xasltís.

YOBU 9:8 Iomraidhean Croise

IIMU/UUNGW 1:1

Iimu/uungo Mungú doori nee yaamu ngiwa tleéhh,

1 QOM'I 16:26

Asma munguaá xoordaá hatlá' a slaqsa'aá tawo, ala AAKOÓ MUNGÚ doori gina tleéhh.

YOBU 26:13

Doori gina paapa/aás ar hiinsluuwós, nee dayshamoodá' ti gileéhh guna dakós ar muút.

YOBU 26:7

/Iya gana tleéhh gawaá tawórí ale, nee yaamu giri tarereé' gawaá tawo.

YOBU 37:18

Kuúng doori intlaaharo i adór inós wá aleesleéra? Nari gawduyá' adór kioo'ór taa tleéhh ar muqslár da/aten?

YOBU 38:11

Ngari báw, ‹Alhhe'eesaywók a diirí, ma waarahhaar, gwaanduuwók kudá' birna haratláy alhhe'eesaywós a diirí.›

YOBU 38:16

«Ahaá, looár wake aga hi'iimíti baraá tsinqaá tlawtá wá ale? Nee hi'iitanór baraá guruú tlawi aga iiádi?

WARA'AMI 33:6

Ar axweesantá AAKOOWO doori nina tleehharuutiyé', muruú gawaá doori sleémeero ina tleehharuút ar afkós.

WARA'AMI 77:19

Irwaarók aa baraá tlawtár waaráhh, nee loohirók ina waaráhh ar baraá ma'aá yaariir, ala digiruuwók kwa ariiká.

ISAYA 40:22

Inós yaamu sleémeero gaa harweér, múk gawaá daanduú yaamu a adór tsaxwi'i. Inós doori gina hhaáf adór inqwaari, slám giri kikií' adór heémár hota.

ISAYA 42:5

Adoorí an adoodá' AAKOÓ MUNGÚ i kaahi, Inós an kudá' doori nee yaamu gaa tleehh giri intláh, Inós an kudá' yaamu gaa tleehh, umuúqo gár baraadá' i diriia, Kudá' múk baraá yaamu gwa hiinslií haniis, kudá' qeeruuwós gwaa haniis dír múk baraá yaamuú wa hoót.

ISAYA 44:24

AAKOÓ MUNGÚ kuduú ba/amusmoohúng, kudá' kuungá' naa baraá gur'ér amuuhúngí tleehh, i kaahi, aníng kilooeé' doori ina intláh nee yaamu ina hhaáf, qoomár ngiwa tlehhiit heé aníng iga alee/iis i kaahh.

ISAYA 51:13

AAKOÓ MUNGÚ kuduú tleehharusmoowók ugwa gunqarés, kudá' doori gaa hhaaf nee iihhafiirír yaamu gaa qaas. Kuúng kumiít de'eero umuú deélooro as buhhtaá kuduú baramaanusmo taa amohhe'ees kuúng uwa hhaamisi. Xáy, buhhtaá baramaanusmo i amá?

YEREMIA 10:11

Naagáy ki beera', «Munguaá doori nee yaamu nga tlehhi'iiká i hhaná'. Inooín kin hhaamiis baraá yaamuwo.»

YEREMIA 10:12

AAKOÓ MUNGÚ yaamu gina tleéhh ar /uuruuwós, ar sagalooaarose yaamuuká' gina gawdeés, ar fuquraangose doori gina hhaáf.

YEREMIA 51:15

Inós yaamu gina tleéhh ar /uuruuwós. Yaamu gina gawdeés ar sagalooarós, baraá xu'utirose doori giri iihhaáf.

SEKARIA 12:1

Kaangwí an geehhoeemaá axweesantá AAKOÓ MUNGÚ daanduú Israeli. Tí an tidá' AAKOÓ MUNGÚ kudá' doori ga hhaaf, nee iihhafirír yaamu ga qaas nee qeeruú hee gwaa baraawós i tleehh.

Yohana 6:19

Tawa geerií kumiít har qoomoó kilomiíta kooán laqaá lahhoó', Yesu kuri ár, naxés i hi'iimiit gawaá tlawtá wa ale, dír miringamoodá' gaa haranakaá/. Tari da'ayuút.