YOBU 27:8 - Biblía Axweesantá Hhohho' ar Mungú 2004

⁸ Harahhifór heé Mungú gu sla'aaká a milá, inós burkwa sií' kuri slafiingw hingeés nee Mungú.

YOBU 27:8 Iomraidhean Croise

YOBU 11:20

Ala múk tlákw ilaaín i maa/uutiyá', lohduuín sleémeero awa tar gowi niri qwaariyá', harahhifor'ín ar alhhe'eesaay tari gwa'ara.»

YOBU 12:10

Slafíngw umuúqo makiito'ooro i baraá dabaawós, slafíngw umuú hee i baraá dabaawós.

YOBU 13:16

Adoorí bara aleesláw, daqaní arba/ti aga sláw. Asma heé tlaákw dír geeraawós gi kayká.

YOBU 15:34

Kudá' sleémeero Mungú ngu da'ayuumita'aaká, na/ii ngi slay'aaká. Asla maraá múk slukmadaá /aa/aáy gi qororo'ós.

YOBU 20:5

Heé tlaákw ga tsaahh qwal/uuwós tawa oo har qoomár niina, nee bar/uú múk aa qwaar oo har afiqoomár ló'wá niina.

YOBU 27:7

«Wakusmooeé' masók kun adór tlakusmoó wá slahh'eemiis. Heé nee án ti alkooma'aaká masók ku dakuús i harafaar.

YOBU 31:3

Ahaá múk hota tlákw qatlo gu sleeraakáhe, nee mukdá' gadiyedaá tlakw ngi tlehhaahhitá' in hhana'aakáhe.

YOBU 8:13

Mukdá' sleémeero Mungú gu gunqareemiís an adoorír kilá' harahhifór múk Mungú gu haratlintatiaaká in payshút.

Matayo 16:26

Ala tam hee yaamu sleémeero ngi slaya, gár nguwa buiya' a milá, bar slafiingós aa qwaár? Laqaá hee gár i duuxi a umós ar slafiingós ngur ki/isi?

Matayo 23:13

«Ala kuungaá intsaahhatuusér hara'ayár Mose nee múk Farisayo awa hhaahafuuse, a tsaxwaahúng. Asma kuungá' afkú doó waawuti'iimár Mungú una tsegé' as muu miwa dáh. Gím kuungá' kilá' a ak data'aaká, slám mukdá' daráh u ak geemeera'aaká iwa dahi. [

Luka 9:25

Asma tam hee yaamu sleémeero ngi slaya, gár nguwa buiya', bar inós taa kilós qwaareés?

Yohana 9:31

A xuaán adór Mungú múk tlakweemaá koóm ngur iiárií qaminká. Ala heé Mungú ilaiwawaá/ nee sla'aarír Mungú ga tlehhiít, heé adoorí Mungú gu iiárií qaas.

DABE 1:45

Aluuwo niri ki/é', AAKOÓ MUNGÚ kuri i /aa/amindé', ala inós kuungá' naa iiárií qaasiiká, laqaá naa gaárí xuiiká.

1 SAMUELI 8:18

Baalaadae kuungá' tari /aa/amiindá' as waawutmoohúng kudá' taa tsawadé'. Ala AAKOÓ MUNGÚ nu mu/aywatsiiká.»