YOBU 5:20 - Biblía Axweesantá Hhohho' ar Mungú 2004

²⁰ Qoomár qwarko inós kuúng u ba/amis baraá tsaxwaá gwa'araaro, Tam baraá slaqwarár hhamhhame inós kuúng uqo tuu/.

YOBU 5:20 Iomraidhean Croise

IIMU/UUNGW 45:7

Mungú aníng ina geerií huúw as iislaxmór kuungá' nee xwaylarhúng, tawa kumita' hotaawo nee nuwa ba/amis ar ba/amár ur.

1 WAAWITÁ 17:6

Xwaa'aro guna mikaáte nee fu'unáy huwaahúp matlaatle nee tsiindowo. Ma'aá wahaangw gina sláy baraá duxuudá' wa aleeró.

WARA'AMI 118:18

AAKOÓ MUNGÚ iga ló'wa slahh'eés, ala iga mayká niwa gwaa'.

WARA'AMI 144:10

Kuúng an kudaádá' baali ga hanmiís dír waawitá. Kuúng sagadiyusmoowók Daudi una ba/amís.

WARA'AMI 27:3

Tam slaqwaruuse ti amohhe'esa as tiwa muxaan nee aníng, ala án a baloó dae feehhiitaaká. Tam aníng slaqwara i harati'ita, ala qoomaadae án Mungú un harahhiíf.

WARA'AMI 33:19

as inooín ngiwa tu/i baraá gwa'araro, nee ngiwa /iisi qoomár giyeede.

WARA'AMI 37:19

Inooín ki mureekeesiiká qoomár tlaakwe, kureeraá giyeede inooín i /ayiná'.

WARA'AMI 49:7

Ar looeemawo hee kilós ba/amisaro ti aleeslayká, tam gár i haniisi kitángw slafiingose i káhh dír Munguhe.

AXWEESANOÓ SAGALOOA 10:3

AAKOÓ MUNGÚ heé gan'amuú koóm gu baraá qwárkwí mayká iwa gwaai; Ala ilaatleerír heé tlaákw gan amór saáwí kwaahh.

ISAYA 33:16

Heé adoorí hotaawós i gawaá gawa, dirós tidá' amohhoo' kaa harweér ar koo/ír gawit ar tla/u, muruú /aymaarós kun hanmiis umuú daqto, nee ma'aá wahaangw gi baloó dakuusiiká.

YEREMIA 37:21

Waawutmo Sedekia hara'aya gari oó', Yeremia kuwa tseegi dír afeenidá xuumuuse i xumxaaxuun, nee kuwa mikaátér i hanimisi umuú deelooro nee mukdá' mikaátér tlehhahhiít ay dír mikaatedá' ii fak baraá gixsaadae. Naagáy Yeremia iri dír afeenidár xuumuusér wa hotaatín ay qoomár gixsár Yerusalemu kawa hayóh.

YEREMIA 39:18

Anuú AAKOÓ MUNGÚ a káh, ar ló' án kuúng u ba/amís nee kuúng tu gaasiiká baraá slaqwaraaro. Gawaá adoorihe kuúng slafiingók u tú/, asma kuúng aníng ina harahhíf.› »

HOSEA 13:14

Aníng i ba/amís baraá /uuruú gi'iiwo. Aníng nu wangeexwaár dír gwa'araro. Aá gwa'ára, tsu/utaarók gaálaay? Aá gí'i, hhitarhúng gaálaay? Gurtleemu u sangw koomaaká.

HABAKUKI 3:17

Geera tam /aantsí i laqwalkahe, laqaá tam sabiíbu i na/aá konkahe. Laqaá tam seituúni mamaá seituúni ngi laqwalindaakahe, tam qamu balaangw ngu hamaaremisiaakahe, nee tam bee/ángw baraá dito i faaki qatlooro, laqaá tam hikwa ni su'unsuu'utiia baraá slumto,

Matayo 24:6

Kuungá' kángw slaqwara' uqo axasá', nee tsimaahhír slaqwaraaro. Ala ma da'ayuutara', asma muruuwí gár kuwa hariím aqo in geerií hardah, ala alhhe'eesaydá' aa xayká.