YOBU 38:4 - Biblía Axweesantá Hhohho' ar Mungú 2004

⁴ Kuúng dír ti diri' a diimá qoomár aníng niwa yaamaá iihhafiim? Ooang gimáy qoomaadae bar muruú xú'.

YOBU 38:4 Iomraidhean Croise

IIMU/UUNGW 1:1

Iimu/uungo Mungú doori nee yaamu ngiwa tleéhh,

IIMU/UUNGW 2:4

Kaangwí an alki/ituú adoodá' doori nee yaamu kira tleéhh. Qoomaadá' AAKOÓ Mungú yaamu nee doori ngiwa tleéhh,

YOBU 15:7

Ahaá, kuúng an heé geeraáwo xwaylaro baraá daanduú yaamuwo? Qoomár Mungú tlom'i ngiwa tlehhiiti kuúng a deéro?

YOBU 28:25

Baalaadá' fur'a ngiwa iilooeés, nee ma'aay ngiwa qoomeemeés ar xooslomooduú qoomeemees,

YOBU 34:13

Heé inós gwaa ádbáy yaamu ngiwa ga/ay a heemá? Nee heé yaamu sleémeero gaa dabaawós í qaas a heemá?

WARA'AMI 102:25

Iihhafiirír yaamu aáng ana tléhh. Doori an gadiyér dabaawók.

WARA'AMI 102:26

Inooín i hhitiruutiyá', ala kuúng a kumamít. Inooín i qaruyá' adór inqwaruú wa ale, kuúng in adór tlabaá wá warqés, nay slaxaruutiyá'.

WARA'AMI 104:5

Yaamu ina gawdés gawaá iihhafiiri, as mindiwa baloó dingitiyé'.

AXWEESANOÓ SAGALOOA 3:19

AAKOÓ MUNGÚ yaamu gina iihhaáf ar sagalooa. Doori giri gawdeés ar fuquraangós.

AXWEESANOÓ SAGALOOA 30:4

Heé a gawaá doorí tsa/an niri yaamií aweér a heemá? Heé fur'a gaa gawaá tsa/oó dakós i oh a heemá? Nee oo ma'aay gaa pasltá inqwarirós ar oh a heemá? Heé bihhér yaamu gaa tleehh a heemá? Umuuwós a heemá? Umuú garmaawós a heemá? Looeemaawo u xú'.

AXWEESANOÓ SAGALOOA 8:22

«AAKOÓ MUNGÚ aníng ina geerií tleéhh, iimír qaránqar gár dáw iwa kahh.

ISAYA 40:14

Xáy heé inós gwaa hara'ayin tsaahha gari sláy i deéro? Xáy, heé gwaa intsaahhatis loohír gan'amuuwo a heemá? Nee heé gwaa sagalooárí haniis, nee heé gwaa xu'utírí haniis?

YEREMIA 10:12

AAKOÓ MUNGÚ yaamu gina tleéhh ar /uuruuwós, ar sagalooaarose yaamuuká' gina gawdeés, ar fuquraangose doori gina hhaáf.

AMOS 4:13

Mungú an kudá' tlom'i gaa tleehh nee fur'aaro, inós inslawaywós gun dír heéwí oo', inós an kudá' tlaatla/aangw gu xweerí warqeés, nee an kudá' sagér tlom'i ga yaamií adaráh. Inós umuuwós an AAKOÓ MUNGÚ, Munguú Aleesleemusmo.

Ebrania 1:10

Nee slám i malé kaahi, «Kuúng, Aáko, iimír iimu/uungo yaamu ina iihháf, nee doori a gadiyér dabaawók.

Ebrania 1:2

Ala de'emaarén kuká' alhhe'eesayhe ina dirén i axweés ar loohír Garmaawós, kudá' aa aaliitmoó mura' sleémeero wa qaás, slamí mura' sleémeero guna baraá inós ar tleéhh.

1 SAMUELI 2:8

Heé narkutmo gun slankwa'aas baraá teerír wa alé, oo gár slaá' gun tsa/aas baraá ufuú xwaansláy wa alé, as ngiwa iwiitisi dinkwa nee múk urén, as tawa aaliitér kiteeridaá ilaiwa/ame. Asma AAKOÓ MUNGÚ yaamu gin gáwtí kón.