YOBU 42:2 - Biblía Axweesantá Hhohho' ar Mungú 2004

² «Aníng a xuú' adór kuúng umuú gaaro kar aleesleér, nee umuú gár taa tleehhár wa sla'a ka baqiiká.

YOBU 42:2 Iomraidhean Croise

IIMU/UUNGW 18:14

/Aymuú gawít i deéro oo AAKOÓ MUNGÚ gur baá/? Har afi qoomaadá' án naa ooi, án ni kií/ kurko siiwár adoorihe, Sara na/oó garma gwaa sleér.»

YOBU 23:13

Ala inós i baloó warqayká, heé inós gu warqeés a heemá? Nee gár inós tleehhamooro i slai an tidá' tleehharuut.

YOBU 25:2

«Waawuti'iima nee ilaiwa/ameero ar Mungú, nee inós wayda gun gawaá doorí wá tlehhiit.

YOBU 42:1

Aluuwo Yobu AAKOÓ MUNGÚ guri mu/aywaáts guri báy,

WARA'AMI 135:6

AAKOÓ MUNGÚ tidá' inós gwa sla'atis ga tleehh gawaá dooriwo, nee baraá yaamuwo, baraá tlawi nee iloowós sleémeero.

WARA'AMI 139:2

Bar iwiwiít nee bar sihhimiít, kuúng aníng i xú'. Iinslaway'eé' ugwa tsáhh amór saáw wa ale.

WARA'AMI 44:21

ahaá geeraawo Mungú gaa tsaáhhiíke? Asma inós sufuú baraá mune gun xuu'.

AXWEESANOÓ SAGALOOA 19:21

Muu muruú yaariír gun mak qoomaamees, Ala gár tleehharuut a tidá' AAKOÓ MUNGÚ aa ya/án.

DAHARUSMO 3:14

Aníng a xuú' adór gadiyér Mungú ir hhitirutká. Gár ta doogi i káhh, laqaá ar ta /aareesi i káhh sleeme. Asma inós adoorí gana tleéhh as kuwa ilaiwawa/i.

ISAYA 14:27

Asma AAKOÓ MUNGÚ Aleesleemusmo adoorí gaa tsabín, heé ga sií' a heemá? Inós gaa istí tsaát xoordu ngiwa muxi, heé inós gu ilaá/ a heemá?

ISAYA 43:13

Aníng an Mungú, iimír hamí wa tleemu ay alhhe'eesaay, aníng an Inós. Heé gawaá dabaeene kuungá' nu tuú/ i kaahh. Heé gadiyér'eé' ga baáq a heemá?»

ISAYA 46:10

Aníng alhhe'eesaay nguna iimír iimu/úngwa oó', nee muruudá' aluú wa hardáh nguna iimír aáng wa oó'. Aníng a kah, ‹Gar'eé' ar naa qoomeés a boo/eés nee tidá' sleémeero ni slaa' a tleéhh.›

YEREMIA 17:10

Anuú AAKOÓ MUNGÚ inslawoó muu un tsee/ariím, nee munér muu an iiaraa'ár, as kahhó' umuúqo heewo nguwa buu' ar adoodá' ir hotaatin, nee adoodá' tlehhmi'iiwós i dirii'iya'.»

YEREMIA 32:17

«Aá Aakoó MUNGÚ, kuúng doori nee yaamu ina tléhh ar aleesleemuú úr, nee ar /uuruuwók.

ESEKIELI 38:10

«Kuúng, Gógu, anuú Aakoó MUNGÚ a kah, baalaadá' birna xeér muruú tlákw kuri axwés baraá muunaáwók i ale, nee kuri qoomeemés tari o',

DANIELI 4:32

Kuúng tu guus dír tla/ángw muko, tari alhotá' nee makaá baraá sla/a, nee gitso kari /ák adór awu har afi qoomoó kureeraá faanqwe. Ay dír kay tsahh adór Munguú úr ir waawuti'ii'ín baraá waawuti'iimár muko nee waawuti'iima gan haniis dír heedaádá' inós i slai.»

DANIELI 4:35

Yaamuloouusér daanduú yaamu a gaarooká dirose. Dír malaykedá' gawaá doorí diriia adór i slai gan tlehhiit tam dír múk baraakaá yaamuwo. Heé dakós gu ilaá/ i kaahh tumu wák, laqaá heé gu báw, ‹Gár adoosíng kas tlehhit a milá?›

Matayo 19:26

Yesu eeharuuse gari i qaytsiít gari báy, «Dír muko adoosíng i ya/aandaaká, ala dír Munguhe umuúqo gaaro i ya/aán.»

Marko 10:27

Yesu giri i qaytsiít iri oó', «Muu ga aleeslayká, ala dír Munguhe a adoosingeeká, asma dír Munguhe umuúqo gaaro i ya/aán.»

Marko 14:36

Iri oó', «Baabuúeé', Baabuúeé', kuúng umuúqo gaaro a aleesleér. Slahh'ámuuwí dir'eene hingeeseek. Tam adoorihe adoodá' aníng ni slaa' ma tleehhaar, ala tidá' kuúng ta sla' na tleehheek.»

Luka 18:27

Yesu iri oó', «Tidaádá' dír muko ya/aamaaká, dír Munguhe i ya/aán.»

Yohana 21:17

Yesu iri malé oó' sagaáwa tame, «Símon, garmoó Yohane, án kuúng i slá'a?» Petro iri gurhaamuút asma adoodá' kuwa yaahaás sagaáwa tame, nguwa báy, «Án kuúng i slá'a?» Petro iri oó', «Aáko, kuúng mura' sleémeero u xú', nee kuúng aga tsáhh adór án kuúng ur slaá'.» Yesu iri oó', «Bee/angw'eé' /aymiiseek.

Efeso 1:11

Tam atén sleeme baraá Kristowo tina aaluuse tleéhh, adoodá' inós aa qaroó slaá', inósuudá' mura' sleémeero gu tlehhiít ar sla'aarirós.