YOBU 30:27 - Biblía Axweesantá Hhohho' ar Mungú 2004

²⁷ Muunaáeé' i amooqwaqwaadín, sleeme i lakmitiiká, aníng nee slahh'amu taa doogaán.

YOBU 30:27 Iomraidhean Croise

WARA'AMI 22:4

Baabi'iirén kuúng una harahhifiyé', una harahhifiyé', kuúng kiri ba/amís.

WARA'AMI 38:8

Ana naasuút niri nor'omiít, ana /ifaafiím as slahh'amaaye.

TI'INAANGW 8:20

Aluuwo AAKOÓ MUNGÚ Mose guri báy, «Matlo matlaatlér boo/e tseewa tláw ta hardát dír Farao qoomár inós bir baraá yaaér káy, nee ku beer, AAKOÓ MUNGÚ i kaahi, ‹Muk'eé' geemaweek, i tlay án iwa sluufmisuú aya'!

YEREMIA 31:20

Israeli an garmaaeé' kuduú sla'aarusmoówóke? Inós an na/ay'eé' kudá' ni ló'wa slá'aáke? Umuú daqto bur iigahhaatár wa slaá', aqo gurtleemu un insláw, guruueé' in tlatláy as inós, nee looeemaawo nguri gurtláw. Anuú AAKOÓ MUNGÚ tí ngina oó'.

YEREMIA 4:19

Baraaeene aga slahhaá', aga ló'wa slahhaá', nee slahh'amaaye ti gwangwar'aamaán, muunaáeé' aa slaaqaát. Muunaáeé' i ló'wa tuu'uut, xasliita a aleeslawaaká. Asma aníng afór tarumbeéta aga axaás nee tsimaahhír slaqwaraaro.

WA/AA/I 1:20

«Aá AAKOÓ MUNGÚ, ga/aaweek, adór aníng nir baraá slahh'amuú i dirií', guruueé' /ur/uri gwa eér, muuná i ló'wa amoqwaqwadín, asma aga ló'wa dee/aanuút. Baraá lohduuwo muu ku tsuu/, baraá do'o muu i qaatl.

WA/AA/I 2:11

Ilaeé' naa slahhaaiyé' /aa/eewo, guruueé' /ur/uri gwa eér, muunaáeé' i ló'wa gurhaamír kón, asma muk'eé' kuwa hhaamiís, nee as na/aá qaweero nee kudá' du'uumá' niwa /araarana' baraá lohdaá gixsa.