YOBU 31:4 - Biblía Axweesantá Hhohho' ar Mungú 2004

⁴ Ahaá, inós lohduueé' gi xuiikáhe? Nee digir wakeetingw'eé' gu xuiikáhe?

YOBU 31:4 Iomraidhean Croise

IIMU/UUNGW 16:13

Inós AAKOÓ MUNGÚ guri umúr atét, kudá' nee inós naa axweesiye'. I kat, «Kuúng a Munguú xumiís.» Asma ina ó', «Tam aníng Mungú ugwa qo tsuwa ári niri kumiít slafiingo?»

2 QOM'I 16:9

Asma AAKOÓ MUNGÚ daanduú yaamu sleémeero gu tsee/aarín as kudá' inkihhimuú koomá' dirose ngiwa /uurií doogi. Ala kuúng daktu'uma aga tléhh, gawaá adoorihe slaqwara i lakitká baraá ayaawoge.»

YOBU 11:11

Mungú múk gana'aaká gu xuu', tlakweema birnga ár gi tawo mayká.

YOBU 14:16

An qoomár kuúng aníng iwa ya/ati del, nee tlakweemaaeé' kiwa meer fadituuwo.

YOBU 23:10

Ala inós hotaaeé' gi ado xuu', inós aníng iiarto bira hhe'eés, nin ti'iít oo hhoohhoó' adór sahaábu.

YOBU 24:23

Inós gina amohhooárí haniís nari ak diihhe'eesiyá'. Ala inós lohduuín gi ga/áy.

YOBU 28:24

Asma inós in qaytsiit ay ku/uyaá doori, nee umuú gaaro gan ga/áy baraá yaamuwo.

YOBU 31:37

Mungú geeraawo un umuú gaárí oó' baraá hotaaeene, geera an adór garmoó waawutmoó wá daqáw amór Mungú.

YOBU 34:21

Asma Mungú lohdaá muu gin ga/áy nee tlehhmi'ii'ín sleémeero gin ga/áy.

YOBU 36:7

Ilaá Mungú i surkuna'aaká dír heé hota ganaa'a, Ala gin xirfayees nari waawuti'iná' dinkwa nee waawitá ay alhhe'eesay wasle.

WARA'AMI 44:21

ahaá geeraawo Mungú gaa tsaáhhiíke? Asma inós sufuú baraá mune gun xuu'.

AXWEESANOÓ SAGALOOA 15:3

Ilaá AAKOÓ MUNGÚ umuú diiro i xumiisiyá', Heé tlaákw nee heé hhooe ngu ga/ayá'.

AXWEESANOÓ SAGALOOA 5:21

Asma tlehhma'aá hee dír AAKOÓ MUNGUHE ki geehhoo', inós umuúqo gár hee i tleehhi gan ga/áy.

YEREMIA 16:17

Asma aníng tlehhmi'ii'ín sleémeero i ga/áw. Gár aninge aa nahhat i káhh. Tlehhmi'ii'ín sleémeero dír geeraaeene ki geehhoo'.

YEREMIA 32:19

Kuúng an hara'ayusmoó úr nee aleesleemusmo baraá mura' tlehhtuuwo. Ilaawók lohdaá muu ngin ga/ayá', umuú heewo un bú' ar har qoomoó adoodá' hotaawós i dirii'iya', nee adoodá' tlehhmi'iiwós i dirii'iya'.

DANIELI 5:23

Tam muruuwí sleémeero ugwa xui. Ala kuúng kitángw Aakoó doori kuwa xirfayes, kuúng tina kilók urés, xooslaá Doó Mungú kiri léhh kiri difaáirár xúf, kuúng nee bariiseroge nee tlaawaywoge nee /ameenarók tidá' quturmo wasle. Kuúng munguaá taa tléhh ar peésa nee sahaábu nee muqslír sirdaa/aat, nee muqsli, nee xaai nee tlaa/e kiri xirfayemiís, munguaá xumisa'aaká, nee i axamisi'aaká laqaá gár i xuiya' i káhh. Ala Munguúdá' slafiingók gu taami koóm nee kudá' lohduuwók gi xuú', ugwa ilaiwa/amér i tlehhká.

Yohana 1:48

Natanaeli Yesu guri yaahaás, guri báy, «Ahaá, án kuúng adór ira tsáhh a adoomá?» Yesu iri oó', «Qoomár kuúng Filipo uwa ateetiiká, kuúng tawa baraá guruú /aantsírí dirí', án kuúng ugwa qaroó ár.»

Ebrania 4:13

Umuúqo gaaro ar Mungú i harslaaqati arto i káhh. Mura' sleémeero i kístí dirii', nee ku geehhoó' dír ilaawose, nee atén adór tara hootaán an dír geeraawósií kwalilimaán.