YOBU 42:6 - Biblía Axweesantá Hhohho' ar Mungú 2004

⁶ Gawaá adoorihe aníng taa kilooeé' aáhh. Aníng aga ya/a/aám, da/ara nee teeriro i gawaaéní qaás.»

YOBU 42:6 Iomraidhean Croise

IIMU/UUNGW 18:27

Abrahamu iri ilawaáts, iri oó', «Aga qo qiítl nee Aako tawa axweesaan, aníng aqo adór teeri nee da/ara.

1 WAAWITÁ 21:27

Alaá Ahabu adoorí ngiwa axaás, tlabaawós gina feehhamiís, guniya gana tsiít, iri gwaawín, iri guniyadúr guú' nee iri hi'iimiít ar gurhaami amorqá' nee tiqae.

ESRA 9:6

Niri oó', «Aá Munguúeé', án aga amooqwaár, a muruumiít gitse/aaeé' ngiwa amoorók i tlees, Munguúeé', asma tlakweemaarén ki yaariir nay hardihiyé' gawaá sageerén, tlakweemaarén nina dooginé' nay hardihiyé' gawaá doori.

YOBU 2:8

Yobu parhhamtá qambeesmo gari taataáhh, iri iwiít baraá da/ara, tiri hhusliít ar parhhamtadá'.

YOBU 30:19

Mungú aníng iga kwaáhh baraá baa/í, aníng hamí ana teeruút, nari da/aruút sleeme.

YOBU 42:5

Aníng kangók ugwa axamiís iaeene. Ala hamí kuúng una ár ar ilaeé' awa kilá'.

YOBU 42:7

AAKOÓ MUNGÚ iwa hhe'eés axweesantá dír Yobuwo, Elifási kuduú Temanmo guri báy, «Aníng muuna iga ló'wa gaás as kuúng nee hhaeewók kudá' tsár, asma axweesantá ganaa' aga axwesi'iiká daanduueene ar adór tidár sagadiyusmooeé' Yobu, ira axweés.

YOBU 9:31

inós aníng aqo in /aytiis baraá bohóngw baa/ír koóm, tlabaaeé' awa kilá' aníng iri sa xinii'iyá'.

WARA'AMI 51:17

Ilahhooár muruú ta tsu/i ar Mungú i ilaoohi a qeeruú aa ya/an amoorós i ale, a muunuú aa gwadiidin nee oo aa dutlutlu/uut, asma Mungú gu waaqaaiiká.

ISAYA 5:5

«Hám daxta adór qaymoorí ngi laaq ngi oó'. Yawtós an feé/, kari hhitín, koo/irós an feé/, kari yaamií kal/án.

ISAYA 58:5

Xáy, gwaawitór adoorí aqo tidá' aníng naa tsawaári? Tí hee tiwa tsatsaa'areesi, sagós nguwa yaamií xupu'umisi adór gitso, nee guniyadu ngiwa hhafi, iwa gawaá da/arár wá iwiiwiti. Xáy, kuungá' adoorí kawa xua' a gwaawitoóro? Nee an baalár AAKOÓ MUNGÚ nuwa ya/ána?

YEREMIA 31:19

Asma alaá atén tawa dee/aanuutaán ana hhu'uu'umaán, alaá tiwa intsaahhatís ana gurhamuutaán, tari mureekesuutaán tari amoqwaaraán, mureekesoó iimír masoombi'iimarén tin alkomkaakón.›

ESEKIELI 16:63

Aníng kiíng i gurtláw gawaá tidá' sleémeero taa tlehhi. Kiíng tidá' sleémeero taa tléhh bar aga insleér, tari waa/ó/, afkók kuri mutsuutsú' as mure, tay qitlká axweesántí ki/imawo. Anuú Aakoó MUNGÚ tí aga oó'.»

ESEKIELI 20:43

Didaádá' an dír tlakweemahúng nee tlehhmi'iihúng kudá' tlakw kiwa insleera', adór kuungá' nura slasla/areesiyé'. Kuungá' mune nuri fák as tlakweemahúng kudá' taa tlehhé'.

ESEKIELI 36:31

Naagáy kuungá' hotaarirhúng tidá' tlakw kari insleerá', nee tlehhmi'iihúng kudá' tlakwe, kuungá' tari kiloohúng ahhitá' asma tlakweemahúng nee muruudá' aníng ni waak taa tlehhé'.

ESEKIELI 6:9

Amoodaádae aníng in inslayá' baraá tla/ángw xoorduudá' nay diya/ati'i. Ngiri inslayá' adoodá' ngira slaáhh, asma inooín nina inkihhimu wasleesiyé', niri warqayé', aníng harahhifooro iri mayé', niri warqayé' amór slaqasi'iidá munguaá hatlá', ngiri harahhifiyé'. Gawaá adoorihe inooín tari kilooín aahhiyá' asma tlakweemaín kudá' sleémeero naa tleehhiyé'.

DANIELI 9:3

Aluuwo Aakoó Mungú una firiím ar muunaáeé' sleémeero dinkwa nee gwaawito, tlabaá guniyadu ngiri dahaás nee niri iwiít baraá da/ara.

TLAHHOÓ LAÁWI 13:12

Barnaxes tiqtír tsatmit slaqwtá heedá' gaa ót iimír ságwá tleemu ay tsa/oó yaae ar adoodá' kaahamusmoó Mungú ngira ari,

Matayo 11:21

«A tsaxwaahúng kuungaá gixsár Korasini, nee kuungaá gixsár Bet-saida. Asma muruuduú waa/oo/amo muruudá' xuawaslén aa tleehharumiit dirhunge geera bar ina tleehharuút baraá Tiro nee Sidonír wa ale, taa qaroó hhu'u'ún, nee guniyadu kay tsiit, tay iwiit gawaá da/ara as hhu'u'ungw'ín kuwa laqan.

Luka 10:13

«Kiíng gixsár Korasini, nee kiíng gixsár Bet-saida, a tsaxwaahúng. Asma muruudá' xuawaslén aa tleehharuut dirhunge, geera dír iwa tleehharuút bar an baraá Tiro nee Sidoni, geera iimirihe naa qaroó hhu'u'uné', nee guniyadu kay tsiít, tay iwiít baraá da/ara.

YOSHUA 7:6

Yoshua nee bariisér Israeli tlabaaín ngina feehhamisiyé' as gurhaami, inooín tari gwangwara'amiít dír geeraá sandakmoó alqadór AAKOÓ MUNGÚ. Nina didá' wa iwaawitiyé' ay tsiindo, slám sager'ín ngaa teerírí qamaaminé'.