YOBU 22:16 - Biblía Axweesantá Hhohho' ar Mungú 2004

¹⁶ Mukdá' kuna fiíts dír qoomar'ín ira xeeriiká. Hota sleémeero kiri guú/ nee ma'aay.

YOBU 22:16 Iomraidhean Croise

IIMU/UUNGW 7:11

Kurkú tsiire lahhoó' baraá slafíngw Noawo, slahhángw tsár tawa mibaá nee faanqw, baldá' kutlaay sleémeero oo iloodá' uren nina gweeritiyé', nee foxa'aá doori nina gweeritiyé'.

YOBU 14:19

Adór alwuór ma'aay ir tla/aá hhaslaaslit, an adór tluwoó úr ir yaamaá feehhamaamis, an adór kuúng harahhifór muu kar gaamaamis.

YOBU 15:32

Bu'utuuwós kun qoomees dír ira gwaaiiká, nee xwaylarós i yaeemi tleereská.

YOBU 21:13

Tan hoot ar diihhooa baraá slafingw'ín adaá wa ale, nari qatliyá' ar wayda, nari /e/eetiná' baraá gi'i.

YOBU 21:18

As kahhó' niwa adór hhaanslaá fur'a ir tlatleer tleehhitiyá', nee adór mundoó bambaao ira tleér.

YOBU 24:18

Kuungá' a kata', ‹Múk tlákw kun fitsfiits ar gwaanduú ma'aay, maray'ín kaa lu'ús baraá yaamuwo, heé kií/ baraá qaymoorós ar sabiíbu i kaahh.›

YOBU 36:14

Nin istá /aamirí qatliyá', nee slafingw'ín in hhán ar murekesaay adór kuquú sli'imuuse.

YOBU 4:19

Ala daxta dír heé taa tleehhi ar baa/í mi máy, Inooín dír kiwa iihhaáf a baraá baa/í, Múk naanaga iqo hifuur.

WARA'AMI 102:24

Aníng AAKOÓ MUNGÚ u firiím, Aáko, aníng mi duwe hingeesaar. Kuúng an kumamít kureerisleém.

WARA'AMI 55:23

Ala kuúng Mungú, inooín in /araraa'ás tay baraá bohóngw qwanaay. Múk kuunday raa/atén nee fooluuse, hotangw'ín sleeme tla/atsara ga ayká. Ala Mungú aníng kuúng u harahhiíf.

WARA'AMI 90:5

Kuúng muu un qwaarés inooín a adór tlata, adór gitsór naa/ matlaatleero,

AXWEESANOÓ SAGALOOA 10:27

Slafíngw heé AAKOÓ MUNGÚ ilaiwawaá/ ku tleerees, ala hotaá heé tlaákw ki hartsaat.

DAHARUSMO 7:17

Ma ló'wa tlakuwaar, laqaá ma ló'wa daktu'uutaar. Ahaá waáy gár slafiingók kus hartsat a milá?

ISAYA 28:2

Ga/aawak, Aako heewós oo migusmo, nee oo /uuruú koóm gwaa sláy, inós i hhaamimiis adór tluwoó tlaa/e nee oo duki, a adór tluwoó duki oo yaariír nee alwuo. Inós kuungá' nun yaamúr tsataat ar xarasleema.

2 Petro 2:5

Mungú múk aáng gwa gurtlayká sleeme, ala tluwoó da/atén nguri huúw daanduú yaamaá múk tlákw. Heé aa ba/an a Noa kilós, kudá' kángw hotaá ganaa'á' gu alki/aa/iít, nee múk faanqw oo hatlá' iri ba/án sleeme dinkwa nee inós.