YOBU 7:6 - Biblía Axweesantá Hhohho' ar Mungú 2004

⁶ Deelór slafingw'eé' in waaráhh ar gaanslaay, nee aníng harahhifo tam ar niiná a koomaaká.

YOBU 7:6 Iomraidhean Croise

YOBU 13:15

Mungú bar aníng i gaasár wa slaa' i gaasi, Aníng harahhifo a koomaaká, tam adoorihe aníng ti aleekalaá/ dír geeraawose.

YOBU 14:19

Adór alwuór ma'aay ir tla/aá hhaslaaslit, an adór tluwoó úr ir yaamaá feehhamaamis, an adór kuúng harahhifór muu kar gaamaamis.

YOBU 16:22

Ar ló', kureerieé' ki niina, aníng a tláw amoodá' muu niwa kaaki/iiká.

YOBU 17:1

«Aníng aga diqay tsatiít, deelor'eé' aa fák, /aantar'eé' kaa amohhe'eés.

YOBU 17:11

Deelor'eé' aa fák, kangw'eé' kudá' naa qoomeemeés aa hhitiruút, harahhifor'eé' aa payshút.

YOBU 17:15

daqaní harahhifór naa aniíngí met a gaalá? Heé harahhifor'eé' tí ga ár a heemá?

YOBU 17:16

Harahhifor'eé' nee aninge an /eetána baraá gi'i? Tsaraawo ti alkoomána ay baraá hhape?»

YOBU 19:10

Aníng iga giqaaqáy badu sleémeero, aníng aga bu'umiít, harahhifor'eé' gaa adór xa'anoó wa hingeés.

YOBU 6:11

Ala hamí /uuruú nir kumiit un koomaaká, gár nis kumiit hotaawo bar gár ni harahhifiit iqo káhh.

YOBU 9:25

Deelór slafingw'eé' gaanslaay gun ar waaráhh heé ti'ii'iím ba/a, in gaanslár ti'ii'iín hhooeemaá ni araa'ar i kahhiyá'.

WARA'AMI 102:11

Slafingw'eé' i waaraahh adór geehhantmoó tsiindo wa ale. Aníng ana káh adór gitsór wa ale.

WARA'AMI 144:4

Hee a adór tawo, deeloorós a adór hhaantamoó waraáhh.

AXWEESANOÓ SAGALOOA 14:32

Múk tlákw kun qwaarees ar tlehhmi'ii'ín kudá' tlakw. Ala heé hota ganaá' dír amohhoo' ga kón baraá gwa'ararose.

YEREMIA 2:25

Múk Israeli, kuungá' ya/ataahúng hi'iitanoro mindiwa tawo faakiyé', laqaá hheehharók miwa tawo kát! Ala kuúng a kat, «Harahhifo i káhh tam ar niiná, asma munguaá múk hatlá' ina ló'wa slaá', aníng inooín in eehár.»

Efeso 2:12

Slám inslawaak qoomaadae kuungá' tunda paraátl dír Kristowo. Asma kuungá' a múk Israeliwooká. Nee baraá alqadoodár Munguhe kuungá' a kahhá', tam baraá al'axweesantadá' taa haragaasi nee alqadoodae. Kuungá' tawa hoté', a harahhifór koonda'aaká, slám Mungú u koonda'aaká baraá slafingwhúng oo baraakaá yaamuwo.

Yakobo 1:11

Asma tsee/amuú xaraásl sla/a gan da/aa/án, gari kahaas, /ayoorós iri hú', hhoohhooartós iri fák. Tam daqaarmo sleeme aqo in adoodár /oots iri qwaar baraá daawitimeerós sleémeerowo.

Yakobo 4:14

Ala tam adoorihe kuungá' a xua'aaká ar matlo tleehharuut. Slafingwhúng a gár milá? Asma kuungá' a adór wahaamuú qoomár niina, alaá qoomár niina bira waaráhh iri ilaá wa qwaar.

1 Petro 1:13

Gawaá adoorihe inqwaruuhúng siinootaak, nee ta dal'á'. Kuungá' masók tsuuqaadá' tindi haniisi qoomár Yesu Kristo burkwa geehhooeés, in ló'wa harahhifá'.

1 Petro 1:24

Asma Gooi i kat, «Muu sleémeero a adór gitso, nee hhohhoarir'ín sleémeero a adór /ayór gitso. Gitso in kát, nee /ayo iri páhh.