YOBU 8:13 - Biblía Axweesantá Hhohho' ar Mungú 2004

¹³ Mukdá' sleémeero Mungú gu gunqareemiís an adoorír kilá' harahhifór múk Mungú gu haratlintatiaaká in payshút.

YOBU 8:13 Iomraidhean Croise

YOBU 11:20

Ala múk tlákw ilaaín i maa/uutiyá', lohduuín sleémeero awa tar gowi niri qwaariyá', harahhifor'ín ar alhhe'eesaay tari gwa'ara.»

YOBU 13:16

Adoorí bara aleesláw, daqaní arba/ti aga sláw. Asma heé tlaákw dír geeraawós gi kayká.

YOBU 15:34

Kudá' sleémeero Mungú ngu da'ayuumita'aaká, na/ii ngi slay'aaká. Asla maraá múk slukmadaá /aa/aáy gi qororo'ós.

YOBU 18:14

Kun hingees baraá do'odá' aa harahhifór i qaasi, kun huuw amór doó waawutmoó dae tlaáq.

YOBU 20:5

Heé tlaákw ga tsaahh qwal/uuwós tawa oo har qoomár niina, nee bar/uú múk aa qwaar oo har afiqoomár ló'wá niina.

YOBU 36:13

Múk Mungú gu ilaiwawa/aaká in buhhtá slaiyá', qoomár birnga tsegiít ngu i /aa/amina'aaká.

YOBU 8:12

Tam tidá' na baraá yaamaá ma'áy wa ti'it, barnaxes ma'aay naa kahiyé', in tseewa kát dír tsata ngira eeriiká, a adór gitsór hatlaeeká.

WARA'AMI 1:4

Ala tlakuuse a adooriheeká. Inooín an adór muundoó fur'a ir tlatleer.

WARA'AMI 10:4

Tlakusmo baraá daara/aangose Mungú gu leelehhiitiiká. Baraá inslawaywós sleémeerowo Mungú i kaahh.

WARA'AMI 112:10

Múk tlákw kaangwí bur ngwa ár tan buuhh. Inooín ngun /atlií /ayiyá' asma adoodá' kawa sií' ala nari ilaá wá qwaariyá'. Harahhifór heé tlaákw i payshút.

WARA'AMI 50:22

«Tí alhooreesaak, kuungaásingá aníng i gunqaaremisá', án kuungá' munduwa karslamiís, tam heé nu tuú/ iri qwaar.

WARA'AMI 9:17

Tlakuuse amór i keer a baraá gi'i, tam múk xoordu kudá' Mungú ngwa gunqareesiye' sleeme i amoodá' kayá'.

AXWEESANOÓ SAGALOOA 10:28

Heé ganaá' harahhifoorós gu hardahás baraá qwala/, Ala heé tlaákw harahhifoorós gu gaa wa bu'uká.

AXWEESANOÓ SAGALOOA 11:7

Heé tlaákw bira gwaá' harahhifoorós sleeme in qwát, Harahhifór heé Mungú gu ilaiwawa/aaká in qwát sleeme.

AXWEESANOÓ SAGALOOA 12:7

Múk tlákw in qwaar sleeme ku baloó ariiká. Ala múk hota ganaá' maray'ín nin kumaamitiyá'.

ISAYA 33:14

Múk tlakuuse i da'ayumiit baraá Siyoniro mukdá' Mungú gu ilaiwawa/aaká i daaraax nee ta kaahi, «Baraá tla/agwrene heé qiítl dír asltá /ayiima, baraá tla/angwrene heé qiítl iwa iwiiti dír asltá baloó gwa'aaká.»

ISAYA 51:13

AAKOÓ MUNGÚ kuduú tleehharusmoowók ugwa gunqarés, kudá' doori gaa hhaaf nee iihhafiirír yaamu gaa qaas. Kuúng kumiít de'eero umuú deélooro as buhhtaá kuduú baramaanusmo taa amohhe'ees kuúng uwa hhaamisi. Xáy, buhhtaá baramaanusmo i amá?

WA/AA/I 3:18

Naagáy niri oó', «Xirfuueé' nee harahhifor'eene naa faakiyé' dír AAKOÓ MUNGUHE.»

Matayo 24:51

Sagadiyusmoodá' guri tla/a tsaat, guri haragaas dír hhaahhafuuse. Diirí an didá' tawa /aa/amin nee sihhina' kiwa qirirtlimiisi.»

DABE 6:12

Tí ma baloó gunqareesara' adór AAKOÓ MUNGÚ kuungá' nura baraá yaamaá Misrír wa tuú/ qoomár tawa lawaale.

DABE 8:11

«Ti harmagahhe' AAKOÓ MUNGÚ, Munguúhúng mu gunqareesara' as hara'ayaarós kawa meera' ooharo, nee dabeerose nee kaahirose, tí laarí aníng naa kuungá' i hara'ayiím.

DABE 8:14

ma daara/utara, AAKOÓ MUNGÚ, Munguúhúng kuwa gunqaresa', kudá' kuungá' naa baraá yaamaá Misrír wa duux, qoomaadá' kuungá' tawa lawaale.

DABE 8:19

Ala kuungá' AAKOÓ MUNGÚ, Munguúhúng bura gunqaaresé', nee munguaá hatlá' kiri sagadiyusé', nee kiri sluufmisé', aníng kuungá' laarí nun gurbuú' ar looeemawo, kuungá' a hhaandá'.