YOBU 31:6 - Biblía Axweesantá Hhohho' ar Mungú 2004

⁶ Mungú aníng i alqayti ar barqanti wasle, nee ngi ari adór aníng tir dakuús wásl.

YOBU 31:6 Iomraidhean Croise

YOBU 23:10

Ala inós hotaaeé' gi ado xuu', inós aníng iiarto bira hhe'eés, nin ti'iít oo hhoohhoó' adór sahaábu.

YOBU 32:1

Aluuwo Elifási nee Bildádi nee Sofariwo axweesantá Yobu mu/aywatsingo kari máy, asma adoodá' inós tiwa kilós gan'ámkwí harafaár.

YOBU 6:2

«A tsiní geeraawo barnaxes daawitamer'eé' kaa xuuxuú', kari alqoomeés ar qoomaay, slahh'amuueé' sleémeero kuri amorqá' i tlampa'aas.

YOBU 6:3

Asma slahh'amuuwí nee daawitameero geeraawo ki ló'wa ilo' ta hhasángw baraá afaá tlawto. An gár axweesanoó pooqi isa áy.

WARA'AMI 1:6

Asma AAKOÓ MUNGÚ múk hota ganaá' gun xún baraá lohuine, ala múk tlakuuse loohir'ín gin húp baraá qwanaay.

WARA'AMI 139:23

Mungú, aníng tsee/ariimáng, muunaáeé' xueek! Iiaaráng, iinslaway'eé' xueek!

WARA'AMI 26:1

Aá AAKOÓ MUNGÚ, án aleekalaa/áng, asma aníng baraá hotangw'eene ti daba' hhohhó', nee aníng AAKOÓ MUNGÚ una harahhiíf ar xure wasle.

AXWEESANOÓ SAGALOOA 16:11

AAKOÓ MUNGÚ qoomoó múk al/agimaaká gu slaa', Tam tlaa/eedá' tar qoomeemeesi a kós sleeme.

AXWEESANOÓ SAGALOOA 21:2

Umuú heewo ngi xui inós in ganaa'. Ala AAKOÓ MUNGÚ muner'ín gan tsee/aarín.

ISAYA 26:7

Loohír heé hota ganaá' i alqoón, kuúngudá' ganaá' loohír heé hota ganaá' a gan'ás.

DANIELI 5:27

TEKELI, a kuúng taa qoomeés ar qoomaay, naxés kuúng tu ló'wa inslaáhh.

MIKA 6:11

Xáy, heé qoomoó gana'aaká gur qoomeemeés, aníng u ya/a/amaakáheéke?

Matayo 7:23

Aluuwo án ngiri baw ar gwa/aateema, ‹Án kuungá' nu baloó xuaaká. Quutlé' dir'eene, kuungaásingá' muruú tlákw tlehhahhitá'.› »

2 Timoteo 2:19

Ala iimu/úngw haratlintaao aa sihhiít, kudá' Mungú aa qaroó qaás. Iimu/uungwí layár kway gooín a tí, «Aako mukós gu xuu',» nee slám «Umuúqo heewo oo umuú Aako gu ateetiím, tlakweema ngi may.»

YOSHUA 22:22

«Munguúduú Aleesleemusmo inós an AAKOÓ MUNGÚ kilós! Munguúduú Aleesleemusmo inós an AAKOÓ MUNGÚ kilós! Inós gár naa tleehhaán ga xuu', nee dirhunge sleeme ngi ooaán, barnaxes atén ana dee/aanutaán, laqaá AAKOÓ MUNGÚ haratlintaaoro una siaán, daqaní ti tsu/e', tam panmo miwa meét.

1 SAMUELI 2:3

Axweesanoó daara/aango ma kumiitaara', axweesanoó taqnaa/i mawaak. Asma AAKOÓ MUNGÚ a Munguú mura' gu xuú', asma inós tlehhma'aá muu gin aldakuut.