YOBU 42:8 - Biblía Axweesantá Hhohho' ar Mungú 2004

⁸ Gawaá adoorihe awér faanqw slawaak nee gwaandaawér faanqwe, daqaní ta tleerá' amór sagadiyusmooeé' Yobu hikwaasíng ki ilahhooár da/a/ángw wá hanisá', as daandeemoohúng, Yobu kuungá' nu aleefirin, aníng firoorós a ya/aám, as kahhó' kuungá' munduwa alsihhiít as daktu'umarhúng tisíng, asma looeema iga kati'iiká daanduueene adoodár sagadiyusmooeé' Yobu ira axweés.»

YOBU 42:8 Iomraidhean Croise

IIMU/UUNGW 20:17

Abrahamu Mungú guri firín, Mungú Abimeleki nee aamaarós nee sagadiyuuseerós giri hungu/uús as niwa malé laqwaaliya'.

IIMU/UUNGW 20:7

Ala daxta, /ameenisíng ki/iseek, asma Abrahamu a aarusmo, inós kuúng u aleefirín hota kiwa sleer. Ala kuúng barnaxes aga ki/iská, xueek, ar looeemaá kilae kuúng a gwá' nee mukók sleémeero.»

1 QOM'I 15:26

Asma Mungú múk tlahhoó Laáwi nguwa alee/iisi kudá' sandakmoó alqado oo AAKOÓ MUNGÚ ngu loohisá', ilahhooár muruú ta tsu/i ngay hanisiyé' dír AAKOÓ MUNGÚ ar awe faanqw nee gwaandaawe faanqw.

2 QOM'I 29:21

Awér faanqw kari huúw, gwaandaawe faanqw kari huúw, deeloó bee/aangw oo faanqw, nee gurtaawe faanqw, kina haniís as tawa ilahhooár tlakweema hingeesa daanduú waawuti'iimaro nee didá' hhoohhooe nee as múk Yuda. Waawutmo kaahamuusér Mungú tidár xwaylár Aroni gari ádbáy, ilahhooarí ngiwa haniisiya' gawaá kitangwduú ilahhooár AAKOÓ MUNGÚ.

YOBU 1:5

Alaá umuúqo deelór ur bira sa waaraáhh, Yobu na/iiwós gin ateet giri hhoohhooees. Matlaatlér boo/ deelór ur bira sa waaraáhh, in tláy ilahhooár da/a gan haniis as umuúqo na/aywós. Yobu gár adoorí ngis tlehhiiti in kaahi, «Wane na/iieé' Mungú ngwa tlakweemí tleehhiyé' nee baraá gur'er'ine ngwa /oosliné'.»

YOBU 1:8

AAKOÓ MUNGÚ Neetlaangw guri báy, «Án ngi slaá' sagadiyusmooeé' Yobu ngwa aán. Inós a heé hhoó', oo gan'amuú tlehhiít, heé Mungú gu ilaiwawaá/, slám a heé tlakweemaá sla'aaká. Baraá yaamuwo heé adór inós i kaahh.»

YOBU 22:30

Inós heé daba' hhohhó' gun ba/amis. Tun ba/amis as kuúng tuwa xaslxaansli wásl.»

YOBU 35:8

Tlakweemaá kuúng ta tlehhit, heé i slahh'eesiya' a heé adór kuúng, nee hotaawók awa ganaa'á', hee ngun tu/iyá'.

YOBU 42:9

Naagáy Elifasi kuduú Temanmo nee Bildadi kuduú Shuhitmo nee Sofari kuduú Na'amatmo nari tlayé', adoodá' AAKOÓ MUNGÚ nga báy ngari tleehhiyé', AAKOÓ MUNGÚ alefirór Yobu gari ya/án.

WARA'AMI 103:10

Taa muuxiiká ar adoodá' tlakweemaarén wa hariim, taa buiiká ar qoomoó dakumisuurén.

TI'INAANGW 18:12

Yetro, taatoó harér Mose, ilahhooár da/a nee ilahhooár muruú ta tsu/i garí haniís dír Mungú. Aroni iri hardáh dinkwa nee bariisér Israeli as tawa al/ayin nee Yetro dír geeraá Mungú wa ale.

ISAYA 60:14

Daaqoó mukdá' iga baramaanuus ni hardah iri i tumbarara'aat. Kudá' sleémeero iga waaqaqaiye' ta xupuu' dír ya'aawók. Inooín kiíng iri baya', ‹Gixsár AAKOÓ MUNGÚ, Siyoni ar kudá' hhoohhoó' oo Israeli.›

YEREMIA 14:11

AAKOÓ MUNGÚ aníng ina báy, «Mukwí mu hhooeemá i aleefirimaar.

