YOBU 2:10 - Biblía Axweesantá Hhohho' ar Mungú 2004

¹⁰ Yobu hareerós gari mu/aywaáts, iri oó', «Kiíng adór tar axwes a adór /ameenár daktana ir axweemaamis. Bar muruú hhó' una dír Mungú wa ilaoohaán, gár muruú tlákw kus ilaoohanaaká a milá?» Baraá muruuwí sleémeero Yobu /aymuú tlaákw afkose gwaa ooiiká.

YOBU 2:10 Iomraidhean Croise

IIMU/UUNGW 3:17

Hhawaata guri báy, «Asma kuúng afór hareerók kawa iiárií qás, mamaá xa'anoodá' uwa báw ‹mi /ayaar› kiri /ák, yaamu kaa lu'ús as kuúng. Kuúng muruú /aymaarók un baraawós wa sleér ar slahh'amuú gadiyér ur baraá slafiingók sleémeero.

2 SAMUELI 13:13

Barte'eene alsi'imuú adór kwisinge amór ni ti'iit? Nee bartoge, kuúng tari daktantá wák baraá daktanár múk Israeliwo. Xaa na'ás, axweesantisíng ooeek dír waawutmo, daqaní inós i si'iiká án kuúng iwa dux.»

2 SAMUELI 19:22

Ala Daudi iri oó', «Daaqoó Seruya, gár aníng nee kuungá' i káhh. Asma milá misti adór wakuuser'eé' tlehhá' laarí? Xáy, hee kun gaási baraá Israeliwo laarí? Ahaá, aníng ti xuaakáhe adór tar waawutmoó Israeli deelór laarihe?»

2 SAMUELI 19:28

Asma múk doó aakooeé' sleémeero gár niwa hariné' aqo tsu/uta dír geeraawoge, aakooeé' waawutámo. Ala anuú sagadiyusmoowók ina qás dinkwa nee mukdá' /ayiím gawaá meésarók wa ale. Xáy, gan'amuú ni koom i deéro tam oo niiná, tam oo uwa i /aa/amiim, waawutámo?»

2 SAMUELI 24:10

Alaá Daudi muu faaroro nguwa hhe'eés iri slahhaá' baraá muunaáwose. Gawaá adoorihe, Daudi iri oó' dír AAKOÓ MUNGÚ, «Ar tlehhmuuwí naa tleehhi, tlakwemaá ur iga tleéhh. Ala hamí AAKOÓ MUNGÚ, án kuúng u harhheehhe'eés, aníng gurtlawáng, anuú sagadiyusmoowók daktu'uuma aga tleéhh.»

2 QOM'I 16:9

Asma AAKOÓ MUNGÚ daanduú yaamu sleémeero gu tsee/aarín as kudá' inkihhimuú koomá' dirose ngiwa /uurií doogi. Ala kuúng daktu'uma aga tléhh, gawaá adoorihe slaqwara i lakitká baraá ayaawoge.»

YOBU 1:10

Gár us ilaiwawa/i aqo adoosíng kuúng kuwa xuun bihhe sleémeero, inós nee múk do'ós sleémeero nee muruuwós sleémeero. Slám inós ugwa ló'wa tsúq, daqaari'iimarós iri ló'wa doogiín baraá yaamuwo.

YOBU 2:9

Hareerós guri beér, «Tam hamí aga /átli gan'amu kuwa tlehhit? Mungú /ooslimeek, ta gwá'.»

WARA'AMI 39:1

Ana oó', «Inkihhimu un tleéhh baraá muruudá' ni tlehhiita, as kahhó' mawa dakuús. Afkwe'eé' un har óh, qoomár múk tlákw bira haratseewúy.»

WARA'AMI 39:10

Na'ás, mawáng muxtaaro. Asma muxtár dabaawók iga afkú bohóngwí qás.

WARA'AMI 39:9

Aga xasliít afkwe'eé' ugwa mutsutsuú'. Asma kuúng an kudá' adoorí gaa tleehh.

WARA'AMI 59:12

Inooín masók ki ohín baraá daara/angw'ine. Asma afer'ine muruú tlákw ngun axweemamisiyá', slamí i lu'umisiyá' nee i lameemaá tlaaqiyá'.

AXWEESANOÓ SAGALOOA 9:13

/Ameenír daktani ka afa daa/aat, a tsiiluso'o, ka mure wasl.

AXWEESANOÓ SAGALOOA 9:6

Iimiboo/arók tisíng maweek as tawa hot, hoót adór heé muruú tsatsahhaám.»

DAHARUSMO 7:14

Baalár hhoo' bara sleér ta qwalá/, nee amotlakwe bara sleér aldakuuteek. Mungú qwala/ nee amotlakwe tsaraawo gina tleéhh, as hee gár aluúwaá hi'iit mingiwa xuú'.

WA/AA/I 3:37

Heé gaa ga oó' iri tleehharút a heemá bar Aako gaa ooiiká?

Matayo 16:23

Yesu iri warqáy amór Petro, guri báy «Quútl dír geeraaeene Neétlaangw! Kuúng a dukutsmo dir'eene. Asma inslawaywók kwisíng oo Munguheeká ala oo muu.»

Matayo 25:2

Baraá tla/angw'ine dasuú kooán a daktana, nee oo kooán a fuquruuse.

Yohana 18:11

Ala Yesu Petro guri báy, «Paángarók ki/iseek. Slahh'eemisuú Baabá naa aníng i haniís, aníng adór ngur maw sleemuuwo?»

Rumi 12:12

Kuungá' qwalaala/é' baraá haraxu'utír wa aleeró, qiitlé' baraá slahh'amaayerhunge, kumiité' baraá firooro.

Yakobo 1:12

Heé amohhoó' an kudá' iiara'at gu sa qiqtliím. Asma iiara'at bungura ar baá/, aluuwo slamaangw gu sláy. Slamaangwí an slafingwdá' Mungú aa al'axweés nguwa haniisi dír kudá' sleémeero inós ngu sla'á'.

Yakobo 3:2

Asma atén sleémeero a dakumaamisaán baraá muruú yaariire. Heé dakumiisaaká baraá axweesanto, inós a heé ganaá', a heé slaqwtós sleémeero ila/aro ga aleesláw, nee geeraharto.

1 SAMUELI 3:18

Naagáy Samueli umuúqo /aymuuwo guna oó', oo aa duqún i kaahh. Eli iri oó', «Inós a AAKOÓ MUNGÚ. Inós adór i slai ngi tleehhi.»