YOBU 34:29 - Biblía Axweesantá Hhohho' ar Mungú 2004

²⁹ Mungú bira xasliít heé gu áw a heemá? Bar gitsee/aawós ngaa luú/ heé gi kiís a heemá?

YOBU 34:29 Iomraidhean Croise

ISAYA 26:3

Mukdá' sleémeero inslaway'ín aa dirógí xasliit, nee kudá' kuúng ugwa harahhiif, kuúng in amohhe'és baraá wayduú ló'.

YOBU 23:13

Ala inós i baloó warqayká, heé inós gu warqeés a heemá? Nee gár inós tleehhamooro i slai an tidá' tleehharuut.

Yohana 14:27

«Wayda ngu kuungá' i geexáw, wayduueé' ngun haniís. Wayduudá' aníng ni hanmiis, a adór wayduuduú mukwí oo baraaká' yaamu ni hanmiisiiká. Ma amoqwaqwadiimara' baraá munerhunge, slám ma da'ayumitaara'.

ISAYA 32:17

Nee as sakwasleemár ganaa'a muu iri hoot ar wayda, nee as hotaá ganaa'á', muu in hoot ar amohhooa nee saxareema ay kureeraá kureér.

WARA'AMI 27:9

Mungú, ilaawók mi aníng wa lu/aar. Anuú sagadiyusmoowók mi guusaar ar buhhta. Kuúng dir'eene a alee/isusmo. Án mi geexawaar, laqaá tam mi mawaar, Mungú, kuúng a ba/amusmooeé'.

Filipi 4:7

Nee wayduú Mungú, kudá' tsaahharo ta aleeslawaanaaká sagalooarene, munerhúng ngi de'en, nee inslawayhúng baraá Kristo Yesuwo.

YEREMIA 27:8

Ala barnaxes xooro laqaá waawuti'iima dabaawós gaa haniská dír Nebukadnesa waawutmoó Babuloni, inooín aníng i tsuú/ ar slaqwara, nee qwari, nee tiqtír pu/i, ay dír aníng inooín ngay hhaamiis ar dákw Nebukadnesa. Anuú AAKOÓ MUNGÚ tí ngina oó'.

WARA'AMI 143:7

Áx AAKOÓ MUNGÚ, gaansluutáng, án mu/aywatsáng, aga mune sií'. Aníng mi alaá xu'usar, mawa /eét adór kudá' /e/etimá' baraá gi'ií ale.

WARA'AMI 30:7

AAKOÓ MUNGÚ, kuúng gurhhooaroge aníng ina tlaa/a tléhh. Ala kuúng tari ilaaeé' wá qwát, án niri amoqwaqwadiím.

WARA'AMI 13:1

AAKOÓ MUNGÚ, ay xaylá i gunqareemamis? I gunqarésa ay alhhe'eesay wasle? Ay xaylá gitsee/awók ki lu/a/iin dir'eene?

YOBU 12:14

Bira fe/iít, heé tleehharo ga aleesláw i kaahh, hee burngwa tseék, heé gweeraro gu aleesláw i kaahh.

2 SAMUELI 7:1

Qoomár waawutmo Daudi iwa baraá doó waawuti'iimár hooti, qoomaadae AAKOÓ MUNGÚ guri tsuúq iwa waydúr hooti nee wakuuserós umuúqo barto.

YOBU 34:28

Inooín /aa/aá narkutmo ngina kwatiitiyé', ngiri hardahasiyé' baraá iaá Mungú. Mungú /aa/aá mukwí taa slahh'eemiís giri axaás.

YOBU 34:30

Inooín tam xoorooro, laqaá tam heé wake gin alqoomees as kahhó' heé tlaákw miwa waawuti'ín, tam mukdá' múk dahmiís baraá tsaxwa.

WARA'AMI 94:13

Kuúng un hungu/uumií hanís deelór slahh'amaayeero ay dír bohóngw heé tlaákw gu óh, foolaaro kway hhe'eesi.

TI'INAANGW 33:14

Mungú iri oó', «Anínguú kilá' ti koomaán nee kuúng, aníng kuungá' u amohhooár i haniís.»

2 SAMUELI 7:11

Iimír bál mukduú har'ohuuse nguwa tsawaár tawa daanduú muk'eé' oo Israeli, aníng kuúng u xuúm dír wakuserók sleémeeroe. Ar tí sleémeero ga baa/ a tí, AAKOÓ MUNGÚ kuúng un babay, aníng kuúng u dó' i tleéhh.

2 QOM'I 20:30

Aluudae waawutmo Yehoshafati iri waawuti'ín ar wayda, asma Mungú wayda guna haniís bihhe sleémeero.

WARA'AMI 94:10

Kudaádá' xoordu gi sawaawuti'iím, xáy, muxtaaro gi aleeslaykáhe? Inósuduú múk intsaahhatimís sagalooaro,

ESEKIELI 34:15

Anuú kilá' bee/angw'eé' un de'eém. Anuú kilá' in tlahhás. Anuú Aakoó MUNGÚ tí ngina oó'.