YOBU 2:5 - Biblía Axweesantá Hhohho' ar Mungú 2004

⁵ Axáy daxta dakók gawaawós i tleeseek, slaqwtós ka kwatít, áx, bura qo /ooslinká.»

YOBU 2:5 Iomraidhean Croise

1 QOM'I 21:17

Daudi iri firín, «Aá Mungú, heé tlakweema gaa tleehh a aningekáhe? anínguú kilá' ana oó' muu ku faari, gaarí tlaakw ana tleéhh. Ahaá bee/aangwí gár aa tleéhh a milá? AAKOÓ MUNGÚ, Munguúeé', aníng kuúng u firiím, aníng na muxáng nee múk dooeene, mukók maweek, mu muxaar.»

YOBU 1:11

Axáy dakók gawaawós i tleeseek, daqaari'iimarós kwatiiteek, áx buraqo /ooslinká.»

YOBU 1:12

AAKOÓ MUNGÚ Neetlaangw guri báy, «Adór ta sla' tleehheek daanduú daqaari'iimarose, ala inós mu kwatiitaar.» Neetlaangw iri tláy dír geeraá AAKOÓ MUNGUHE.

YOBU 1:5

Alaá umuúqo deelór ur bira sa waaraáhh, Yobu na/iiwós gin ateet giri hhoohhooees. Matlaatlér boo/ deelór ur bira sa waaraáhh, in tláy ilahhooár da/a gan haniis as umuúqo na/aywós. Yobu gár adoorí ngis tlehhiiti in kaahi, «Wane na/iieé' Mungú ngwa tlakweemí tleehhiyé' nee baraá gur'er'ine ngwa /oosliné'.»

YOBU 2:4

Neetlaangw AAKOÓ MUNGÚ guri báy, «Kaahari nee kaahari, hee umuúqo gár i kona aqo gan duux as slafiingós nguwa ba/amisi.

YOBU 2:6

AAKOÓ MUNGÚ Neetlaangw guri báy, «Gimáy adór ta sla' /iiseek daanduú slaqwtose, ala mu gaasaar.»

YOBU 2:9

Hareerós guri beér, «Tam hamí aga /átli gan'amu kuwa tlehhit? Mungú /ooslimeek, ta gwá'.»

WARA'AMI 39:10

Na'ás, mawáng muxtaaro. Asma muxtár dabaawók iga afkú bohóngwí qás.

ISAYA 65:3

Mukwí an múk aníng i hayloórí lehhiít umuú daqto dír geeraaeene ilahhooár muruú ta tsu/i hanmiisiyá' baraá asalmaá wa ale mooyángw tsuú' ngu da/aa/aná' gawaá matofaali.

ISAYA 8:21

Muu baraá yaamuwo tan tawo tambeeruus, taa ló'wa amoqwaár, slamí qwariitiyá'. Slám bir qwariitiyá' mune gaa farkiín amór waawutmooín nee munguine. Tan gawaá doorí qaytsiit,

TLAHHOÓ LAÁWI 24:11

Looarka wake garmaadá' aayorós ta bay Shelemoti, dasír Diberi, ar tlahhoó Dani, umuú Mungú guna /ooslín, nee guri lu'ús. Naagáy muu masoomoodá' guri huúw dír Mose.

TLAHHOÓ LAÁWI 24:15

Kuúng xoorór Israeli ka beer: Umuúqo heewo oo umuú Mungú gwaa lu'us, gár kuwa hariím a tlakweemaawós gin gagaar.

Geehhoeemaá 12:10

Aníng afór ur ngiri axaás gawaá doorí i alé, i kat, «Iimír hamí ba/ama nee /uuru nee waawuti'iima a ar Munguúrén, nee aleesleemu a oo Kristowós. Asma sakwasleemusmooduú hhaeerén kwaa yaamií kwaáhh, kudá' inooín gi sakwasleemaamuút dír geeraá Munguúrene tlaatla/aangw nee xweeraawo.