YOBU 34:21 - Biblía Axweesantá Hhohho' ar Mungú 2004

²¹ Asma Mungú lohdaá muu gin ga/áy nee tlehhmi'ii'ín sleémeero gin ga/áy.

YOBU 34:21 Iomraidhean Croise

IIMU/UUNGW 16:13

Inós AAKOÓ MUNGÚ guri umúr atét, kudá' nee inós naa axweesiye'. I kat, «Kuúng a Munguú xumiís.» Asma ina ó', «Tam aníng Mungú ugwa qo tsuwa ári niri kumiít slafiingo?»

2 QOM'I 16:9

Asma AAKOÓ MUNGÚ daanduú yaamu sleémeero gu tsee/aarín as kudá' inkihhimuú koomá' dirose ngiwa /uurií doogi. Ala kuúng daktu'uma aga tléhh, gawaá adoorihe slaqwara i lakitká baraá ayaawoge.»

YOBU 10:4

Ahaá ilaawók a adór kuqaá heéwo? Mura' adór kur ara'aan a adoodá' hee ngur ara'ári?

YOBU 11:11

Mungú múk gana'aaká gu xuu', tlakweema birnga ár gi tawo mayká.

YOBU 13:16

Adoorí bara aleesláw, daqaní arba/ti aga sláw. Asma heé tlaákw dír geeraawós gi kayká.

YOBU 14:16

An qoomár kuúng aníng iwa ya/ati del, nee tlakweemaaeé' kiwa meer fadituuwo.

YOBU 24:23

Inós gina amohhooárí haniís nari ak diihhe'eesiyá'. Ala inós lohduuín gi ga/áy.

YOBU 31:4

Ahaá, inós lohduueé' gi xuiikáhe? Nee digir wakeetingw'eé' gu xuiikáhe?

WARA'AMI 139:23

Mungú, aníng tsee/ariimáng, muunaáeé' xueek! Iiaaráng, iinslaway'eé' xueek!

WARA'AMI 33:15

Kudaádá' muner'ín sleémeero gaa amohhe'emiís, an kudá' gadiyér'ín sleémeero ga xuú'.

WARA'AMI 34:15

Asma ilaá AAKOÓ MUNGÚ i dír mukdá' hota ganaa'á', nee firor'ín ga axamiis.

AXWEESANOÓ SAGALOOA 15:3

Ilaá AAKOÓ MUNGÚ umuú diiro i xumiisiyá', Heé tlaákw nee heé hhooe ngu ga/ayá'.

AXWEESANOÓ SAGALOOA 5:21

Asma tlehhma'aá hee dír AAKOÓ MUNGUHE ki geehhoo', inós umuúqo gár hee i tleehhi gan ga/áy.

YEREMIA 16:17

Asma aníng tlehhmi'ii'ín sleémeero i ga/áw. Gár aninge aa nahhat i káhh. Tlehhmi'ii'ín sleémeero dír geeraaeene ki geehhoo'.

YEREMIA 17:10

Anuú AAKOÓ MUNGÚ inslawoó muu un tsee/ariím, nee munér muu an iiaraa'ár, as kahhó' umuúqo heewo nguwa buu' ar adoodá' ir hotaatin, nee adoodá' tlehhmi'iiwós i dirii'iya'.»

YEREMIA 23:24

Xáy, hee nahhaata gaqo aleesláya ngway qo tsuwa araaká? Ahaá, anuú AAKOÓ MUNGÚ a kudá' dawaakáhe umuú diiro, gawaá doori nee baraá yaamuwo? Anuú AAKOÓ MUNGÚ tí ngina oó'.

YEREMIA 32:19

Kuúng an hara'ayusmoó úr nee aleesleemusmo baraá mura' tlehhtuuwo. Ilaawók lohdaá muu ngin ga/ayá', umuú heewo un bú' ar har qoomoó adoodá' hotaawós i dirii'iya', nee adoodá' tlehhmi'iiwós i dirii'iya'.

AMOS 9:8

Qaytsiít, ilaá Aakoó MUNGÚ waawuti'iimár tlakweemaá tlehhahhiit ngin ga/ayá', ngiri hhitiím nee ngay diyaá/ gawaá daanduú yaamuwo. Ala doó Yakobo u ak suquwaaká. Anuú AAKOÓ MUNGÚ tí ngina oó'.»