YOBU 24:1 - Biblía Axweesantá Hhohho' ar Mungú 2004

¹ «Ahaá, gár Munguú Aleesleemusmo qooma ngisa qaasiiká ar sakwasleema ngiwa tleehhi? Nee mukdá' inós gu xuú' baalarós ti misingi xuiiaaká?

YOBU 24:1 Iomraidhean Croise

IIMU/UUNGW 18:17

AAKOÓ MUNGÚ iri oó', «Xáy, gaarí ni tleehh an lú/a dír Abrahamuwo?

IIMU/UUNGW 7:4

Asma alaá deelo faanqwe aníng tluwaay ngu huúw baraá yaamií alé. Tluwaay iri tluuw ay deelo mibeeri tsiyáhh tlaatla/aangw nee xweeraawo. Nee umuúqo gár slafa, tidá' naa tleehhi, an fiíts baraá yaamuwo.»

YOBU 15:20

Tlakusmo deelo sleémeero aqo in hoot ar slahh'amaaye. Heé sagagawít in hoot ar slahh'amaaye baraá kureeri sleémeero awa hotaangose.

WARA'AMI 31:15

Slafingw'eé' sleémeero i gawaá dabaawógí dirii', án tu/áng dír waakuuser'eene, kudá' aníng i /aytima'a!

WARA'AMI 36:10

Sla'aarirók ar warqawaaká alkoomeek dír kudá' kuú xuá', nee ba/amarók i dír kudá' hota ganaa'á' baraá muner'ine.

WARA'AMI 9:10

Kudá' kuúng u xuá' u harahhifiyá', asma kuúng, AAKOÓ MUNGÚ, kudá' kuúng u leelehhiitá' iga meeriiká.

DAHARUSMO 3:17

Aníng nay baraá muunaáeénií oó', Mungú múk hota ganaá' nee múk tlakwe sleémeero gin sakwasleemuut, asma umuú qoomaaro Mungú gana qaás as gaarós nee as gadiyeérós.

ISAYA 2:12

Asma baalár AAKOÓ MUNGÚ Aleesleemusmo i hi'ít, dír mukdaádá' sleémeero sage gawdén nee oo daara/uuseero, nee daandemaá kudá' ti gáwtí tleemisá'.

ISAYA 60:22

Kudá' dirhunge niiná in tlahhaay tleehhiit kudá' handá' ló'wa niiná dirhunge i xoorór ur tleehhiit. Anuú AAKOÓ MUNGÚ qooma bira xeér tí an boo/eés ar gaanslaay.»

YEREMIA 46:10

Baalaarí an baalár Aako, MUNGÚ Aleesleemusmo, an baalár inós li/ay nguwa bui. An deelór wakuuserós ngiwa sakwasleemuti, mukwí paánga gun /ák ay dír i hhe'es. Tseerer'ín gan wát ay dír i ax. Asma Aako, MUNGÚ Aleesleemusmo ilahhooár muruú ta tsu/i ga hanmiis amór yaamaá /iya awa iisaapoó yaaér Eufrate.

DANIELI 2:21

Inós qom'i nee siiwaduuwo gin warqeemiis. Waawitá gun gawaá kiteerií wa aweerimiis, oo hatlá' guri qamín, múk sageeloén gun sagalooár i hanmiis. Múk xu'utír koóm gun fuqurángw i hanmiis.

OBADIA 1:15

Asma deelór AAKOÓ MUNGÚ xoordu sleémeero ngiwa sakwasleemuuti naa tseewuúr. Adoodá' taa tlehhé' an adór tindi kuungá' i tleehhi. Tundun buu' ar harqoomoó tlehhmi'iihúng.

SEFANIA 1:7

Xasliít dír geeraá Aakoó MUNGÚ, asma deelór AAKOÓ MUNGÚ naa naká/, AAKOÓ MUNGÚ ilahhooár mruú ta tsu/i gaa amohhe'eés as dahaayeerós ngiwa hhoohhooeesi.

Matayo 24:38

Asma qoomár tluwoó da/atén iwa tluwiiká, muu ina /ayín nee ina wahán, slám tana duuxuxún nee kina duxuút, tam ay baalaadá' Noa iwa baraá miringamoowí dáh.

Yohana 17:3

Nee slafíngw alhhe'eesay wásl an kwí, kuúng uwa xuiya', Munguúduú ló', kudá' wák, nee Yesu Kristo, kudá' naa ya/áp.

Tlehhema'aá ya/Abuuse 1:7

Iri oó', «Siiwadá' nee qoomaadá' Baabá aa qaás baraá aleesleemuuwose a gadiyérhungeeká kawa xua'.

Tlehhema'aá ya/Abuuse 17:26

Inós xoordu sleémeero gina iihhaáf baraá heé wák wa aleeró, giri qaás baraá yaamu sleémeero. Inósuú kilá' iimír aange qom'i gina qaás, nee harki/isoó hotangw'ine.

Rumi 2:5

Ala kuúng muunaáwók kwisíng gawide nee oo hhu'uu'úngw sla'aakahe xarasleemaá Mungú in gawaawók i tlahhmís ay bál sakwasleemár Mungú, baldá' sakwasleemár Mungú ar ganaa' bar kinga geehhooeés.

1 Tesalonike 5:1

Hháe, ala kángw qooma nee siiwa ar muruuwí i tleehharuuti gár ngis kuungá' i gooiim i káhh.

1 Timoteo 4:1

Qeeruú hhoohhoó' oo Mungú adoorí gaa ló'wa xu'utís adór qoomaadár alhhe'eesaay binda hardát, muu ir deér oo haratlintaao ga máw. Inooín qeeremaá al/agiimá' kin iiárií qamín, nee intsaahhasár neetlaame.

1 Timoteo 6:15

Asma qooma bira bó/, inós kungu geehhooees nee Mungú. Mungú a baalusmo, kudá' ta xirfayeemisi, inós kilós an baalusmo, Waawutmoó waawitá nee Aakoó bariise.

2 Petro 2:3

Inooín ta haats ilatleerír peesaaro. Lameemá tawo kin tawó tlaaq as peésa ngiwa slaya' dirhúng wa ale. Ala iimír aange sakwasleemar'ín kaa qaroó tsaát, nee inooín amór i kaya' a baraá qwanaay.