YOBU 9:5 - Biblía Axweesantá Hhohho' ar Mungú 2004

⁵ Inós tlom'i gin hingees dír nira kwisliti'iiká, giri fee/ ar xarasleemaá muneerós.

YOBU 9:5 Iomraidhean Croise

YOBU 26:6

Gi'i dír ilaá Munguhe i tsee/aá tawo. Tam didár hhituru'uuma sleeme kaa lu/iiká.

YOBU 28:9

Hee tlaa/aá gawden gin folaaliit ar dabaawós. Tlooma ngin folaalitiyá' ay baraá gwe'edoowós.

YOBU 34:25

Asma inós tlehhmi'ii'ín gi xuu', gin baraá xweeraá wákí /arara'aas, nari qwaariyá'.

YOBU 40:11

Gimáy, muu xarasleemaá buhhtaawók ngu al'iwitiye', umuúqo heé daara/aama i qaytsiteek ku dáhh yaamií ale.

YOBU 41:11

Heé aníng naa kiriík a heemá as nguwa aluúwaá buu'? Umuúqo gár baraakaá yaamuwo dáw a te'eé'.

WARA'AMI 114:6

Tlóm'i, kuungá' waáy masa gáwtí /akumité' adór gwaandawér wa ale? Tlom'aá nínakw, kuungá' asma milá masa gáwtí /akumité' adór deeloó bee/ángw wa ale?

WARA'AMI 46:2

Gawaá adoorihe atén a da'ayuumiitanaaká, tam yaamu ni warqaqay'a, tam tlom'i binda diingitiyé' nay huuiyá' baraá iltá tlawi,

WARA'AMI 68:8

yaamu nina daaraxaatiyé', tluwaay iri tlúw gawaá doorií wa ale, as hardahamuú Mungú kuduú tloomár Sinai.

ISAYA 40:12

Heé ma'aá tlawi gaa qoomeemees ar dakós a heemá? Heé doori gaa qoomees ar dakós a heéma? Heé hhapér yaamu gaa qoomees ar de'eenti a heemá? Hee tlom'i gaa qoomees ar xooslmoó qoomeemes a heemá? Laqaá kudá' gongoama' gaa qoomees ar xooslmoó qoomeemes a heemá?

NAHUMU 1:5

Tlom'i nin daaraxaatiyá' dír geeraawose, tam gongoama' niri weeqiyá'. Yaamu kin daaraxaas dír geeraawós wa alé, yaamu dinkwa nee muruudá' sleémeero oo baraá yaamaá hoota.

NAHUMU 1:6

Heé buhhtaawós gi ilií óh a heemá? Heé xarasleemaawós gi aleedaám a heemá? Xarasleemaawós gin tsaafmiis adór asla, tam tlaa/e gin feehhamiis sleeme.

HABAKUKI 3:10

Tlom'i uwa ariyé' nina daaraxaatiyé'. Alwuór ma'aay iri waaráhh, iloo niri xuuruuiyé', /ur/urti'ín iri gáwtí tsifaaqamít.

HABAKUKI 3:6

In sihhiit yaamu giri diingiis. Iri qaytsiit xoordu giri kwisltis. Tlom'iidaá alhhe'eesay wasl niri feehhamiitiyá', nee gongooamadá hotaatimá' niri sluk'umitiyá', lohduuwós awa alhhe'eesay wasl.

SEKARIA 4:7

Tloomarí tlerantleer a gár milá dír Serubabeliwo? Kuúng Serubabeli tloomadá' an xatsa tléhh, inós tlaa/anooduú alhhe'eesaay oo do' tlehhit gun qaas, muu sleémeero iri urur'uus, tari oin, ‹Gurtleemu, gurtleemu› as do'odá'.»

Matayo 21:21

Yesu giri báy, «Án a kah, kuungá' bar haratlintaao a koondá', nee a xuruumita'aaká, ar ta tlehha' a tír /aantsí kiloseeká. Tam tloomarí sleeme bara beeré', ‹Quútl, tláw ti kwahhtá eer baraá tlawi,› adoorí i tleehharút.

Matayo 27:51

Inqwaarír baraá Doó Mungú, ar do' gwa qasis, iri tla/a feehhít gáwtá wa ale ay baraay. Yaamu nay daaraxaatiyé' as kunseeli, tla/u nay feehhamitiyé',

Luka 21:11

Kunseeloó yaariír ni ti'iit baraá yaamuwo. Nee baraá yaamaá dimbadimbehe giyeé ni tleér, nee tiqtír pu/i ni hardát. Muruú dae tlaáq i tleehharuut nee tlehhema'aá waa/oo/amo, awa gawaá dooraá dahhá' i aandá'.

1 Korinto 13:2

Slám án tam aleesleemuú aaru'uuma u kooma, nee lu/aaráy sleémeero tam u xua, nee xu'uti sleémeero, slám tam haratlintaaór ur a kooma, tidá' tlooma ngiwa hingees, ala bar sla'aari a koomaaká, aníng a gár tawo.

Geehhoeemaá 11:13

Qoomaadár kilae kunseeli niri hardát, bartá wák ar gixsa iri hú', baraá baduudá' mibaango awa gixsa. Múk kumér faanqw kuri tsuú/ nee kunseelidá'. Nee múk aa meet iri ló'wa da'ayuút, Munguú doori kuri xirfayeemiís.

Geehhoeemaá 6:14

Doori niri quutliyé' adór slambaree/i kar waageqaaqay. Nee umuúqo tloomaro kari loohatís dirós tidá' i dir'a. Nee umuúqo yaamaá kaahaare awa baraá tla/ángw tlawtí diriia'a kiri loohatís sleeme.