YOBU 20:11 - Biblía Axweesantá Hhohho' ar Mungú 2004

¹¹ /Uuruudá' sleémeero i kon tawa masoomo, gun ar qaat baraá hhape qoomár bira gwaá'.

YOBU 20:11 Iomraidhean Croise

YOBU 13:26

Kuúng sakwasleemár xaraasl ngaa daanduueéní tsa/ás, nee tlakweemaaeé' awa iimír masoombi'iima ngaa gawaaeé' tsa/ás.

YOBU 17:16

Harahhifor'eé' nee aninge an /eetána baraá gi'i? Tsaraawo ti alkoomána ay baraá hhape?»

YOBU 19:20

Gár aa met baraá slaqwtaeene a kaahari nee fadu, tsaxwa ina /aáy, alaá umuú gaaro ngiwa qwaareés.

YOBU 21:23

Kooko in gwaa' baraá diihhooarós, ku amohhoó' nee ku saxamaár ay gwa'ararós.

YOBU 21:24

In gwaa' slaqwtós i wahhát nee faduuwós sleeme ki gawden.

YOBU 21:26

Tam adoorihe sleémeero qatlooro a wak, sleémeero naanaga gin eér.

WARA'AMI 25:7

Tlakweemaeé' nee dee/aanuueé' awa iimír án tawa masoomo mi inslawaar, aá AAKOÓ MUNGÚ, án inslawáng ar har qoomoó sla'aarirók ar warqawaaká asma hhooeemawók.

AXWEESANOÓ SAGALOOA 14:32

Múk tlákw kun qwaarees ar tlehhmi'ii'ín kudá' tlakw. Ala heé hota ganaá' dír amohhoo' ga kón baraá gwa'ararose.

ESEKIELI 24:13

Kuútuudá' an slasla/aruú fuqtók, ala tam aníng kiíng iga iiari hheehhe'eesaro, kiíng ana kilók met baraá slasla/aruuwók, kiíng aqo sangw baloó hhoohhouuraaká malé alé ay dír buhhtaaeé' ngay boo/ees daanduuwoge.

ESEKIELI 32:27

Mukwí kwa dinkwaárií fooliiká nee pihhuuseedár aáng, tidá' aa baraá gi'ií /et nee xooslar'ín ar slaqwaraaro, paangaduuín nga sager'ín i qaasiyé', nee gaambuín i gawaá slaqooín. Pihhuuseerí qoomár iwa slaf muu nguna daandeemo feehhamiisiyé'.

Yohana 8:21

Yesu giri malé báy, «Aníng a quútl, ala án kuungá' iri leelehhitá', nee kuungá' a qatlá' baraá tlakweemaahúng i alé. Nee amoodá' án ni kaw, kuungá' hardahamu ngu aleesleera'aaká.»

Yohana 8:24

Gaarí an gár kuungá' án nusa báw, ‹Kuungá' a qatlá' baraá tlakweemaahúng. Asma kuungá' barnaxes aníng iga haratlinti'ii'iiká adór aníng tar kudá', daqaní kuungá' aqo qatlá' baraá tlakweemaahúng.› »

Tlehhema'aá ya/Abuuse 1:25

asma pa/aangwí nguwa oohi nee gadiyeérír ya/abusi'iima, tí Yuda aa dakuús, iri amoorós i tláy.»