YOBU 36:5 - Biblía Axweesantá Hhohho' ar Mungú 2004

⁵ Qaytsiít, Mungú i /uuruú kón slám inós i heé waaqaqaiiká, inós gár i xuiiká i káhh.

YOBU 36:5 Iomraidhean Croise

YOBU 10:3

Gadiyér dabaawók kawa waaqaqa' i qoónda? Aníng iwa baramaanus i qoónda? Kángw tlakuuse mus sla'atamis.

YOBU 25:2

«Waawuti'iima nee ilaiwa/ameero ar Mungú, nee inós wayda gun gawaá doorí wá tlehhiit.

YOBU 31:13

Barnaxes kwasleemár lawaalmoó dooeé' aga waaqaá', laqaá tam ar lawalo'ór dooeé' sleeme, qoomár niwa dir'eéní qununu/iya',

YOBU 37:23

I ya/aandaaká Munguú Aleesleemusmo kuwa i hardahaan, /uuruuwós i harqoomoó konká nee kwasleemár ganaa'a. Inós gan'amuuwo aa haáts, hee gu hhitinká.

YOBU 9:14

Ala adór Mungú ngur mu/aywaats a adoomá? /Ayma'aá ni dírós i oo' dír ngiwa sláw a diimá?

YOBU 9:19

Bar har qwaatlooro inós i ló'wa /uuruú kón, bar gan'amu leelehhtuuwo heé inós baraá kwasleemárí huwto gu qiítl a heemá?

WARA'AMI 102:17

Múk aa haleeleeiit gu iiárií qaas, nee firor'ín ga si'iiká.

WARA'AMI 138:6

AAKOÓ MUNGÚ tam i gáwtí dirii'i, kudá' ti niinawemiís gu ga/áy, ala kudá' daara/aám inós gu qaro xuu' amór saáw wa ale.

WARA'AMI 147:5

AAKOÓ Munguúrén ku úr, nee /uuruuwós ku yaariír, xu'utiirós i qoomoó koondaaká.

WARA'AMI 22:24

Asma inós slahh'amaayér liitlakusmo gaa waaqaiiká, nee gu mayká i qaytaro. Ala qoomár burungu i /aa/amín gun mu/aywaats.

WARA'AMI 69:33

Asma AAKOÓ MUNGÚ kudá' liitlakwen gi iiárií qamín, mukós kudá' taa tseék gu gunqaresiiká.

WARA'AMI 99:4

Kuúng, waawutmoó aleesleemuú koóm, kuúng barqaanti aga hiingés, slám sakwasleemár ganaa' ana tléhh, nee hotángw ganaá' nguna húp dír múk Israeli.

YEREMIA 10:12

AAKOÓ MUNGÚ yaamu gina tleéhh ar /uuruuwós, ar sagalooaarose yaamuuká' gina gawdeés, ar fuquraangose doori gina hhaáf.

YEREMIA 32:19

Kuúng an hara'ayusmoó úr nee aleesleemusmo baraá mura' tlehhtuuwo. Ilaawók lohdaá muu ngin ga/ayá', umuú heewo un bú' ar har qoomoó adoodá' hotaawós i dirii'iya', nee adoodá' tlehhmi'iiwós i dirii'iya'.