YOBU 9:6 - Biblía Axweesantá Hhohho' ar Mungú 2004

⁶ Inós yaamu gin dír kitangw'ín wa dingiis, uheemaá yaamu niri dingitiyá'.

YOBU 9:6 Iomraidhean Croise

YOBU 26:11

Mungú bira gahhaát uheemaá doori in daaraxaatiyá' nee in waa/oo/iyá'.

WARA'AMI 114:6

Tlóm'i, kuungá' waáy masa gáwtí /akumité' adór gwaandawér wa ale? Tlom'aá nínakw, kuungá' asma milá masa gáwtí /akumité' adór deeloó bee/ángw wa ale?

WARA'AMI 114:7

Kuungá' yaámu, daaraxaté', dír geeraá AAKOÓ MUNGÚ, eeít, dír geeraá Munguú Yakobo,

WARA'AMI 75:3

Tam yaamu nee muruú baraadí dirií' sleémeero i dingitiye'. Aníng kilooeé' iihhafiirir'ín an gawdeés.

ISAYA 2:19

Muu iri dah baraá mar'ór tla/u, nee baraá boh'ér yaamu, geeraá dae tlaquú AAKOÓ MUNGÚ nira hardihiiká nee xirfuú waawuti'iimarós, qoomár birna tláy as yaamu ngiwa dae tsati.

ISAYA 2:21

Inooín nin dahiyá' baraá guruú mar'ór tla/u, nee baraá pa/eeraá tla/u, geeraá dae tlaquú AAKOÓ MUNGÚ nira hardihiiká, nee xirfuú waawuti'iimarose, qoomár birna tláy as yaamu ngiwa dae tsati.

ISAYA 24:1

Ga/aaweek, AAKOÓ MUNGÚ yaamu gi hhitín, nee giri dewa'atis. Inós faltá yaamu gan tukuntuuk, nee yaamuloouusér baraadá' hoot gari diyaa/.

YEREMIA 4:24

Aníng ana qaytsiít gawaá tlom'i, naxés tlom'i i daaraxiyá', nee gongooama' i diinginá'.

Yoeli 2:10

Yaamu in daraaxiyá' geeraine, doori in daraaxiyá', looa nee slahhaangw giwti giri ót, tsatse/ gwa/aateema gin máy.

HAGAI 2:21

«Serubabeli ga/aawusmoó Yuda ku beer, ‹Aníng doori nee yaamu i diingiís,

HAGAI 2:6

Asma AAKOÓ MUNGÚ Aleesleemusmo i kaahi, «Wa'aá wake afi qoomár niinawe aníng doori i diingiís, nee yaamuwo, nee tlawto, nee yaamaá kaahaare.

Ebrania 12:26

Qoomaadae afór Mungú yaamu gina diingís. Ala hamí al'axweesani ngaa oó', iwa kaahi «Yaamu in diingiís malé ale sagaáwa wake, ala a yaamu kiloseeká, tam doori sleeme.»

Geehhoeemaá 20:11

Aluudae kitángw aleesleemu oo úr oo /awaák nguri ár, nee kudá' aa gawaadá' i iwiit. Doori nee yaamu gitsee/aawós ngiri ilaguwiyé', tam dir'ín iri qwát.

1 SAMUELI 2:8

Heé narkutmo gun slankwa'aas baraá teerír wa alé, oo gár slaá' gun tsa/aas baraá ufuú xwaansláy wa alé, as ngiwa iwiitisi dinkwa nee múk urén, as tawa aaliitér kiteeridaá ilaiwa/ame. Asma AAKOÓ MUNGÚ yaamu gin gáwtí kón.