YOBU 40:9 - Biblía Axweesantá Hhohho' ar Mungú 2004

⁹ Ahaá kuúng /uuruú adór kwe'eé' kwí uqo koónda? Afoorók kawa adór te'eé' wá kududuhus a asleéra?

YOBU 40:9 Iomraidhean Croise

YOBU 23:6

Ahaá inós aníng inqo tlaampa'aási ar /uuruuwós sleémeero. Aasla'áy! Ala aqo in iiárií qaas.

YOBU 37:2

Áx iia qaaseek kwarara/ár afór Mungú adór i diri', nee xuuraaír baraá afkós daahh.

YOBU 9:4

Inós sagalooár yaariir ga kón, nee /uuruú yaariír gu kón, heé gu qiítl tlampa'aasaro nee iri baalín a heemá?

WARA'AMI 29:3

Afór AAKOÓ MUNGÚ ka axamiis, i gawaá ma'aay. Munguú xiríf kwarara/a ga kududuhuus. Afór AAKOÓ MUNGÚ ka axmiis gawaá daanduú tlabeemo!

WARA'AMI 29:4

Afór AAKOÓ MUNGÚ i /uuruú koón. Afór AAKOÓ MUNGÚ i aleesleemuú koón.

WARA'AMI 89:10

Kuúng dayshamoodá' ta bay Rahabu una naasuúr, ar /uuruuwók kudá' ta koonda, wakuuseerók ana arbá/.

WARA'AMI 89:13

Dakók i aleesleemuú kón, dakók oo doó /iyáy i /uuruú kón nee arba/ati.

WARA'AMI 98:1

AAKOÓ MUNGÚ i daa'aak ar daa'ángw /abén, asma muruú waa/oo/amo guna tleéhh, ar dakós oo doó /iyayhe nee kudá' hhohhooe, inós iri baalín.

TI'INAANGW 15:6

Aá AAKOÓ MUNGÚ, dakók oo doó /iyáy xirif gwaa sláy ar /uuru. Aá AAKOÓ MUNGÚ, dakók oo doó /iyayhe wakuuseerén aga naasuúr.

ISAYA 45:9

A tsaxwaawós heedaádá' ti tlaampa'aamiisá' nee tleehharusmoowós, Tleei tleeusmo gunqo tlaampa'ása. Hutloó adór hutla'aá hatlá'. Xáy, tleei tleeusmo gunqo beéra, «Gár ta tlehhit?» Laqaá «Gadiyér dabaawók i qoondaaká.»

ISAYA 52:10

AAKOÓ MUNGÚ /uuruuwós kudá' xiríf gwaa laqán, dír geeraá xoordu sleémeero nee múk ku/uya sleémeero awa yaamu ba/amár Munguúrén ngi ariyá'.

YEREMIA 50:24

Kiíng Babuloni ina tsaaxweelír i qaás iri óh, ala gár taa tsáhh i káhh. Tina sláy tari óh asma tina tlampa'asaán nee anuú AAKOÓ MUNGÚ.

ESEKIELI 10:5

Afór hhaampe'eeraá keruúbi kari amór afeenidár tsee/aá wá axaás. Afoodá' a adór axweesantá Munguú Aleesleemusmo.

1 Korinto 10:22

Ahaá, atén aqo qitlána Aako kuwa buhhtisaan? Atén a ak /uuruú koomaána ta inose?

YOSHUA 4:24

As kahhó' xoordu sleémeero awa baraakaá yaamu ngiwa tsaahhiya' adór dákw AAKOÓ MUNGÚ ir /uuruú kón, nee as kahhó' kuungá' AAKOÓ MUNGÚ, Munguúhúng, kuwa ilaiwawa/a' ay kureeraá kureér.»