YOBU 5:10 - Biblía Axweesantá Hhohho' ar Mungú 2004

¹⁰ Inós an kudá' tluwoó huwahuúw baraá yaamu. Nee an kudá' qamu gi ma'áy wa/amiís.

YOBU 5:10 Iomraidhean Croise

YOBU 28:26

baldá' tluwaay nguwa i axweés, nee loohír mankari nee kwarara/a gari tleéhh,

YOBU 36:27

Mungú an kudá' ma'aay gi baraá tlawtá wá gáwtí ar tlaatláw, Naagáy tluwaay guri tleehh baraá tlaangí.

YOBU 36:28

Huunkáy guri tluwtis, muu tluwoó yaariír guri sláy.

YOBU 37:6

Asma inós tlaa/aá tluwaay gin bay ‹Huué' gawaá daanduú yaamu,› nee baafoó tluwaay gun bay, ‹/Uuru ar tluwaak.›

WARA'AMI 147:8

Doori gin tuntukaakín ar huunkáy, yaamu gin tluuwáy i huuw, gawaá dindirmawo gitso gan titi'imiis.

WARA'AMI 68:9

Mungú, kuúng tluwoó yaariír nguna baraá yaamií hanís, yaamuuwók niwa slaaqatiyé' kuúng ina /uuruú /abén i hanís.

YEREMIA 10:13

Qoomár inós birna ilawaáts ma'aá gawaá doori in xuuru'utiyá'. Inós tlaangú gun duxún baraá ku/iyá yaamú wa alé. Inós mankari gan war'eemiis qoomár tluwaywo. Nee fur'a ni ti'imít baraá kuuntaywós wa aleeró.

YEREMIA 14:22

Xáy, munguaá lama awa xoordaá hatlá' tluwaay ngu huwiía? Laqaá tlaangú duuxaro ngu aleesláy'a? Xáy, aqo kuungeekáhe AAKOÓ MUNGÚ, Munguúrén? Atén kuúng un harahhifaán, asma kuúng tí sleémeero ana tléhh.

YEREMIA 5:24

Slám i baraá muner'ín i kaahiaaká, AAKOÓ MUNGÚ, Munguúrén un ilaiwa/aán, kudá' tluwoó hanmiís ar qoomaadá' hariim, tluwoó saxi, nee oo buhaareewo ngu hanmiis, nee umuúqo kurko bu'úngw hhó' ngun hanmiis ar qoomaadá' iwa harin.

AMOS 4:7

«Slám aníng nuna tluwoó /iít qoomár slahheeraá tám niwa meetiyé' hamnoó balaango. Ala tluwaay una haniís gixsár wák i alé, dír gixsár hatlae ngway ilaá/. Baraá qaymór wake tluwaay ina tluúw, nee qaymór hatlae i tluwiiká, iri qor'ót.

Tlehhema'aá ya/Abuuse 14:17

Ala muu gwa tawó mayká, ala adór muu inós ngur tsaahhi i deer. Inós hhooeemaawós gaa dirhúngí laqán ar tluwaydá' ni gawaá doorí wa hanmamisi, nee bu'uungw nguwa hanmamisi ar qoomaarós. Slám gur'erhúng ga aaxamiis muruú /aymaro, nee munerhúng ga qwal/atimis.»