YOBU 22:13 - Biblía Axweesantá Hhohho' ar Mungú 2004

¹³ Ala kuúng an kat, ‹Mungú mi xuu'? Huunkayhe ninqo baráy waaraáhhi iri baraaká' i sakwasleemuutár áy.

YOBU 22:13 Iomraidhean Croise

YOBU 34:22

Dír giiw nee ar boo/ i káhh dirose, ar múk tlákw i nahhaati ar kiwa ariiká.

WARA'AMI 10:11

Tlakusmo i baraá muunaáwós i kaahi, «Mungú aa sagaqwaár, ilaawós gaa tuuntuúk, i baloó xuumisiiká.»

WARA'AMI 139:11

Bara oó', «Giwti aníng i tuuntuk, nee gwa/aateemadá' aníng i harweditá' i xweera tleehhitiye',»

WARA'AMI 139:7

Amór ni nahhaat a amoomá ar qeeruuwók iwa ariiká? Amór ni goow a amoomá ar kuúng uwa ilagoow?

WARA'AMI 59:7

Ga/aaweek, ar afer'in tan tawo tlororoo', afer'ín i qarqát, a adór hhamaandí, inooín kawa xui heé gi axamiís i kaahh.

WARA'AMI 64:5

Tana naagiís baraá inslawoó tlakwe, tari kaahi slayé' adór tsaaxweelay'ín kur lu/i, kawa xui, Heé gi ár i kaahh.

WARA'AMI 73:11

Inooín ta kaahi, «Mungú mingir tsaahh, sagalooa i deéro dír ínsuuquú gawto?»

ISAYA 29:15

«Tsaxwaaín mukdá' axweesanay'ín gu dír AAKOÓ MUNGÚ wa lu/u/uúm, nee mukdá' tlehhmi'ii'ín baraá giwtírí diriiá', mukdá' káh, ‹Heé atén ti ga/áw a heemá? Heé atén ti xuú' a heemá?›

YEREMIA 23:24

Xáy, hee nahhaata gaqo aleesláya ngway qo tsuwa araaká? Ahaá, anuú AAKOÓ MUNGÚ a kudá' dawaakáhe umuú diiro, gawaá doori nee baraá yaamuwo? Anuú AAKOÓ MUNGÚ tí ngina oó'.

ESEKIELI 8:12

Aluuwo Mungú iri báy, «Heewí, aga aándi kángw bariisér múk Israeli taa tlehhiít baraá giwtír wa alé, umuú heewo i baraá kutuwirós tidá' slaqsa'aá munguaá hatlá' koom. Inooín i kaahiya', ‹AAKOÓ MUNGÚ atén ti ga/ayká. AAKOÓ MUNGÚ yaamu gwaa máy.› »

ESEKIELI 9:9

Inós iri báy, «Tlakweemaá múk Israeli, nee awa múk Yuda, ki ur ló'wa aleeró. Daanduú yaamu aa haáts tseerdaá muko, nee baraá gixsaro heé gan'amuú tlehhiít i kaahh. Asma ta kaahi, ‹AAKOÓ MUNGÚ yaamu gaa máy, AAKOÓ MUNGÚ i xumisiiká.›

AMOS 9:2

«Inooín tam i /eetiia baraá gi'i, aníng in baraadá' wa duúx, inooín tam i tsa/ana'a gawaá doori, aníng ngin gawaadá' wa aweeriís.

AMOS 9:3

Inooín tam ta nahhmituú aya gawaá tsitsantá tloomár Karmeli, in gawaadá' wa kwarkwaár, tam naa nahhaatiyé' baraá iltá tlawi as ngiwa araaká, dayshamo un ya/aáw amoodá' i ale as ngiwa baraadá' wa /ur/uri.

SEFANIA 1:12

Qoomaadae gixsár Yerusalemu an tsaa'astár tsee/aariím, nee mukdá' aa baraá horondoó buurárí wahhadiit un sakwasleemuút, Mukdá' baraaíní káh, ‹AAKOÓ MUNGÚ gár i tleehhi i káhh ta ka hhoó' laqaá ta ka tlaákw.›