YOBU 39:11 - Biblía Axweesantá Hhohho' ar Mungú 2004

¹¹ /Uuruuwós kudá' yaariír u haraaeéra baraá gadiyeéroge? Laqaá gadiyér gawit ar uwa tu/ i deéro?

YOBU 39:11 Iomraidhean Croise

IIMU/UUNGW 1:26

Naagáy Mungú iri oó', «Hee u tleehhaán ar tlehhmuurén, nee ar slaqsayrén. Nee inooín siyoó baraá tlawi ku sawaawuti'ii'ín, nee tsir/ór gáwtí tlatlaawa, nee makaá ta de'ena, nee makaá baraá sla/a sleémeero, nee muruú gur'eérár hi'iimita gawaá daanduú yaamuwo.»

IIMU/UUNGW 1:28

Mungú giri tsuúq, giri báy, «Laqwaalé', tlahhé', yaamu hatsiisaak, ki sawaawuti'iindá'. Siyó baraá tlawi kusa baaliliindá', nee tsir/ór gáwtí tlatlaawa, nee makaay sleémeero awa baraá yaamaá kaahaare.»

IIMU/UUNGW 42:26

Balangw'ín kuri tsa/aás gawaá daandeemaá daqwaayer'ín, tari tláy.

IIMU/UUNGW 9:2

Umuúqo makiito'ór baraá yaamu, umuúqo tsir/ór tlatlaawa gáwtí alé, dinkwa nee umuúqo gár gurúr hi'iimita, nee siyó sleémeero oo baraá tlawi kuungá' nun da'ayumiitiyá'. Muruuwí sleémeero kunga qaás gawaá dabaahúng i alé.

YOBU 39:10

Xáy, a aleesleéra ar wák kawa himúr tsek kari ar dósl? Laqaá inós i ya/aánda kurmo nguwa ar dosl?

YOBU 39:12

Xáy i ya/aánda saree/a kawa harahhif qoomár bar balaangók u loohís amór do', nee guqo húba dír afeenír balaangw muxta?

WARA'AMI 144:14

Hikwaarén masók ki slaqo hho'. Gur'e mingiwa kwakwahhiyé', laqaá na/ii mingiwa slaqwarahhiné'. Qununu/aay laqaá /aa/e mindiwa deeruutiyé', baraá lohduurene.

WARA'AMI 147:10

Ku qwal/amiisiiká nee /uuruú faras, laqaá /uuruú miguuse gu sa qwalaala/iiká.

WARA'AMI 20:7

Kookaari gaardaá slaqwara ngin harahhifiyá', nee kookaari farsuú slaqwara. Ala atén AAKOÓ MUNGÚ, Munguúrén, un harahhifaán.

AXWEESANOÓ SAGALOOA 14:4

Doó awér doosla iwa kahh, kuuntoó dooín ku kaaharen, Ala balángw yaariír ku sláy ar /uuruú awér doosla.

ISAYA 30:16

Kitangose kuungá' tari oé', «Aasla'áy! Atén an /akumitaán ar farasuú ti'ii'íngw baál.» Kuungá' aqo ta'aaiindá', tari malé oé', «Atén makaá ti'íingw baalá' tinar tiaainá'.» Gawaá adoorihe mukdá' kuungá' nu gusisiím, ti'iingo kuungá' nu baa/.

ISAYA 30:6

Kaangwí an iigu'utuú Mungú aa laqán daanduú makaydaá baraá xaanxoó bihhaá basa, «Ya/abuuse i waaráhh ar baraá tla/ángw yaamaá slahh'amuú koomá', yaamaá direeraá /ameena nee awa yaqambeero ngi koomá', nee daysheero nee dayshér ti gileehha. Inooín daqaari'iimar'ín nga tsa/aasiyé' gawaá daanduú daqwayer'ín, nee gawaá daanduú angamíar'ín, as tawa daqay amór múk gi gaa wa buaaká.

ISAYA 46:1

«Munguúdá' ta bay Beli aa yaamií huú' munguú ta bay Nebo aa huú' munguiihúng kudaá slaqsi'i ki loohiis nee makaay nee hikwa qoomarkaaro muruuwí kuungá' una loohisé', hám daxta ina tsa/asé' gawaá daandemaá makaá naa slaqaamitiyé'.

FAARO 23:22

Munguúdá' gaa leehh baraá Misri, gin aleslaaqw ar /uuruuwós oo adór kuquú saree/a.