YOBU 33:6 - Biblía Axweesantá Hhohho' ar Mungú 2004

⁶ Ga/aaweek, aníng Mungú i dirií' adór kuúng wa ale, tam aníng sleeme tina tleéhh ar hhape.

YOBU 33:6 Iomraidhean Croise

IIMU/UUNGW 2:7

AAKOÓ Mungú hee guri tleéhh ar hhape, guri hiinsluú slafíngw i ufaáhh, hee tari heé slaáf.

IIMU/UUNGW 3:19

Ar hamér gadiyér gawide muruú /aymaarók un /ák, ay dír ti ki/ baraá hhape. Asma kuúng tuna tleéhh ar hhape. Kuúng a hhape, nee baraá hhape an i kí/.»

IIMU/UUNGW 30:2

Yakobo Raheli gari i buúhh, gari báy, «Aníng Mungú ina kitaangós wa qaási? Aníng a heé xwaylarók gaa ilaá/i?»

YOBU 10:9

Inslawiím, kuúng aníng ina tléhh ar hhape, hám daxta in male ki/ísa baraá hhape?

YOBU 13:12

Axweesantahúng ar sagalooa a da/arár tawo. Aleekal/angwhúng a adór baquú baa/í.

YOBU 13:3

Ala aníng geera a slaá' nee Munguú /uuruú koóm tawa axweesaan, a slaá' tiwa dír geeraawós wá aleekalaa/.

YOBU 20:22

Alhhe'eesoó diihhooaro slahh'amaaye gu xwát, muruú tlákw oo /uuruú koóm guri haraxopiit.

YOBU 31:35

Masók geeraawo heeko in iiárií qaas, axweesante'eé' tí diirihe naa aaiím, aníng an dugnoó wa qaás. Masók Munguú Aleesleemusmo axweesante'eé' tí ngin mu/aywaats, muruudá' ta daanduueéni kaahi alók geera kuna gooín.

YOBU 4:19

Ala daxta dír heé taa tleehhi ar baa/í mi máy, Inooín dír kiwa iihhaáf a baraá baa/í, Múk naanaga iqo hifuur.

TI'INAANGW 4:16

Aroni múk Israeli gun daanduuwók wa i axwees, inós an adór afkók, nee kuúng an adór Mungú dirose.

2 korinto 4:7

Ala ateéká' daqaari'iimarí koomá', atén a adór xooslaadár tleei. Mungú adoorí gana tleéhh, as kaangwí iwa geehhouy adór /uuruuwí úr amór i dahhi tar amooreneeká, ala a amór Mungú.

2 korinto 5:1

Asma atén a xuaán heémaarén tí tawa hootaan baraaká' yaamuwo, bira hhitirút, atén do' u koomaán gawaá dooriwo, kudaádá' Mungú aa tleéhh. Do'wí a doó alhhe'eesay wásl, oo taa tleehhiiká ar dabaá muu.

2 korinto 5:20

Gawaá adoorihe atén a ya/abuusér Kristo. Atén bar axweesaán, a adór Mungú in gurbu'ún ar afeerén. Gawaá adoorihe atén kuungá' nun firiimaán as daanduú Kristó wa ale as kuungá' tunduwa haraki/isi nee Mungú.