YOBU 36:7 - Biblía Axweesantá Hhohho' ar Mungú 2004

⁷ Ilaá Mungú i surkuna'aaká dír heé hota ganaa'a, Ala gin xirfayees nari waawuti'iná' dinkwa nee waawitá ay alhhe'eesay wasle.

YOBU 36:7 Iomraidhean Croise

IIMU/UUNGW 23:6

«Aáko, iia qaaseek, kuúng a heé úr oo Mungú baraá tla/angwrene, tuuár hareerók fooleek baraá baa'ár muunaáwoge taa tsawát. Baraá tla/angwrene heé baa'a ga kuúng wa /itiím i kaahh, tam oo u ilaá/ tuuár hareerók kawa fol i kaahh.»

IIMU/UUNGW 41:40

Kuúng a heé úr oo dooeé', nee an heé yaamueé' ngi geerahaár, nee muk'eé' sleémeero un sawaawuti'iín. Án kilooeé' tin úr diroge, asma niwa iwiít gawaá kitángw waawuti'iima.»

2 QOM'I 16:9

Asma AAKOÓ MUNGÚ daanduú yaamu sleémeero gu tsee/aarín as kudá' inkihhimuú koomá' dirose ngiwa /uurií doogi. Ala kuúng daktu'uma aga tléhh, gawaá adoorihe slaqwara i lakitká baraá ayaawoge.»

ESTA 10:3

Asma Mordekai kuduú Yahudumo tay heé tsár alaá waawutmo Ahasuerowo, nee heé úr baraá tla/ángw múk Yahudiro, hhaeewós gina sla'atís, mukós guna hhooeemí leelehhiít, mukós guna axweesanoó waydií axweés.

YOBU 1:3

Yobu a daqaarmoó tlií/, bee/aangw ngu kon kume faanqw, angamía kume tám, awér doosla ngi kon kumuú wák. Daqwaayér /ameena ngi kon a tsiire kooán. Sagadiyuusér do'ós ka ló'wa yaariir. Inós a heé ló'wa iia tleér baraá yaamuudaá da/aawe.

YOBU 22:29

Asma Mungú múk daara/aám gu daahh, Ala kudá' tsatsaa'aren ki ba/amis nee Mungú.

YOBU 31:4

Ahaá, inós lohduueé' gi xuiikáhe? Nee digir wakeetingw'eé' gu xuiikáhe?

YOBU 4:7

Hám bara tlaampa'ás amorqí ale heé gan'amuú koóm oo aa qwaar i deéro? Laqaá múk hota ganaá' kwaaqo baloó sí'i.

YOBU 42:12

AAKOÓ MUNGÚ hotaá Yobu kukaá alu gina ak tsuúq ta kudaá geeraawo. Bee/ángw Yobu tari kume mibaá nee tsiyáhh, angamiarós a kume lahhoó', hikwa ngi kon kume tsár, nee daqwaayér /ameena a kumuú wák.

YOBU 5:11

Múk liitlakwén gu /uurií dook nee kudá' tsuunqumiís gu waydií haniis.

WARA'AMI 33:16

Waawutmo i baalinká as yaareemaá slaqwaruuseerós, slaqwarusmo ti tu/iiká as iwa /uuruú kon.

WARA'AMI 33:18

Ga/aaweek, iltá AAKOÓ MUNGÚ i dír kudá' ngu ilaiwawa/á', kudá' sla'aarirós ar warqawaaká ngi harahhifá',

WARA'AMI 34:15

Asma ilaá AAKOÓ MUNGÚ i dír mukdá' hota ganaa'á', nee firor'ín ga axamiis.

WARA'AMI 34:16

Ala AAKOÓ MUNGÚ kudá' tlakweemaá tlehhiitá' gi sii', inooín kiri gunqaarees baraá yaamuwo.

WARA'AMI 41:12

Ala ar baraá hhooeemaeene kuúng aníng iga baraá dabaawógí ót, nee iga geeraawógí qás ay kureeraá kureér.

ISAYA 22:23

Aníng inós un gawdeés adór kiki'ír ta slaáhh dír kawa saxmaár, nee waawuti'iimarós kari ilaiwawaa/ nee doó baabuúwós.

SEFANIA 3:17

Asma AAKOÓ MUNGÚ, Munguúhúng, i baraá tla/angwhúng i dirii'. Inós a migusmoohúng oo nu ba/amís. Inós kuungá' nu sa baraa/ ar qwal/uú úr. Baraá sla'aarirose inós kuungá' nun /abees. Afór daa'aangw gan tlees as nuwa sa qwalaala/i.

2 Tesalonike 3:3

Ala Aako i inkihhimuú kón. Kuungá' inós nu /uurií haniis, nee nu de'en dír kudá' tlaakwe.

1 Petro 3:12

Asma Aako mukdá' gan'amuú koóm gun ga/áy, nee firor'ín ga axamiis umuúqo siiwaro. Ala xaraasleemaawós i gawaá daanduú mukdá' tlakweemaá tlehhiít.»

1 SAMUELI 2:8

Heé narkutmo gun slankwa'aas baraá teerír wa alé, oo gár slaá' gun tsa/aas baraá ufuú xwaansláy wa alé, as ngiwa iwiitisi dinkwa nee múk urén, as tawa aaliitér kiteeridaá ilaiwa/ame. Asma AAKOÓ MUNGÚ yaamu gin gáwtí kón.