YOBU 32:13 - Biblía Axweesantá Hhohho' ar Mungú 2004

¹³ Ti harmagahhe' hee miwa oo', ‹Daxta sagalooa aga sláw, Heé Yobu gur baá/ a Mungú, a heewooká.›

YOBU 32:13 Iomraidhean Croise

IIMU/UUNGW 14:23

as adoorí gár ni oh i káhh, tam neewi laqaá himuú ya/ti, laqaá umuúqo tidár toge, as kahhó' aluuwo ma ooaar, Abramu una daqaariti'ís.

YOBU 1:21

Iri oó', «Nina daanduú yaamií hardáh ar /aankwets, an tláw daanduú yaamuwo ar /aankwets. AAKOÓ MUNGÚ, ngina haniís, nee hamí AAKOÓ MUNGÚ gara tláy, umuú AAKOÓ MUNGÚ i xirfuuti.»

YOBU 12:2

«Kahhoo', án aga axaás, kuungá' sagalooa a koondá' sagalooa iqo kahhút kuungá' bara qatlé'.

YOBU 19:21

Na'asé', án i qaytaré', Na'asé' án i qaytaré', mulqer'eé', asma án Mungú iga kutsuúhh.

YOBU 19:6

Kuungá' xuuaak adór Mungú adoorí ngira aníngí tleéhh. Inós tsaaxweeli gaa qaás, as kahhó' aníng iwa ot.

YOBU 2:10

Yobu hareerós gari mu/aywaáts, iri oó', «Kiíng adór tar axwes a adór /ameenár daktana ir axweemaamis. Bar muruú hhó' una dír Mungú wa ilaoohaán, gár muruú tlákw kus ilaoohanaaká a milá?» Baraá muruuwí sleémeero Yobu /aymuú tlaákw afkose gwaa ooiiká.

YOBU 31:40

Masók laqaya' nin baraá qaymoosíng wa ti'iitiyá' daanduú angaánó wá ale, nee sla/a ngi alti'it hariímár angaánoó shayiírír wa ale.» Axweesantá Yobu aa diirií alhhe'eesút.

YOBU 32:12

Iia ana mak dír axweesanayhúng i siíhh. Ala heé axweesantá Yobu tlaxto gaa aleeslay i kaahh. Sleémeero mu/aywatsto una harslaaqaté'.

YOBU 32:14

Inós nina qo mak amor'eéní ilawatsiiká, aníng sleeme u mu/aywatsaaká ar adoodá' kuungá' kura i axwesé'.

YOBU 4:9

Mungú gin qwaarees ar hiinsluuwós, Mungú gin qororo'oos ar buhhtaawós.

YOBU 6:4

Ar ló' maheeraá Munguúdá' /uuruú koóm iga mutiyé', nee hhiintluueé' qarkuudá' guri sláy. Mungú iga ló'wa dae tsaát.

ISAYA 48:5

Aníng kaangwí nguna iimír aáng wa oó', dír ira tleehharutiiká aníng nguna dirhúng i oó', aluuwo ma ooaar, «Murslaaqatuueé' kwí muruuwí guna tleéhh, murslaaqatuueé' kwí naa daákw nee naa kwahhuút kaangwí guna oó'.»

ISAYA 48:7

Muruuwí laarí tleehharumiít kuúng ugwa geerií axasiká. Kahhó' a o'ká, «Ga/aaweek, aníng muruuwí u geerií xuu'.»

ISAYA 5:21

Tsaxwaaín kudá' ti múk sageeloén wa tsatsahhaamá', nee kudá' ti kilooín tsatsahhaamá' tawa múk daharuú koóm.

YEREMIA 9:23

AAKOÓ MUNGÚ i kaahi, «Heé sagaloó' mitiwa xirfayeemiís as sagalooarós, heé /uuruú koóm mitiwa xirfayeemiís as /uuruuwós, heé daqaarmo mitiwa xirfayeés as daqaari'iimarós.

ESEKIELI 28:3

Áx gimáy, baré ka xu' kuúng Danieli u bá/ sagalooaro, kuúng ka xu' naaqór ta xu'uká i káhh.

SEKARIA 12:7

«Anuú AAKOÓ MUNGÚ múk Yuda un geerií ba/amis, as kahhó' múk doó Daudi nee yaamuloouusér Yerusalemu mitiwa xirfayeemisiyé' ta múk hatlá' oo Yudawo.

Yohana 19:11

Yesu iri oó', «Kuúng aleesleemuú ta koon daanduueene i kaahh bar geera Mungú ngwa kuúng i haniisiiká. Ala heé aníng iga dabaawók i qaas, tlakweemaawós ki ak ur.»

1 Korinto 3:18

Hee mitiwa kilós al/agín. Hee birti kilós harafadiit adór inós ir sagalooár kón, ar adoodá' múk baraaká' yaamu sagalooa ngir ga/ay, heewí gár kuwa hariím in ala daktu'uut, as masók daqaní sagalooaadár ló' ngiwa slay.

HAR'OHUUSE 7:2

AAKOÓ MUNGÚ Gideoni guri báy, «Múk kuúng ta koon ku ló'wa úr dir'eene baali ngiwa haniis dír múk Midianiwo. Aluuwo baraá múk Israeliwo hee miwa kilós oó', ‹Aníng tina tuú/ ar dakw'eé',› nee aníng iri gaárií xuiaaká.