YOBU 9:24 - Biblía Axweesantá Hhohho' ar Mungú 2004

²⁴ Yaamu bar múk tlákw gaa sa waawuti'ín, inós kwasleemuuse gan tsaahhár /iit. Barnaxes heé adoorí ga tlehhahhiít a inoseeká, kár ala a heemá daqaní?

YOBU 9:24 Iomraidhean Croise

2 SAMUELI 15:30

Ala Daudi ina kumamiít iri tsa/án tloomár Seituni, i hara /aa/amín, i ya/ataá konká, nee sagós gwaa tuuntuúk. Tam mukdaádá' sleémeero nee inós ti alkoomá', sagér'ín kaa tuuntuúk tawa tsa/aa/an gawaá tlooma, ta hara /aa/amín.

2 SAMUELI 19:4

Waawutmo gitsee/awós gina tuuntuúk, i /aa/amín ar afór ur i kaahi, «Ma /imamiís, garmaaeé' Absalomu! Ma /imamiís, Absalomu garmaaeé'! Garmaaeé'!»

ESTA 6:12

Aluuwo Mordekai iri kií/ afkú doó waawutmo. Ala Hamani iri ta'aaín ay amór do'ós, i tsuunqumiis, sagós gwa tuuntuúk.

ESTA 7:8

Aluuwo waawutmo nay kií/ amór asalmo wa alé ay dír xufta. Qoomaarihe Hamani aa yaamií qaát dír geeraá kitangwdá' Esta i diri', waawutmo iri oó', «Adoorí a adoomá, xáy waawuto'o gan /uurúr oóhi dír geeraaeé' wa alé, slám a baraá doó waawutmo?» /Aymuuwí iwa ti'iít baraá afkú waawutmoowo, Hamani kuri gitsee/a tuuntuúk.

YOBU 10:3

Gadiyér dabaawók kawa waaqaqa' i qoónda? Aníng iwa baramaanus i qoónda? Kángw tlakuuse mus sla'atamis.

YOBU 12:17

Hara'ayuuse gan máy iwa /aankwetsúr hi'iimit Har'ohuuse gari daktu'uu'úy.

YOBU 16:11

Mungú aníng iga qás baraá dabaá múk xaraásl, nee iga kwáhh baraá dabaá múk tlákw.

YOBU 19:7

Qayté', aníng a uuamiím, a kah, ‹Hhituru'uuma,› ala taa mu/aywatsiiká, an ateetiím ar afór ur, ala tam tidá' ti sahariím a slaslawaaká.

YOBU 22:8

Heé /uuruú koóm una tawo ga/eér yaamu gari adoodá' wa hayóh, Heedaádá' taa gurií baá/, kuri meér ngiwa al'iwiiti.

YOBU 24:12

Baraá ayko /ifór múk slahhaá' tiqtiro a axamiisaán, nee múk slahhaá' inkahhi'iiwo i alee/isoó firiirín, ay nee hamí Mungú /aa/aá mukwí gi axamiisiiká.

YOBU 24:25

Tí bar looeeká heé lamtaeé' ngi oó', heé ngi laqaám adór aníng gár naa axweés tar tlooraá tawo?»

YOBU 32:2

Aluuwo Elihu garmoó Barakeli oo guruú doó Rama, kuduú Busitamo, iri amór Yóbuwí qa/iít buhhtaawo, as adoorí tiwa kilós gan'amúwí harafaár ta Munguhe.

WARA'AMI 17:14

AAKOÓ MUNGÚ, ar /uuruuwoge án ba/amisáng dír muko. Nee dír múk gur'er'ín gaa amór muruú /ayma kilós xu'us. Masók slafingw'ín in haats slahh'amaayeedá' taa qasi as inooín. Na/ii'ín ni aaxiye' nee ngi na/aá nangw'ín i geexaye'.

DAHARUSMO 4:1

Aluuwo aníng ana qaytsiít, malguuse ngari ár baraá yaamuwo, naxés mukdá' ta malguús i /aa/amín, ala heé gi gurkwa/ás i kaahh. Asma malguuse i /uuruú koón bartaine, gaarí an gár mukdá' gurkwa/asa ngisa slayi'iiká.

YEREMIA 14:4

Doosluuse i gurhamút baraá muner'ine, sager'ín gari tuuntúk mureero, asma tluwaay iwa kahhi nee yaamu kiwa kaahaár.

DANIELI 4:17

Gaarí an sakwasleemadá' taa oó' nee malaykér Mungú, a gár taa oó' nee inooínaadá hhohho', as muu sleémeero umuú diiro kawa tsaahhi adór Munguú úr ir aleesleemuú kón daanduú waawuti'iima sleémeero ar muko, nee inós waawutmoó i slai gun tsawaar, tam heedaádá' liitlaákw kuduú alhhe'eesáy gun waawutmoó wá qaas.

MALAKI 2:17

AAKOÓ MUNGÚ ugwa slaaqatisé' ar /aymi'iihúng. Ala kuungá' a kata', «/Ayma'aá kura slaaqatiisaán a gaalá?» Asma tawa kata', «Umuúqo heé tlakweemaá tlehhiít ku hhoó' dír ilaá AAKOÓ MUNGUHE. Inós múk adór kwí gun sa qwalalaa/,» laqaá tawa kata', «Munguúdá' sakwasleemár ganaa' ga tleéhh i amá?»