YOBU 33:23 - Biblía Axweesantá Hhohho' ar Mungú 2004

²³ Ala malaykamoó wák baraá kumeero i dinkwa nee inós, as nguwa haraaki/isi nee Mungú, nee muruú tleehhamoro ganaá' nguwa dirósí xu'utisi.

YOBU 33:23 Iomraidhean Croise

IIMU/UUNGW 40:8

Kuri báy, «Laarí xweeraawo ana tlatiitimaán, ala heé gídaabárós alki/ituwo ga aleesláw i kaahh.» Yosefu giri báy, «Gadiyér tlata waagweera ar Mungúheéke? Gimsé', tlataahúng kwisingá' alki/iitare'.»

NEHEMIA 9:33

Tam adoorihe kuúng gan'amu u koón baraá muruuwí sleémeero atén taa slayi, asma kuúng tu inkihhím, atén a tlakuuse.

YOBU 11:6

Alók geera naaqór sagalooa ngi oo', asma inós xu'tír yaariir ga ló'wa kón. Xueek Mungú tlakweemaawók sleémeero gaa faariiká.

YOBU 34:10

Gawaá adoorihe, kuungásingá' tsaahhár koomá', aníng iiarí qaasaré', a gár ya/aamaaká Mungú tlakweema ngiwa tleehhi, nee Munguú Aleesleemusmo i baloó dakuusiiká.

YOBU 34:12

Looeemá kilae Mungú gár tlaakw ga tleehhiiká, nee Munguú Aleesleemusmo kwasleemár hee ga baloó hhitinká.

YOBU 34:32

Tlakweemaá naa tsaahhiikahe xu'utisáng, Barnaxes tlakweema iga tleéhh a ki/aaká baraá tlakweemaawo.›

YOBU 35:14

Adór ur mu/aywatsi bar kuúng an kat, aníng inós ugwa ariiká, tari ó', ‹Kwasleemar'eé' i dír geeraawós,› nee kuúng inós un daamaaraán.

YOBU 36:3

Aníng xu'utir'eé' ngina amór saáwá sláw, nee aníng adór Tleehharusmooeé' ir ganaai ngin geehhooeesár wa slaá'.

YOBU 37:23

I ya/aandaaká Munguú Aleesleemusmo kuwa i hardahaan, /uuruuwós i harqoomoó konká nee kwasleemár ganaa'a. Inós gan'amuuwo aa haáts, hee gu hhitinká.

YOBU 9:3

Heé qiítl nee inós tiwa tlampa'aasiya' a heemá? Baraá yaahamisuú kumuwo oo inós i yaahasi heé yaahastá wák mu/aywatsto ga asláw a heemá?

YOBU 9:33

Ala heé tla/angwrén i dáh tam oo wák i kaahh, oo kwasleemár aníng nee Mungú ga tsaát.

WARA'AMI 119:75

AAKOÓ MUNGÚ, aníng a xuú' kuúng sakwasleema an tléhh ar loohír ganaa', nee bir múx gár is mux i deer.

WARA'AMI 94:12

AAKOÓ MUNGÚ, heé amohhoó' a kudá' kuúng taa naanáq, kudá' dabeeroge ta intsaahhatís.

DAHARUSMO 7:28

Aníng daqtá yaariire ana slaá' gaarí wák ngiwa tsaahh ala aga aleeslawiiká. Baraá tla/ángw hhawataá kumuú wake, hhawaatuú wák oo ilaiwa/amér wa hariím ugwa sláw, baraá /ameenár faarór adór tihe /ameenír naa ár i káhh.

ISAYA 59:16

Inós heé aa ár tumu wák i kaahh, iri waa/oó/ asma heé aa alee/isoó ay i kaahh. Naagáy inósuú kilá' dakós gway gáwtí tleés. Inós kuri tliwií/ nee gan'amuuwós.

WA/AA/I 3:32

Ala timti gurhaamír ar aya, inós iqo gurtleemuú kón, ar har qoomoó yaareemaá sla'aarirós ar warqawaaká.

DANIELI 9:14

Gawaá adoorihe, AAKOÓ MUNGÚ, kuúng tiri amohhe'és atén tiwa mux, nee adoorí kari tléhh. Asma kuúng AAKOÓ MUNGÚ, a ganá' baraá umuúqo gár ta tlehhita. Nee atén axweesantók aga iilooeesaniiká.

HAGAI 1:13

Ala Hagai, ya/abusmoó AAKOÓ MUNGU, daanduú ya/abtór AAKOÓ MUNGUHE muu guri báy, AAKOÓ MUNGÚ i kaahi, «Án nee kuungá' a dinkwa.»

MALAKI 2:7

Asma kaahamusmoó Mungú gár kuwa hariím a intsaahhatimisuú ló' gun harmagaahh, nee muu hara'aya gari dirós i lehhiit, asma inós tawa ya/abusmooeé', anuú AAKOÓ MUNGÚ Aleesleemusmo.»

MALAKI 3:1

AAKOÓ MUNGÚ Aleesleemusmo i kaahi, «Ga/aawaak, ya/abusmooeé' u ya/aáw, inós loohi gan amohhe'ees geeraaeé' wa alé. Aakoodá' ta leelehhita' in hardah baraá Do'ós i alé ar gaanslaay. Qaytsité', ya/abusmo kudá' ta daamaraandá' ar qwal/amaaye, ni hardah, as alqador'eé' ngiwa alki/iiti.»

Tlehhema'aá ya/Abuuse 8:30

Filipo iri tláy ar ti'iingw, heedaádá' guri iiárií qaás, naxés i kitaábuú aarusmo Isayá soomuus. Guri báy, «Tisíng ta soomus a tsatsahhaánda?»

Rumi 11:13

Kuungá' múk xoordaá hatlá', án daxta an axweés nee kuungá'. Aníng a Ya/abusmoó Mungú oo amór múk xoordaá hatlá'. Aníng ilakaaharu un tlehhiít baraá gadiyér'eé' tihe.

2 korinto 5:20

Gawaá adoorihe atén a ya/abuusér Kristo. Atén bar axweesaán, a adór Mungú in gurbu'ún ar afeerén. Gawaá adoorihe atén kuungá' nun firiimaán as daanduú Kristó wa ale as kuungá' tunduwa haraki/isi nee Mungú.

HAR'OHUUSE 2:1

Naagáy malaykamoó AAKOÓ MUNGÚ iri iimír Gilgalír wá waatláy ay Bokimu, múk Israeli guri báy, «Aníng kuungá' nuna waatleés iimír yaamaá Misri wa alé, nuri huúw baraá yaamuudá' naa lo'ór wa /aáy ngiwa haniis dír baabi'iihúng. Aníng ana oó', ‹Alqador'eé' a baloó warqeesaaká,