YOBU 37:5 - Biblía Axweesantá Hhohho' ar Mungú 2004

⁵ Mungú ar afoorose in kududuhuut ar waa/oo/amo, muruú dirén oo tsatsahhaango ta aleeslawanaká gun tlehhiit.

YOBU 37:5 Iomraidhean Croise

YOBU 11:7

A aleesleéra naaqór Mungú xu'utiiro nee harki/isoó Munguúdá' /uuruú koóm u aleesleéra xu'utiro?

YOBU 26:14

Ala muruuwí a sagér tawo ngina óh ar muruú i tlehhaahhiti, nee baraá tlehhmi'iiwose atén gár naa axasaán a bayrír tawo. Ala tlunaa/ír aleesleemuwós heé tsaahharo ga aleesláw a heemá?»

YOBU 36:26

Ga/aaweek, Mungú ku ló'wa úr, tam tsaahharo sleeme ugwa harslaaqataán, kureeraá slafiingós faaro ngi ya/an'aaká.

YOBU 37:14

Yóbu iia qaaseek Áx xasliít nee gadiyér Mungú ar waa/oo/amo aldakuuteek.

YOBU 37:16

Xáy, adór huunkáy kura gawaaqaá gáwtí amohhe'eés a xúa? An gadiyér waa/oo/amo ar kudá' ganaá', nee oo daharuú koóm.

YOBU 37:2

Áx iia qaaseek kwarara/ár afór Mungú adór i diri', nee xuuraaír baraá afkós daahh.

YOBU 37:4

Aluuwo afoorós iri xuuru', inós iri kududuhuut ar afoorós tidá' xiríf, qoomaarihe mankaroorós in wer'eeliín umuúqo diiro.

YOBU 40:9

Ahaá kuúng /uuruú adór kwe'eé' kwí uqo koónda? Afoorók kawa adór te'eé' wá kududuhus a asleéra?

YOBU 5:9

Mungú an kudá' muruú urén tlehhiít, muruudá' hee aldakwto i aleeslayká. Inós sleeme an kudá' muruú waa/o/amór tlehhiít, kudá' farooro ya/aamaaká.

YOBU 9:10

Muruú urén oo xu'utiro ya/aamaaká guna tleéhh, muruú waa/oo/amo oo farooro ya/aamaaká guna tleéhh.

WARA'AMI 18:14

Maheeriwós gina tlaquút, wakuuseerós gari diyaá/. Kár ee, gari diyaá/ ar mankarór yaariir.

WARA'AMI 29:3

Afór AAKOÓ MUNGÚ ka axamiis, i gawaá ma'aay. Munguú xiríf kwarara/a ga kududuhuus. Afór AAKOÓ MUNGÚ ka axmiis gawaá daanduú tlabeemo!

DAHARUSMO 3:11

Mungú umuú gár hhoohhooe gana qoomaarósí tleéhh ar kawa hhoohhoó' iwa xeer, nee baraá muunuú heewo muruú iimu/uungw wasle nee oo alhhe'eesay wasle nguwa xu'utír wa slai gana qaás. Tam adoorihe kwa pa/ángwií haniisiiká muruú Mungú aa tlehhiít iimír iimu/ungo ay alhhe'eesaay nguwa tsaahhi.

ISAYA 40:28

Ahaá kuungá' a xua'aakáhe? Asma kuungá' aga axasi'iikáhe? AAKOÓ MUNGÚ an Munguú alhhe'eesay wásl, Inós an kudá' yaamu gaa tleehh. Inós i slaaqatiiká laqaá i nusqutiiká. Xu'utirós tsaahharo ka gawit.

Rumi 11:33

Ga/aaweek, xáy, daqaari'iimár Mungú adór kar úr, nee sagalooarós nee xu'utiro. Heé sakwasleemarós tsaahharo ga aleesláw a heemá? Heé lohuduuwós leelehhtuuwo gi aleesláw a heemá?

Geehhoeemaá 15:3

Nee slám inooín daa'ángw ta daai oo Mose, sagadiyusmoó Mungú, nee daa'ángw Deelmoó bee/i, ta kaahi, «Aakoó Mungú, Aleesleemusmoó mura' sleémeero, tlehhemi'iiwók ki uren, nee i waa/oo/amór koná'. Waawutmoó xoordu sleémeero, kuúng lohuwók i ganaaiyá' nee slám awa ló'.