YOBU 4:6 - Biblía Axweesantá Hhohho' ar Mungú 2004

⁶ Ahaá, harahhifoorók a Mungú kuwa ilawawá/ke? Gan'amuuwók an gár kuúng taa haraahhífke?

YOBU 4:6 Iomraidhean Croise

2 WAAWITÁ 20:3

«AAKOÓ MUNGÚ, án kuúng un harhheehhe'eés, adoodá' aníng kuúng ura sagadiyuús ar inkihhimu, nee ar muunaáeé' sleémeero inslaweek, nee tidá' dír geeraawoge qoom ana tleéhh.» Hesekia iri gurhaamuút iri /aá/.

YOBU 1:1

Heeko i deer, oo baraá yaamaá Usi. Inós a heé hhoó', oo gan'amuú tlehhahhiít, heé Mungú ilaiwawaá/, nee oo tlakweemaá sla'aaká. Heewí umuuwós a Yobu.

YOBU 13:15

Mungú bar aníng i gaasár wa slaa' i gaasi, Aníng harahhifo a koomaaká, tam adoorihe aníng ti aleekalaá/ dír geeraawose.

YOBU 16:17

Ala slám aníng gár tlaakw ar naa tleéhh i káhh. Firor'eé' dír Munguhe ka hhohho'.

YOBU 17:15

daqaní harahhifór naa aniíngí met a gaalá? Heé harahhifor'eé' tí ga ár a heemá?

WARA'AMI 26:1

Aá AAKOÓ MUNGÚ, án aleekalaa/áng, asma aníng baraá hotangw'eene ti daba' hhohhó', nee aníng AAKOÓ MUNGÚ una harahhiíf ar xure wasle.

WARA'AMI 27:3

Tam slaqwaruuse ti amohhe'esa as tiwa muxaan nee aníng, ala án a baloó dae feehhiitaaká. Tam aníng slaqwara i harati'ita, ala qoomaadae án Mungú un harahhiíf.

AXWEESANOÓ SAGALOOA 14:26

Heé AAKOÓ MUNGÚ gu ilaiwawaá/ harahhifór /uuruú koom gaa sláy, Tam na/iiwós sleeme dír ni guwiya' ngi slayá'.

AXWEESANOÓ SAGALOOA 3:26

Asma heé ta harahhif tawa AAKOÓ MUNGÚ, Inós ya'aawók gin de'én as gár tlaakw mingiwa kalaa/iyé'.

ISAYA 33:6

Mungú tari kudá' tundus dinqisiiká baraá slafingwhunge, nuri ló'wa ba/amiimis, nuri sagalooárí hanmiis nee xu'utiro. Qaasirhúng ar ur tari AAKOÓ MUNGÚ kuwa ilaiwawa/a'.

1 Petro 1:13

Gawaá adoorihe inqwaruuhúng siinootaak, nee ta dal'á'. Kuungá' masók tsuuqaadá' tindi haniisi qoomár Yesu Kristo burkwa geehhooeés, in ló'wa harahhifá'.

1 Petro 1:17

Kuungá' Mungú bur firiiriindá', un Baabár ateetiindá', inósuudá' umuúqo heewo gu sakwasleemuút ar qoomoó tlehhemi'iiwós ar barqaanti wasle. Gawaá adoorihe, kuungá' hooté' ar Mungú kuwa ilaiwawa/a' baraá qoomaarí tawa hota' baraakaá yaamuú wa ale adór dahaaye.