YOBU 41:10 - Biblía Axweesantá Hhohho' ar Mungú 2004

¹⁰ Hee tam i xaraasli makiito'oorí ga baloó kwatitiiká. A heemá alók daxta heé geeraaeene sihhtano ga qiítl?

YOBU 41:10 Iomraidhean Croise

IIMU/UUNGW 49:9

Yuda a adór na/oó diraangw. Makiito'oorók biringa ót, an kí/ baraá mar'i. An yaamií qát, tiri adór dirángw wa aldúx, adór dirángw /ameeni, heé qiítl a heemá naxwto.

YOBU 3:8

Da/aluuse baalaadá' ngi lu'us, mukdaádá' sagalooár makiito'ooda' ta bay Lewiatan kawa baali ga koóm, baalaadá' ngi lu'usi.

YOBU 3:9

Gwa/aateemaá tsetse/uú qoomár matlaatlér boo/ i giwiye', xweeraadá' tam i gwa/aateemaá ilatleerusia, mingiwa slayé', nee gwa/aateemaá matlaatlér boo/ mingiwa ariyé'.

YOBU 40:9

Ahaá kuúng /uuruú adór kwe'eé' kwí uqo koónda? Afoorók kawa adór te'eé' wá kududuhus a asleéra?

YOBU 41:9

Umuúqo heé Lewiatani gaa ari hor/i gun eér iri gáwtá wá huu'.

YOBU 9:4

Inós sagalooár yaariir ga kón, nee /uuruú yaariír gu kón, heé gu qiítl tlampa'aasaro nee iri baalín a heemá?

YEREMIA 12:5

AAKOÓ MUNGÚ i kaahi, «Yeremía, kuúng qwaatlór nee muu ana harslaaqát, adór kuúng nee faras tar qwatla'? Kuúng bar an huuhu'uún dír yaamaá hhoohhooe, adór kuúng qwaatlo kar aleesleer baraá darmuú Yordaniro?

YEREMIA 49:19

Ga/aawaak, adoodá' diraangw nir baraá darmuú Yordanír wa /akuuti ay baraá tla/ángw daqtá bee/aangw, an adoodá' aníng múk Edomu ngur guus baraá yaamuuín wa alé. Aníng geeraharusmooeé' oo aníng i iialooeemiís un tsawaár, nee nguri qaás. Asma heé adór aníng a heemá? Heé aníng i sakwasleemuút a heemá? De'eemusmoó aníng i tlaampa'aás a gaalá?

YEREMIA 50:44

Ga/aaweek, adoodá' diraangw nir baraá darmuú Yordanír wa /akuuti ay baraá tla/ángw daqtá bee/aangw, an adoodá' aníng múk Babuloni ngur guus baraá yaamuuín wa ale. Aníng geeraharusmooeé' oo ni slaa' un tsawaár, nee nguri qaás. Asma heé adór aníng a heemá? Heé aníng i sakwasleemuút a heemá? De'eemusmoó aníng i tlampa'aás a gaalá?

FAARO 24:9

Ina xupuú' iri yaamií qaát adór diraangw, a adór dirángw /ameeni, heé gu qiítl gwarangwarto? Umuúqo heé kuungá' naa tsuuq ku tsuuqi, umuúqo heé kuungá' naa lu'us ku lu'usi.»

1 Korinto 10:22

Ahaá, atén aqo qitlána Aako kuwa buhhtisaan? Atén a ak /uuruú koomaána ta inose?