YOBU 6:10 - Biblía Axweesantá Hhohho' ar Mungú 2004

¹⁰ Adoorí an gurkwa/asar'eé' ar aníng i qwal/atis baraá slahh'amuú adór kwihe. Asma aníng /ayma'aá Kudá' Hhoohhoó' iga satlaankiiká.

YOBU 6:10 Iomraidhean Croise

YOBU 11:4

Kuúng a kat, ‹Gár án ni kah a ló', eeít, dír geeraá Munguhe án ti hhoohhoó'.›

YOBU 15:11

Ahaá, gurkwa/asár Mungú kuúng ur gurkwa/amisi i gaa buabu'káhe? Laqaá axweesantós ar tsatsa'areema kuúng an gaárí xu'káhe?

YOBU 21:33

Múk yaariír gun aluú wá eehar, nee oo geeraawós wa hi'iít a tlaftá tawo, qoomár burku tipín i ló'wa tsú' dirose, asma hhapeerós kan tseegamiis.

YOBU 22:22

Intsaahhatisarós axaaseek. Axweesantós baraá muunaáwók ti qas,

YOBU 23:11

Aníng ya/atirós an aluúwaá nákw, loohirós aga óh sleeme a bihhií qaytsimiitaaká.

YOBU 23:12

Aníng dabeerós aga baloó mawiiká. Axweesantós aga amohhe'eés baraá muunaáeé'.

YOBU 3:22

Kudá' ló'wa qwalalaá/, nee qaseseém qoomár /aanta bar nga ár.

YOBU 9:4

Inós sagalooár yaariir ga kón, nee /uuruú yaariír gu kón, heé gu qiítl tlampa'aasaro nee iri baalín a heemá?

WARA'AMI 119:13

Muruudá' sleémeero kuúng naa kát, aníng u malé oó' ar afór ur.

WARA'AMI 119:50

Tam baraá slahh'ámkwí diriia a gurkwa/akwaá/, asma al'axweesantók i slafmís.

WARA'AMI 37:30

Heé hota ganaá', muruú sagalooa gun axwees. Nee afkose sakwasleemár ganaa' gan axwees.

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

HOSEA 11:9

Aníng buhhta i máw, múk Israeli u malé qwaareesár awaaká. Asma aníng a Mungú, aníng a heewooká. Aníng an kudá' hhoohhoó' baraá tla/angwhunge, aníng nu hhaamisár awaaká ar xarasleemaeé'.

TLAHHOÓ LAÁWI 19:2

«Xoorór Israeli sleémeero ka beer: Kuungá' masók tundu hhohhó', asma anuú AAKOÓ MUNGÚ, Munguúhúng ti hhoohhoó'.

HABAKUKI 1:12

«Kuúng, AAKOÓ MUNGÚ, Munguúeé' Kudá' hhoohhoó', kuúng an daadeer iimír iimu/uungw wasle, nee an baloó alhhe'eesoó koondaaká. Kuúng AAKOÓ MUNGÚ, múk Kaldayo nguna tlés amooréní ale as tiwa sakwasleemuutiya'. Kuúng Tlaá/a, mukdá' ugwa aleesleemuú hanís as atén tiwa muxiya'.

HABAKUKI 3:3

Mungú naa hardáh i Temanír daahh. Inósudá' Hhoohhoó' i gawaá tloomár Paranír daahh. Xirfuuwós doori gina tuuntuúk. Tam yaamu niri hatsiyé' xirfuwose.

Tlehhema'aá ya/Abuuse 20:20

Aníng kuungá' /aymuú nuwa /iít i kaahh. Ala umuúqo gaaro baraá axweesantá Munguhe ana alki/iít, nee ana intsaahhatimís ar geehhoeema laqaá tam baraá maraay, as alee/isayhúng.

Tlehhema'aá ya/Abuuse 20:27

Asma aníng adoodá' sleémeero Mungú i slai dirhúngí alki/iituuwo ngaa mawiiká.

Rumi 8:32

Mungú tam Garmaawós gwa ilaa/iiká, ala nguri haniís iwa gwaai as atén sleémeero. Munguúwí mura' sleémeero ngu aténí haniísiíke dinkwa nee inós?

DABE 29:20

AAKOÓ MUNGÚ, heé adór kwí gu baloó gurtlayká, nee buhhtaá AAKOÓ MUNGÚ nee da/itose heewí ngu al'oohiyá', lo'o sleémeero ar taa gooín baraá kitaábuuwí heedaádá' gu /ák, nee AAKOÓ MUNGÚ umuú heedaádá' gun fiits gawaá daanduú yaamuwo.

Geehhoeemaá 3:7

«Kaangwí gooiimeek amór malaykamooduú múk kríshaanáy oo baraá Filadelfiár i dirií', «Axweesantí dír i dahh a dír kudá' Hhoohhoó', kudá' looeemaá axweés, kudá' gweermór Daudi ga koóm. Inós afkú do' bar ngwa gweér, heé tseegaro gu aleesláw i kaahh. Nee inós bar ngwa tseék, heé gweermooro gu aleesláw i kaahh.

Geehhoeemaá 4:8

Nee muruuwí slaáf tsiyahhaawo umuúqo gaaro hhampe'eeraá lahhoó' gi koón. Nee hhampe'eeriká' kaa harweér nee ila', nee tam baraá guruú hhampe'eeriwo. Muruuwí i daa' xweera nee tlaatla/aangw, ta hungu/uumisiiká sleeme. Gár ta daai a tí, «Aakoó Munguú Aleesleemusmo inós ku hhoohhoó', ku hhoohhoó', ku hhoohhoó'. Inós an kudá' qaroó daadáw, nee an kudá' dáw, nee kudá' sangw hardáh sleeme.»

1 SAMUELI 2:2

«Munguú hatlá' oo hhoohhoó' adór AAKOÓ MUNGÚ wa alé i kaahh. Asma oo hatlá' oo adór kuúng i kaakaahh, tam tlaa/ár adór Munguúrén i káhh.