YOBU 32:8 - Biblía Axweesantá Hhohho' ar Mungú 2004

⁸ Ala baraá heewo qeeru i deer, hiinsluuduú Munguú Aleesleemusmo hee gu fuqurángw i hanimiis.

YOBU 32:8 Iomraidhean Croise

IIMU/UUNGW 41:38

Farao sagadiyuuseerós gari yaahaás, gari báy, «Heé adór kwí oo qeeruú Munguú koóm baraawose dír kuy awaan a diimá?»

IIMU/UUNGW 41:39

Farao Yosefu guri báy, «As Mungú tí ngiwa kuúngí xu'utís, heé hatlá' oo adór kuúng oo aleesleemuú koóm nee xu'uti, i kaahh.

1 WAAWITÁ 3:12

gawaá adoorihe, ga/aaweek, adoodá' kuúng ta sla' ngi tleéhh, muunuú sagalooa nee fuquraangw ngi haniís, geeraawoge heé adór kuúng i kaahh, tam aluuwoge heé sihhiít oo adór kuúng ga áw i kaahh.

1 WAAWITÁ 3:28

Múk Israeli sleémeero kángw kwasleemarír waawutmo aa tsaát, kuri axaás, inós kuri ló'wa daimiít, asma adór sagalooár Mungú ir baraawós kana ár, asma qaa/aay nguwa tlaaqi ar gan'amu.

1 WAAWITÁ 4:29

Mungú Solomon guna sagalooárí haniís nee tsaahha nee xu'utír yaariir adór hhasángw afaá tlawi.

1 WAAWITÁ 5:9

Sagadiyuuser'eé' xaaidá' ngi aweerís gawaá Lebanonír wa ale ay baraá tlawi, aníng ngi gan'aás ar baraá ma'aay, birka dinkwárí tseék ay didá' kuúng naa ó'. Didaádae in gweér, daqaní ki ilaaót. Ala aníng gár ni dirógí slaa' a muruú /aymár dooeé' ngun sleér.»

YOBU 12:13

Ala sagalooa nee aleesleemu awa Mungú. Inós a hara'ayusmo nee xu'utusmo.

YOBU 12:16

Inós /uuru nee sagalooaro gi kón, al/aymuuse nee kudá' ta al/agina sleémeero a kós.

YOBU 27:3

Dír hiinslueé' ir kumiiti, nee dir qeeruú Mungú ir baraeéní kahhi,

YOBU 33:16

Qoomár bir guiyá' muu gun ia' xawis, giri daandeemo feehhamiis ar naanaqaangós,

YOBU 33:4

Qeeruú Mungú aníng ina tleéhh, nee hiinsluú Munguú Aleesleemusmo ina slafís.

YOBU 35:11

Kudá' atén taa intsaahhatis ta makaá sla/ato, nee tari sagalooár i haniís ta tsir/ór hhampe'eerír tlatlaawa i diimá?›

YOBU 38:36

A heemá heé huunkáy gwaa sagalooárí haniis ar ir tluwi, nee heé tlaangú gwaa ti'inángwí laqan.

AXWEESANOÓ SAGALOOA 2:6

Asma AAKOÓ MUNGÚ sagalooa gan hanmiis, baraá afkose gár ti'imiit a xu'uti nee tsaahha.

AXWEESANOÓ SAGALOOA 20:27

Muunuú hee a tsaa'astá AAKOÓ MUNGÚ, Umuú gaaro ar baraá heéwí dirii' gan tsee/aarín.

DAHARUSMO 2:26

Mungú sagalooa, nee fuquraangw nee qwal/amaaye gan haniis dír heé inós gu sla'atimís, ala heé tlaákw guna gadiyér gawídií haniís ar bu'uungw nee buruumburiingw, nee tidá' taa sláy kari haniis dír heedá' Mungú gu sla'atimís. Tí sleeme a tawór huwisha, nee a adór heé fur'a gaa alta'aain.

ISAYA 28:26

Hee gár i tleehhi ga xuu', asma kuna intsaahhatís nee Munguúwós.

DANIELI 1:17

Mungú daaqaywí tsiyáhh guri fuqurángw i haniís nee xu'utír muruú yaariír nee sagalooa. Ala Danieli guri aleesleemuú í haniís oo igu'utu nguwa araa'ari nee tlataawo.

DANIELI 2:21

Inós qom'i nee siiwaduuwo gin warqeemiis. Waawitá gun gawaá kiteerií wa aweerimiis, oo hatlá' guri qamín, múk sageeloén gun sagalooár i hanmiis. Múk xu'utír koóm gun fuqurángw i hanmiis.

1 Korinto 12:8

Asma heé wák aleesleemuú axweesantá sagalooa gun sláy ar Qeeru, nee kuqá' aleesleemuú axweesantá xu'uti gun sláy ar Qeeruuduú kilá'.

2 Timoteo 3:16

Gooi sleémeero i hiinsluú Mungú koón, nee i hariín muu nguwa looeemaá i intsaahhatimis, nee muu nguwa afa dukuun nee nguwa qwatsiin, nee slám muu nguwa geeraharahat as slafíngw ganaá' kuwa ar hooti.

Yakobo 1:5

Ala baraá tla/angwhunge hee barnaxes sagalooa gwa wa /aaruúr, gár kuwa hariím a Mungú gun firín, kudá' muu sleémeero gu tsuuqaá i hanmiís ar yaareema, slám i gahhamiitiiká. Inós sagalooa ngi haniis.