YOBU 33:26 - Biblía Axweesantá Hhohho' ar Mungú 2004

²⁶ Heedaádá' Mungú guri firín, nee firoorós Mungú gari ya/án, Mungú guri sluufmiis ar qwala/, Mungú guri xirfuuwós i ki/ís.

YOBU 33:26 Iomraidhean Croise

2 QOM'I 33:19

Firoorós nee adoodá' Mungú firoorós ngiwa ya/án, nee tlakweemaawós sleémeero, nee inkihhimu wasleerós, nee wa/aameedár gawaá gongoama' ar munguaá hatlá' kiwa sluufmiisi ar aa tleéhh, nee adoodá' munguúdá' ta bay Ashera ngura tleéhh, nee murslaaqatuudá' taa hhaásl qoomár inós tiwa niinaweesiiká, tí sleémeero ka gooín baraá inslaslángw iigu'utuuse.

YOBU 19:27

Anuú kilá' nee inós tin doogaán, aníng gwa'ara aga áw. Anuú kilá' ilaaeene inós un ár. Slám a heé hatlaeeká.

YOBU 33:25

Naagáy slaqwtós gari malé adór masoomoó wá dalaa/. Inós iri male /etlángwí kii/ kuduú istá /aami.

YOBU 34:11

Mungú hee gun buu' ar har qoomoó tlehhmi'iiwós, nee umuú heewo ar i slay a tidá' lohduuwós wá hariim.

YOBU 34:28

Inooín /aa/aá narkutmo ngina kwatiitiyé', ngiri hardahasiyé' baraá iaá Mungú. Mungú /aa/aá mukwí taa slahh'eemiís giri axaás.

WARA'AMI 16:11

Kuúng aníng i loohír slafíngw i geehhoatís. Dír geeraawoge qwala/ ku yaariír, nee baraá dakók kuduú doó /iyayhe hhooeemaá alhhe'eesay wasl i dayá'.

WARA'AMI 18:20

AAKOÓ MUNGÚ ina gár hhoó' i tleéhh asma aníng niwa ganaa', nee ina tsuúq as dabahhohhoaarir'eé'.

WARA'AMI 28:6

AAKOÓ MUNGÚ i xirfuuti! Asma firor'eé' gaa ya/án.

WARA'AMI 30:5

Asma buhhtaawós awa qoomár niina, ala gurhhooarós ar slafiingw sleémeero. Tam xweeraawo /aa/e i daya'a, ala matlaatleero qwala/ iqo deer.

WARA'AMI 50:14

Mungú ilahhooár sluufáy duxuumeek. Al'axweesantók boo/eeseek dír kudá' gáwtí diriia.

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

WARA'AMI 62:12

Nee sla'aaridá' warqawaaká i dirók, AAKOÓ MUNGÚ. Asma kuúng umuú heewo un bú' ar adoodá' tlehhmi'iiwós i dirii'iya'.

WARA'AMI 67:1

Mungú ti gurtlay nee ti tsuuqi, nee atén ti ila'ari.

WARA'AMI 91:15

Aníng bira ateét, u iiárií qaás, aníng a dinkwa nee inós baraá slahh'amaayeero, un ba/amís ngway xirfayeés.

AXWEESANOÓ SAGALOOA 24:12

Barnaxes a kat, «Kangwsíng mur xuú'.» Ahaá kudá' inslawaay gwa tleehh kuúng u ga/aykáhe? Ahaá kudá' hhiintluuwók gu de'eém kangwsíng gu xuiikáhe? Ahaá inós umuúqo heewo gu buiikáhe ar harqoomoó tlehhimi'iiwós?

ISAYA 30:19

Kuungá' múk Siyoni, kudá' Yerusalemúr hootá' kuungá' a sangw baloó /aa/eé ki/a'aaká. Asma looeemawo Mungú kuungá' nu gurtláy as afór /aa/eehúng, qoomár /aa/eehúng birnga axaás, inós kuungá' nun mu/aywaats.

YEREMIA 33:3

«Aníng ateetáng, aníng kuúng un mu/aywaáts, nee muruú urén ngu kuúng báw, kudá' taa luú/ oo kuúng ta baloó xu'uká.

Tlehhema'aá ya/Abuuse 2:28

Loohír amór slafíngw kaw nga aníng i xu'utís. Aníng a haáts qwal/uwo, asma kuúng a dir'eé' dirí'.› »

Tlehhema'aá ya/Abuuse 9:11

Aako guri báy, «Sihhiít, tláw ay dír loohidá' ta bay Loohír aa gana'. Heé ta bay Saulo, oo yaamaá Tarso, na yaahaaseek dír doó Yudá wa ale. Inós haandá' hamí i firiirín.

Ebrania 11:26

Inós gana tsaáhh niqimis nguwa slay dinkwa nee Kristo, a gár ló'wa afhhamít ta daqaari'iimár Misri sleémeerowo. Asma inós gár i harahhifi a qeemuudá' i aluú wa slay.

Yuda 1:24

Mungú kuungá' nu aleesláy nuwa de'en as dukuutsmo munduwa tuú', slám nuri sihhitis dír geeraá xirfuuwós tawa múk xaslxaansli wásl, nee tawa múk baraá qwal/uú úr.

1 SAMUELI 26:23

AAKOÓ MUNGÚ heewós oo inkihhím gu amohhe'eemiis ar qoomoó inkihhimuuwós. Laarí AAKOÓ MUNGÚ kuúng una dabaaeé' qaás, ala aníng aga slaiiká dakw'eé' nguwa looloqoos gawaawók, asma kuúng a kudá' taa tsawaár, turi iimbalaáx ar di/i nee AAKOÓ MUNGÚ.