YOBU 22:27 - Biblía Axweesantá Hhohho' ar Mungú 2004

²⁷ Inós kuri firiín, kuúng uri iiárií qaas. Kuúng al'axweesantók kari bú'.

YOBU 22:27 Iomraidhean Croise

2 WAAWITÁ 13:4

Yehoahasi AAKOÓ MUNGÚ guri harhheehhe'eés, AAKOÓ MUNGÚ adoodá' múk Israeli kura slahh'eemiís nee waawutmoó Aramu ngiwa ár, firor'ín gari iiaárí qaás.

1 QOM'I 4:10

Yabesi Munguú xoorór Israeli guri firín, iri oó', «Aníng na tsuuqáng, Munguú, nee yaamaá iintlaaxwá' aníng i haniisang. Kuúng masók a dinkwa nee aníng, nee muruú tlákw pa/asek dir'eene, kudá' slahh'amu ngu huúw.» Munguú tidá' inós aa firín gari haniís.

2 QOM'I 33:13

Mungú firoorós gari axaás, kunguri ki/ís Yerusalemu baraá waawuti'iimarós. Naagáy Manase gari tsaáhh adór AAKOÓ MUNGÚ tar Munguú ló'.

YOBU 11:13

Yóbu, muunaáwók barnaxes u qwáts, dabaawók aqo in gáwtí tlés, Mungú kuwa firiin.

YOBU 27:10

Inós inqo dír geeraá Munguú Aleesleemusmoó wá qwalaalá/i? Inós inqo Munguú ateetína daqisleém?

YOBU 33:26

Heedaádá' Mungú guri firín, nee firoorós Mungú gari ya/án, Mungú guri sluufmiis ar qwala/, Mungú guri xirfuuwós i ki/ís.

YOBU 34:28

Inooín /aa/aá narkutmo ngina kwatiitiyé', ngiri hardahasiyé' baraá iaá Mungú. Mungú /aa/aá mukwí taa slahh'eemiís giri axaás.

YOBU 8:6

Nee barnaxes kuúng tu daba' hhohhó' nee an gan'amuú koón, geera Mungú ni hardah uri alee/iis, nee uri buu', uri diihhooarók i ki/is.

WARA'AMI 116:1

Aníng AAKOÓ MUNGÚ un slaá' asma afor'eé' ga iiárií qamín, inós firor'eé' gaa axaás.

WARA'AMI 116:14

Al'axweesantadá' naa oó' dír AAKOÓ MUNGÚ, an boo/eés dír geeraá mukós sleémeero.

WARA'AMI 56:12

Mungú, al'axweesante'eé' gár kawa hariím aqo ngin boo/eés. Ilahhooár sluufaay ngi haniís.

WARA'AMI 61:5

Mungú, kuúng al'axweesante'eé' aga axás, iga aalirók i hanís, tidá' ta hanmaamis dír kudá' umuuwók ngu ilaiwawa/á'.

WARA'AMI 91:15

Aníng bira ateét, u iiárií qaás, aníng a dinkwa nee inós baraá slahh'amaayeero, un ba/amís ngway xirfayeés.

DAHARUSMO 5:4

Kuúng al'axweesani bara ó' dír Mungú i alé, ma tligaar boo/eesaro, asma inós ku qwal/atimisiiká nee múk daktana. Gimáy al'axweesantadá' boo/eeseek.

ISAYA 58:9

Daqaní kuungá' anuú AAKOÓ MUNGÚ bira firiindé', aníng kuungá' nu mu/aywaats. Slám bira ateté', aníng an oo', ‹Aníng a diirí.› Barnaxes kuungá' baramaani aga meeré' baraá tla/angwhunge, nee muu bur looloqoomisa'aaká nee muruú tlákw axweesanto bura meeré'.

YEREMIA 29:12

Qoomaarí an qoomaadá' aníng kuungá' iwa ateta' nee iwa firiinda', aníng kuungá' nuri iiárií qaás.

YONA 2:9

Ala aníng ilahhooár muruú ta tsu/i ngi kuúngií haniís ar afór sluufaay, nee al'axweesante'eé' a boo/eés, asma ba/ama amór i dahh a amór AAKOÓ MUNGÚ!»

DABE 23:21

«Qoomár al'axweesani bara qás dír AAKOÓ MUNGÚ, Munguúhúng, boo/eesaro ma tligaar, asma AAKOÓ MUNGÚ, Munguúwók ga dirók i iinuus, aluuwo kuúng a dát baraá dakuús.