YOBU 27:5 - Biblía Axweesantá Hhohho' ar Mungú 2004

⁵ Aníng kuungá' nu baloó tsaahhaaká adór tar looeemaá katá'. Aníng dakuúsar'eene a ya/amaaká ay gwa'ara.

YOBU 27:5 Iomraidhean Croise

YOBU 13:15

Mungú bar aníng i gaasár wa slaa' i gaasi, Aníng harahhifo a koomaaká, tam adoorihe aníng ti aleekalaá/ dír geeraawose.

YOBU 17:9

Tam adoorihe, heé ganaá', aqo gan'amu gun ar hoot, heé muruú hhó' tlehhiít /uuru gu ló'wa sláy.

YOBU 2:3

AAKOÓ MUNGÚ Neetlaangw guri báy, «Sagadiyusmooeé' Yobu ugwa aándi? Baraá yaamu sleémeero heé adór inós i kaahh. Inós a heé hhoó', oo gan'amuú tlehhiít, a heé Mungú ilaiwawaá/, tlakweema gi slaiiká. Inós aa ló'wa /aátl gan'amu nguwa tlehhiiti, tam kuúng aníng iga duki, as muruuwós nguwa tawó hhaamiis.»

YOBU 2:9

Hareerós guri beér, «Tam hamí aga /átli gan'amu kuwa tlehhit? Mungú /ooslimeek, ta gwá'.»

YOBU 29:14

Hotaá ganaa'á' dir'eene a adór tsitaay nee iri untsuusiyé', nee gana'amu nguwa tlehhiit dir'eene a adór hiyaay, nee slamaangw.

YOBU 31:6

Mungú aníng i alqayti ar barqanti wasle, nee ngi ari adór aníng tir dakuús wásl.

YOBU 31:7

Barnaxes tlehhmi'iieé' baraá loohirós nga geexayé', nee inslaway'eé' muruú ilaaeé' ni slaiya' gwaa ya/án, barnaxes dabaaeé' iga slasla/areés ar tlakweema,

YOBU 32:1

Aluuwo Elifási nee Bildádi nee Sofariwo axweesantá Yobu mu/aywatsingo kari máy, asma adoodá' inós tiwa kilós gan'ámkwí harafaár.

YOBU 32:2

Aluuwo Elihu garmoó Barakeli oo guruú doó Rama, kuduú Busitamo, iri amór Yóbuwí qa/iít buhhtaawo, as adoorí tiwa kilós gan'amúwí harafaár ta Munguhe.

YOBU 32:3

Ina amór mulqér Yobu i buúhh sleeme, as adoodá' afe ngiwa i qwaqwadiín dír Yobuwo, nee nguwa tlakweemáy tsa/amiisiya' ar lama.

YOBU 33:9

‹Aníng ti daba' hhohhó', ti dakuús wásl, ti hhoohhoó' tlakweema iga tleehhiiká.

YOBU 42:7

AAKOÓ MUNGÚ iwa hhe'eés axweesantá dír Yobuwo, Elifási kuduú Temanmo guri báy, «Aníng muuna iga ló'wa gaás as kuúng nee hhaeewók kudá' tsár, asma axweesantá ganaa' aga axwesi'iiká daanduueene ar adór tidár sagadiyusmooeé' Yobu, ira axweés.

YOBU 6:29

Na'asé', gimsé' daxta, tlakweema mindiwa kumitiyé', asma aníng a gan'amuú koóm.

AXWEESANOÓ SAGALOOA 17:15

Heé tlakweema gaa hhooeema tleehh, nee heé hhooeema gaa tlakweema tleehh. Mukwí tsaraawo ti sláy, AAKOÓ MUNGÚ gi waak.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

Galatia 2:11

Kefa niwa hardáh Antiokiár i alé, aníng nguri iigahhamiít dír geeraá múk wa ale, asma tlehhimi'iiwós nguwa sakwasleemuutiyé'.

DABE 25:1

«Barnaxes múk tsár taa áy tari kwasleemár áy, har'ohuuse qaa/ay'ín ngu tsat, heé gan'amuú koóm gana'amuwós ngu slay, nee kuduú dakuúsár koóm ku sakwasleemuuti.