YOBU 42:11 - Biblía Axweesantá Hhohho' ar Mungú 2004

¹¹ Aluuwo Yobu hhaeewós awa daaqaay nee awa dasuuwo, nguri i daqayé' nee mulqeerose. Mukdá' aáng Yobu gu xuú' tari amór do'ós i daqáy, tari al/ayín, nguri gurkwa/amisiyé' as slahh'amudá' yaariír aa sláy oo AAKOÓ MUNGÚ aa dirós i huúw. Umuú heewo muqslidár peésa gana haniís nee mungoó wák oo sahaábuwo.

YOBU 42:11 Iomraidhean Croise

IIMU/UUNGW 24:22

Angamía qoomár wahaango iwa hhe'és, heedaádá' peétér taa tleéhh ar sahaábu gana taataáhh, iiloeemaawós a har afi qoomoó tlaqtá shekeéli. Peéterí gari dahaás gawaá duungaá Rebeka. Nee munga'aá tsár awa taa tleéhh ar sahaábu giri dahaás gawaá dabaawós, iiloeemaaín a har afi qoomoó shekeéli mibaangw.

IIMU/UUNGW 24:53

Peésa gari duúx, nee sahaábu nee tlaba', giri Rebeká i haniís. Muruú tlaxór gawa sleeme guri haniís dír hhiyoó Rebeka nee aayírós.

IIMU/UUNGW 37:35

Na/iiwós awa daaqaay nee awa dasu baabuúín nguri i daqayé' kuwa gurkwa/amisi. Ala Yakobo gurkwa/asa gari sií' iri oó', «Án garmaaeé' u baloó gunqareesaaká tam ay baraá gi'i.» Gawaá adoorihe Yakobo garmaawós guri al/aa/amaamín.

YOBU 16:5

Geera nu alee/iís baraá axweesantahúng tisinge, axweesante'eé' ar gurkwa/asa geera kuungá' nu gurkwa/ás.

YOBU 2:11

Mulqerka tám ar Yobu, Elifasi oo baraá yaamaá Temani, nee Bildadi oo baraá yaamaá Shua, nee Sofari oo baraá yaamaá Na'amati, kángw slahh'amuú Yobu nguwa axaasiyé', niri tsabiné' nguwa neetleesi aya', nee nguwa gurkwa/amisiya'.

YOBU 4:4

Axweesantók múk aa dukuuts guna sihhtís nee oo aa diqay tsatimiit gwaa gurkwa/amís.

AXWEESANOÓ SAGALOOA 14:20

Narkutmo ku slaiiká tam nee inslaawaywós, Ala daqaarmo ku mulqe yaariír.

AXWEESANOÓ SAGALOOA 16:7

Hotaá hee bar AAKOÓ MUNGÚ ngwa sla'atisiyé', tam nee wakuuseerós tiri slaiyá'.

Yohana 11:19

Nee múk yaariír oo Yahudi tinda hardáh dír Marta nee Maria, as kiwa gurkwa/amisi as hhiyaaín iwa gwaá'.

Rumi 12:15

Qwalala/é' dinkwa nee mukdá' qwalalaá/. /Aa/amiimé' dinkwa nee mukdá' /aa/amiím.

1 Korinto 12:26

Nee diqito'ór wák barnaxes aa slahhá', diqaay sleémeero aa slahhaá' dinkwa nee diqito'oodá'. Ala diqito'ór wák barnaxes kaa xirfayeés, diqaay sleémeero i qwalalaa/ dinkwa nee diqito'oodá'.

Ebrania 12:12

Gawaá adoorihe, daberhúng tidá' aa wanana'at gáwtí gan'aasaak, nee gurunge'eerihúng kudá' /uuruú kooma'aaká kwa/asaak.

Ebrania 13:3

Mukdá' taa tsegiít baraá doó tseegamo, inslaslaawaak. Kuungá' sleeme masók an adór múk taa tsegiít dinkwa nee inooín. Tam mukdá' ta slahh'eemisi sleeme inslaslaawaak, asma kuungá' sleeme a múk slaqwaá koóm adór inooín wa ale.

YOSHUA 24:32

Fadaá slaqwtá Yosefu, kudá' aáng tinda huúw nee xoorór Israeli iimír yaamaá Misrír wa ale, kiri foól yaamaá Shekemu, dír yaamuudá' Yakobo aa tlaáxw dír daaqoó Hamórí wa ale baabuú Shekemu, ar parhheemaá muqslír peésa awa tsiiruú wák. Yaamuuká' aluuwo tari aalír xwaylár Yosefu.

1 SAMUELI 10:27

Ala mukko amoowásl tari káh, «Xáy, kwí adór tir ba/amisi?» Inooín kuri waaqaá' tam qeemuú kway huúw i kaahh. Ala inós gaa gaárí xuiiká.