YOBU 32:6 - Biblía Axweesantá Hhohho' ar Mungú 2004

⁶ Elihu garmoó Barakeli kuduú Busitamo iri oó', «Aníng a masoomo ala kuungá' a bariise, as adoorí aníng nari da'ayuút ar baraá muunaaeé' ngiwa oo'.

YOBU 32:6 Iomraidhean Croise

YOBU 12:12

Sagalooa i dír bariise, xu'uti i dír múk kureeraá yaariir gaa /aay.

YOBU 15:10

Baraá tla/angwrene bariisér uren ar sage al/awtani i deer, inooín a bariisér uren ta baabuúwoge.

YOBU 15:7

Ahaá, kuúng an heé geeraáwo xwaylaro baraá daanduú yaamuwo? Qoomár Mungú tlom'i ngiwa tlehhiiti kuúng a deéro?

YOBU 32:2

Aluuwo Elihu garmoó Barakeli oo guruú doó Rama, kuduú Busitamo, iri amór Yóbuwí qa/iít buhhtaawo, as adoorí tiwa kilós gan'amúwí harafaár ta Munguhe.

YOBU 32:5

Ala ngiwa tsaáhh adór bariiseedá' tám Yobu ngira afe tseék axweesanto, iri ló'wa buúhh.

YOBU 34:1

Elihu axweesanto iri kumiít, iri oó',

YOBU 35:1

Elihu iri kumiít axweesanto, iri oó',

YOBU 36:1

Elihu iri kumiít axweesanto, iri oó',

TLAHHOÓ LAÁWI 19:32

«Bar dír geeraá heé úrií dirí' oo al/awtantá koóm, gár tuwa hariím an geeraawósí sihhít, kuri ilaiwa/ameérií tléhh, nee kuúng Munguúwók ilaiwawa/eek. Aníng an AAKOÓ MUNGÚ.

Rumi 13:7

Umuúqo heewo tidá' inós wa hariim haniisaak. Heé koódi, koódír i haniisaak, heé ohme, ohmér i haniisaak, kudá' daér wa hariím, da'ayuumitaak, kudá' ilaiwa/amér wa hariím, ilaiwawa/aak.

1 Timoteo 5:1

Aakoó úr mu iigahhamiitaar, ala gurbueek adór baabár alé, nee masoomba adór hhaeewók ar alé.

Tito 2:6

Tam masoomba sleeme naanaqeek masók a múk danqamisuú koóm.

1 Petro 5:5

Kuungá' masoómba sleeme, iialooemisé' dír múk urene. Kuungá' sleémeero niinaweema ya/aamaak, as tiwa kiloohúng sagadiyusa'. Asma kaa gooín, «Mungú múk daara/aám gu sii', ala mukdá' ti niinaweemiís gu gurtláy.»