YOBU 36:11 - Biblía Axweesantá Hhohho' ar Mungú 2004

¹¹ Bar naa axaasiyé' nguri sagadiyusiyá', slafingw'ín sleémeerowo nin diihhe'eesiyá', nee tan hoot ar qwala/ kureeri sleémeero.

YOBU 36:11 Iomraidhean Croise

2 QOM'I 33:13

Mungú firoorós gari axaás, kunguri ki/ís Yerusalemu baraá waawuti'iimarós. Naagáy Manase gari tsaáhh adór AAKOÓ MUNGÚ tar Munguú ló'.

YOBU 21:11

Na/ii'ín kudá' ninakw ngin tsee/ií duuxiyá' adór deeloó bee/ángw wá ale, in tawo /an/anuusiyá'.

YOBU 21:13

Tan hoot ar diihhooa baraá slafingw'ín adaá wa ale, nari qatliyá' ar wayda, nari /e/eetiná' baraá gi'i.

YOBU 22:21

Aá Yobu! Mungú ya/aameek as wayda kuwa sleer, daqaní hhooeema i sleér.

YOBU 22:23

Kuúng bara wayá' amór Munguú Aleesleemusmo, nee bir ta dirós i tsatsa'arés, tlakweema bira sawés dír do'oge,

YOBU 42:12

AAKOÓ MUNGÚ hotaá Yobu kukaá alu gina ak tsuúq ta kudaá geeraawo. Bee/ángw Yobu tari kume mibaá nee tsiyáhh, angamiarós a kume lahhoó', hikwa ngi kon kume tsár, nee daqwaayér /ameena a kumuú wák.

WARA'AMI 119:3

Inooín muruú tlákw ngu tlehhitiaaká, ala umuúqo daqto tan hoot ar adoodá' Mungú i slai.

WARA'AMI 149:4

Asma AAKOÓ MUNGÚ mukós gu sa qwalalaa/. Múk tsaén gun parootuus ar arba/ati.

WARA'AMI 16:11

Kuúng aníng i loohír slafíngw i geehhoatís. Dír geeraawoge qwala/ ku yaariír, nee baraá dakók kuduú doó /iyayhe hhooeemaá alhhe'eesay wasl i dayá'.

AXWEESANOÓ SAGALOOA 1:33

Ala umuúqo heé aníng i iiárií qamiima ku diihhoó', inós iri yaandahhe'ees tam gár gu dae tsaat i káhh.»

ISAYA 1:19

Bar aga ya/aandé' nee tay iialooeesé', daqaní hhooeemaá yaamu i /agá'.

YEREMIA 26:13

Gimsé', hám daxta hotaahúng gan'aasaak, nee tlehhmi'iihúng gan'aasaak, nee afór AAKOÓ MUNGÚ Munguúhúng iialooeesaak. Adoorí bar aga tlehhé', AAKOÓ MUNGÚ inslawaywós gu warqees, nee amotlakweedá' aa uín ngi huwiiká dirhunge.

YEREMIA 7:23

Ala aníng hara'ayaarí ana dir'ínií oó', ina báw, ‹Afor'eé' iialooeesaak, daqaní aníng tari Munguúhúng nee kuungá' tari muk'eé'. Adoodá' nura hara'ayiím ar hootaak, adoorí tari hhooa dirhunge.›

Rumi 6:17

Ala Mungú ku xirfayeesi. Asma kuungá' aáng a lawaalér tlakweema. Ala hamí intsaahhasadá' taa ilaoté', aga ló'wa iialooesé' ar mune sleémeero.

DABE 4:30

Muruuwí sleémeero burna sláy, aluuwo kuungá' slahh'amu u sleerá', daqaní kuungá' tari ki/á' amór AAKOÓ MUNGÚ Munguúhúng nee kuri ilaiwawa/á'.

1 Timoteo 4:8

Asma slaqwa iwa intsahhaan neetoro as /uuru nguwa sleer, a gár qoom. Ala qeeru iwa intsahhan ilaiwa/amér Munguhe, an ak gár hhoo' kángw kilá' wa ale. Asma adoorí bara tléhh, al'axweesantá slafingwí i deer, nee ar slafingwdá' aluú wa hardáh sleeme.

Ebrania 11:8

Abrahamu sleeme a heé haratlintaaór koóm. Inós kuwa ateét, ateetamór Mungú gari iiárií qaás, iri tláy dír yaamuuwós wa ale, iri hardáh ay dír yaamuudá' Mungú aa al'axweés dirós i alé ngiwa aali. Slám iri tláy yaamuuwós wa ale, ala amór i kay ga xuiiká.

Yakobo 5:5

Kuungá' baraá slafingwhunge ana hoté' ar hheehha nee ar qwal/uú ilatleeri. Kuungá' munerhúng ana wahhaareemisé' as deeloodá' tunduwa tsu/i.

Geehhoeemaá 18:7

Slahh'ámu nee gurhaami dirós i haniisaak ar adoodá' inós tira xirfayeemís, nee ira hót ar slafíngw diihhooa. Asma inós i baraá muunaáwósí kat, ‹Aníng a waawuto'o, slám a kwaalo'orooká. Aníng gurhaami a baloó araaká.›