YOBU 27:10 - Biblía Axweesantá Hhohho' ar Mungú 2004

¹⁰ Inós inqo dír geeraá Munguú Aleesleemusmoó wá qwalaalá/i? Inós inqo Munguú ateetína daqisleém?

YOBU 27:10 Iomraidhean Croise

YOBU 27:11

Aníng kuungá' nu intsaahhatís tlehhma'aá Munguhe, Muruú Munguú Aleesleemusmo aa qoomeés u lu/aaká.

YOBU 35:10

Ala hee i kaahh oo káh, ‹Mungú kuduú Tleehharusmooeé' i amá? Kudá' xweeraawo aníng i bar/úr áw gaálaay?

WARA'AMI 14:4

Xáy, múk tlakweemaá tlehhiít ku tsuwá xu'uti wásle? Ahaá, masta hoot ar muruú muk'eé' kuwa hayohin ar /uuru. Slám inooín AAKOÓ MUNGÚ ngu firirina'aaká.

WARA'AMI 37:4

Qwal/uuwók baraá AAKOÓ MUNGÚ tiwa sleer, daqaní inós tidá' kuúng ta sla' baraá muunaáwoge ngi haniis.

WARA'AMI 43:4

Daqaní an tláw amór Mungú, ay dír ilahhooa kawa hanmaamisi. Asma Mungú a qwal/uueé' nee bar/uueé'. Án u xirfayeemiís ar daa'ángw gidaandoori, kuúng AAKOÓ MUNGÚ, Munguúeé'.

ISAYA 58:14

Daqaní kuungá' qwal/amaaye a dír AAKOÓ MUNGÚ wá sleerá', aníng kuungá' nuna aleesleemií haniís oo umuú gaaro kawa arba/a' gawaakaá daanduú yaamuwo. Daqaari'iimár Yakobo baabuúhúng kari /agá'.» Adoorí afkú AAKOÓ MUNGÚ gaa oó'.

HABAKUKI 3:18

aníng aqo an kumamiít AAKOÓ MUNGÚ nguwa saqwalalaa/, un saqwalalaá/ Munguúduú ba/amusmooeé'.

Matayo 13:21

Ala dee/árú ta kon i kaahh, nee deelór tawa hooti ka ureeká. Slahh'ámu binda ti'iít as axweesantadá', laqaá gusiisiingw, axweesantadá' kari máy.

Luka 18:1

Aluuwo Yesu giri slaqsaywí báy as ngiwa intsaahhatisi, asma inooín gár kiwa hariím a Mungú ngun firiiriná' daqisleém, tam matawa mune sií'.

Tlehhema'aá ya/Abuuse 10:2

Inós nee múk do'ose sleémeero ta Munguú ilaiwa/a/aat. Slám muu gun qaaqáy ilahhooár yaariire, nee Mungú gun firaarín daqisleém.

Efeso 6:18

Muruuwí sleémeero tlehhiitaak ar baraá firo, tawa firiiriinda' umuúqo daqto ar /uuruú Qeeruú hhoohhoó' oo Mungú. Gawaá adoorihe dalaaé' tawa kumita' baraá firooro, múk hhohhó' oo Mungú sleémeero kuwa aleefiriiriinda'.

1 Tesalonike 5:17

Firo ma baloó mawaara'.