YOBU 38:3 - Biblía Axweesantá Hhohho' ar Mungú 2004

³ Gím, siinootiím adór hhawaatuú wá ale, daqanirkó axweesante'eé' tí ngi tláxw.

YOBU 38:3 Iomraidhean Croise

1 WAAWITÁ 18:46

/Uuruú AAKOÓ MUNGÚ iri hardáh dír Eliya, inós iri siinootín, iri ta'aaín, iri giirín hardahmuuwo dír Ahabuwo baraá gixsár Yesre'eli.

YOBU 13:15

Mungú bar aníng i gaasár wa slaa' i gaasi, Aníng harahhifo a koomaaká, tam adoorihe aníng ti aleekalaá/ dír geeraawose.

YOBU 13:22

Axweesantók iimu/umang ooaro, aníng ngi mu/aywaáts, laqaá aníng te'eé' ngi iimu/uúm oiingo, kuúng ngi mu/aywáts.

YOBU 21:22

Heé Mungú gu xu'utís garkaro i deéro ar inós i xuiiká? Inós an kudá' kudaá gawaá doori gi sakwasleemuut.

YOBU 40:2

«Kuúdá' múk gur/aáy as tlakweemaaín kiwa tsahh nee Munguú Aleesleemusmo ti tlaampa'asá'a. Kuúngudá' axweesante'eé' tlaxuúm, anuú Mungú mu/aywatsáng.»

YOBU 40:7

«/Aátl adór hhawaatúwá ale, Aníng kuúng u yaahamiís, nee kuúng axweesante'eé' tí tlaxwang.

YOBU 42:4

Kuúng ina beér, ‹iiárií qaasáng aníng ni axweés, Aníng kuúng u yaahaás, daqaní kuúng axweesante'eé' tí ngi tláxw.›

TI'INAANGW 12:11

Bar /ayiindá' adoorí an tlehhá': An siinootiindá', ya/ataahúng in dahasá' baraá yaií ale, hhadoohúng ngin otá' baraá dabe. Fu'unaydá' kiri /agá' ar gaanslaay, gaa a Pasaákuú AAKOÓ MUNGÚ.

AXWEESANOÓ SAGALOOA 31:17

Siinootaywós gun tsék, gadiyeede tiri ifís. Istá kundaywós i tunuunu/ká.

YEREMIA 1:17

Hám daxta kuúng Yeremía, ti amohhe'es siinotaywók tseegeek. Tláw tí u babaw ooeek, inooín mi da'ayumitaar, as kahhó' aníng kuúng muwa de'eérí tleés dír geeraaine.

1 Petro 1:13

Gawaá adoorihe inqwaruuhúng siinootaak, nee ta dal'á'. Kuungá' masók tsuuqaadá' tindi haniisi qoomár Yesu Kristo burkwa geehhooeés, in ló'wa harahhifá'.