YOBU 38:15 - Biblía Axweesantá Hhohho' ar Mungú 2004

¹⁵ Múk tlákw ku gwa/aateemaá /iit, nee daber'ín ar naa tleesiyé' as tlakweema tlehhit kan giqáy.

YOBU 38:15 Iomraidhean Croise

2 WAAWITÁ 6:18

Múk Aramu niwa haraatláy, Elisha AAKOÓ MUNGÚ guna firín, iri oó', «Aníng kuúng u firiím, mukwí i taampumiti.» AAKOÓ MUNGÚ firo gari axaás, mukdá' iri taampuumiít.

YOBU 18:18

Kwa hingeés baraá gwa/aateemaawo, kuri kwaáhh baraá giwti, kuna guús kway saweés gawaá daanduú yaamuwo.

YOBU 18:5

«Aasla'áy, heé tlaákw aqo in hardah alhhe'eesoó tlaákw, nee gufuú asltós i gwa/aatiiká.

YOBU 24:13

Mukko i deer oo gwa/aateema gi sla'aaká, múk loohír gwa/aat ga xuaaká, tam sleeme loohirí ngiwa ar oohiya' ngi slaiaaká.

YOBU 31:22

daqaní suumar'eé' tí ni gáwtá wá hu', nee dakw'eé' ir gawaá suumár wá qeet.

YOBU 38:14

Yaamu nin warqayá' kaloó adór kuquú tlawu nguri slayá', iri warqayá' adór xooslár tleei ar taa daá/.

YOBU 5:14

Inooín tlaatla/aango gár ni ara'ariya' a giwti, slám qoomár /ametleemuuwo tan dabár leelehhiit adór múk xweera.

YOBU 5:15

Ala Mungú panaay gun ba/amis as munguwa tsu/iyé', narkuute gan dír dabaá múk /uuruú koóm wa wangexwaar.

WARA'AMI 10:15

/Uuruú /aytuuse nee tlakuuse hhitiimeek, tlakweema sleémeero hingeeseek.

WARA'AMI 37:17

Kudá' tlakuuse AAKOÓ MUNGÚ gi dabe giqáy, ala AAKOÓ MUNGÚ mukdá' hota ganaá' gun /uurií dook.

AXWEESANOÓ SAGALOOA 4:19

Ala loohír múk tlákw a adór ma/amír aa qipit, Gár inooín gi gee/asliim ngi xuiaaká.

YEREMIA 13:16

AAKOÓ MUNGÚ, Munguúhúng, diidi'iimisaak dír giwti ngira huwiiká nee dír tundura dukuutsiiká baraá tlom'aá giwa'a. Kuungá' gwa/aateema bira haraaxué', inós gin warqees tawa ma/mír aa qipit.

ESEKIELI 30:22

Gawaá adoorihe, anuú Aakoó MUNGÚ a kah, Aníng nee Farao ti araán, waawutmoó yaamaá Misri. Dabaawós tsaraawo in giqáw, kudá' hhoó' nee kudá' taa geeqayi. Nee aníng paángadá' gawaá dakós i dirii' an yaamií kwaáhh.

FAARO 15:30

«Ala barnaxes hee iwa dakuusi ina tsabín a dakuús ar pa/aayorooká. Inós bar an yaamuloousmo, laqaá hoomo, inós gár kuwa hariím a gaasa. Asma inós AAKOÓ MUNGÚ gun waaqaqaa'.