YOBU 9:23 - Biblía Axweesantá Hhohho' ar Mungú 2004

²³ Tiqtír tlakw barnaxes muu gwaa tsú/, inós qatlór múk hhó' gan wa qasén.

YOBU 9:23 Iomraidhean Croise

IIMU/UUNGW 17:17

Naagáy Abrahamu iri tumbarara'aát, iri qasén, iri baraá muunaáwós i oó', «Xáy, heé kureeraá tsiiru dirose na/aay ku laqwaáli? Sara ar kureeraá mibeeri gwaleél sleeme iqo xwayluúra?»

2 SAMUELI 14:15

Waawutámo, aakooeé', aníng nina amoorók káw as tawa axweesaan, asma inooín aníng iwa dae tsatiyé'. Naagáy anír sagadiyuso'oorók, gár naa insláw a tí, ana oó', ‹Tsiní baraá axweesantá áw amór waawutmo, doóqaá adoodá' ni slaa' ngi tleehh dír anír sagadiyuso'orós.›

2 SAMUELI 14:17

Anír sagadiyuso'oorók ana baraá muunaáeé' oó', ‹Axweesantá aakooeé' waawutmo in waydií hanís baraá muunaáeene.› Asma kuúng aakooeé' waawutámo, kuúng a adór malaykamoó Mungú baraá tsaahhár muruú hhó' nee oo tlakwe. AAKOÓ MUNGÚ, Munguúwók, masók a dinkwa nee kuúng.»

YOBU 2:7

Neetlaangw iri didár geeraá AAKOÓ MUNGÚ wa tláy, Yobu guri slahh'eemiís ar inkahh'aá tlakw, inkahhi'iiká' slaqwa sleémeero ngina alti'iitiyé', iimír tsa/oó yaaér wa tleemu ay tan/ér saga.

YOBU 24:12

Baraá ayko /ifór múk slahhaá' tiqtiro a axamiisaán, nee múk slahhaá' inkahhi'iiwo i alee/isoó firiirín, ay nee hamí Mungú /aa/aá mukwí gi axamiisiiká.

YOBU 4:7

Hám bara tlaampa'ás amorqí ale heé gan'amuú koóm oo aa qwaar i deéro? Laqaá múk hota ganaá' kwaaqo baloó sí'i.

YOBU 8:20

Qaytsiít, Mungú heé tlakweemaá koomaaká gu si'iiká. Sleemé múk tlákw gu alee/isiiká.

WARA'AMI 44:22

Ala as kuúng tiwa meér atén nee gwa'ara tin madiitaán daqisleém, tari adór bee/ángw ta tsu/utár ay.

ESEKIELI 21:13

Gaarí a iiartá ur ló'wa alé. Anuú AAKOÓ MUNGÚ tí ngina oó'.›