YEREMIA 15:1

Naagáy AAKOÓ MUNGÚ aníng iri báy, «Tam geera Mose nee Samueli i sihhitiia dír geeraaeé' as iwa firina', tam adoorihe aníng mukwí u baloó gurtlawaaká. Dir'eene amór saaw tay hiinges, diirihe ni quutliye'.

ESEKIELI 14:14

tam geera Noa, nee Danieli, nee Yobu in baraá yaamuuká' i diri'iia, inooín mukwí /iisaro ngu aleeslay'aaká, aqo har slafingw'ín ngun ba/amisiyá', as gan'amuuín kudá' i koná'. Anuú Aakoó MUNGÚ tí aga oó'.

ESEKIELI 45:23

Umuúqo baalaaro baraá deeloorí faanqwe inós awe faanqw ar batláy gari ilahhooár da/tá wa haniis dír AAKOÓ MUNGÚ, nee gwaandaawér faanqw ar xaslxaansli wasl, kin adoodá' aldaa/. Slamí gurta gun ilahhooár wa haniis umuú baalaaro as tlakweema hingeesa.

FAARO 23:1

Bala'amu Balaki guri báy, «Kiteerieé' awa faanqw awa ilahhooa ngiwa hanmiis tleehhang, daqaní awér faanqw ngi húp, nee gwaandaawér faanqwe.»

FAARO 23:14

Naagáy Bala'amu kuri huúw nee Balaki ay baraá qamaá Sofimu gawaá ságw tloomár Pisga. Gawaadae kiteeraá ilahhooa awa faanqw gina tleéhh, dír umuúqo kitaango awuú wák nee gwaanduwo gina haniís.

FAARO 23:29

Bala'amu iri oó' dír Balaki, «Kiteeraá faanqw awa ilahhooa tleehheek, nee awér faanqw ka amohhe'és, nee gwaandaawér faanqwe as aníng.»

Matayo 3:17

Afo nay gawaá doorí wa ilawáts iri ó', «Kwí a Garmaaeé', sla'aarusmooeé' oo aníng iga qwal/atis.»

Efeso 1:6

Adoorí gana tleéhh as atén tsuuqaawós kuká' xiríf kiwa ló'wa ilaiwawa/aan, as adoodá' inós tira ló'wa tsuúq, qoomár Garmaawós kuduú sla'aarusmo nguwa atén i haniís.

2 Timoteo 4:14

Aleksanda, kuduú kareermo, adór tlaakw gaa ló'wa tleéhh dir'eene. Maweek Aako gu li/áy buu' as tlehhemi'iiwós kudaádá'.

Ebrania 10:4

Asma tseerér awe nee ar gurtaawe tlakweema hingeesaro gi baloó aleesleeraaká.

Ebrania 7:25

Gawaá adoorihe kudá' Mungú ngu i daqaqawá' ar loohír inós, inós gi ló'wa aleesláy ba/amisaro, asma inós i slafaafín daqisleém as ngiwa aleefiriirin.

Yakobo 5:14

Hee baraahunge bir tiiq, bariisér múk kríshaanáy ngi ateeti, nee inooín ngu aleefirine', nee nguwa di/ítár slikiya' ar baraá umuú Aako.

Yakobo 5:16

Gawaá adoorihe, kuungá' ti kiloohúng tlakweemií hhu'u'uunde', nee ti kiloohúng aleefiriiriinde' as tunduwa hungu/uusi. Firór heé gan'amuú koóm i ló'wa /uuruú koón nee i gaa bú'.

1 Yohana 5:16

Hee bar hhiyaawós gwa ár, i tlakweemaá tlehhiit, ala a tlakweemaá gwa'arár kooma'aaká, ngu aleefirin, nee Mungú gu slafíngw i haniis. Ala firoorí a har dír mukdá' tlakweemaá gwa'ara gaa tleehhiiká. Tlakweemaá gwa'arár koomá' i dayá'. Aníng a kaahaaká ngu aleefirin as tlakweemaaká'.

1 Yohana 5:6

Yesu Kristo an kwí naa hardah ar ma'aay nee tseere. Naa hardihiiká ar ma'aay kilooín, ala nina hardáh ar ma'aay nee tseere. Qeeru an kudá' gu lamabu'uúm, asma Qeeru a looeema.

Geehhoeemaá 3:9

Ga/aaweek, mukko i deer oo Neetlángw eeharahár. Inooín ta kaahi atén a múk Yahudi, ala laatí a loeká, ala inooín a lamuuse. Aníng mukwí ngu /uurutís as iwa amoorók i hardihi, nee iwa tumbarara'aati dír geeraawók i alé, as inooín ngiwa tsaahhiya' adór aníng kuúng ur slaá'.

1 SAMUELI 25:35

Daudi muruudá' sleémeero Abigaili i koon guri óh, gari báy, «Kiíng waátl amór do'ók ar wayda, ga/aaweek tidá' kiíng naa aníng beér aga axaás, nee firoorók aga ilaóh.»