YOBU 19:14 - Biblía Axweesantá Hhohho' ar Mungú 2004

¹⁴ Mar'eefooeé' nee mulqer'eé' iga meér alee/iimisuuwo.

YOBU 19:14 Iomraidhean Croise

IIMU/UUNGW 40:23

Ala tam adoorihe heedá' úr oo muruú wahángw waawutmo Yosefu gwa inslayká, guna gunqareés.

2 SAMUELI 16:23

Qoomaadae umuúqo /aymuú Ahitofeli aa ooi, a adór axweesantá taa oó' nee Mungú. Nee umuúqo axweesantá Ahitofeli aa ooi, Daudi nee Absalomu aqo kan iwaa/.

YOBU 19:15

Dahaayér dooeé' iga gunqaarés. Sagadiyuuser'eé' ar dasu adór ir tsatsahhana' a adór dahaaymo, dir'ine án a adór heé xuaawásl.

YOBU 19:19

Mulqer'eé' ar slahhaa' iga sí', kudá' geeraawo naa slaá' iga baseehuwiyé'.

YOBU 42:11

Aluuwo Yobu hhaeewós awa daaqaay nee awa dasuuwo, nguri i daqayé' nee mulqeerose. Mukdá' aáng Yobu gu xuú' tari amór do'ós i daqáy, tari al/ayín, nguri gurkwa/amisiyé' as slahh'amudá' yaariír aa sláy oo AAKOÓ MUNGÚ aa dirós i huúw. Umuú heewo muqslidár peésa gana haniís nee mungoó wák oo sahaábuwo.

WARA'AMI 31:12

Aníng taa gunqaareés adór heé aa qaroó kahhuut, aníng a adór xooslmoó aa gwaa'.

WARA'AMI 38:11

Mulqer'eé' nee mukdá' aníng i slaá', ta amór saáw i sihhiít qoomár slahh'amaayer'eene. Múk dooeé' sleeme tana amór saáw i sihhiít.

AXWEESANOÓ SAGALOOA 18:24

Mukko tin ilaqaamiis tawa mulqe, ala mulqumoó ló' i deer tam daa'awmoowós gun alúr kón.

YEREMIA 20:10

A axamiís muu iwa saasahhan daanduueene, aníng taa umií tsaát i babaya', «Dae tlaqa umuú bihhiwo.» Bahh'alé ta kaahi, «Tlawsé', sakwasleemutaak! Qwalaas, u sakwasleemutaán!» Mulqer'eé' sleémeero i daamaraán iwa kat, «Doóqa i tapiis, atén daqaní li/aay un buaán.»

WA/AA/I 1:2

Inós xweeraawo in /aa/amaamiín as slahh'amu, hhirhheeri nin gororoxeeliná' gawaá tlaaqarmaawo, baraá tla/ángw sla'aaruuseerós sleémeero oo gaa gurkwa/as i kaahh tumu wák. Inós kaa al/aáy nee mulqeerós sleémeero, inooín naa wakuuseerós tleehhitiyé'.

Matayo 10:21

«Hhiya' hhiyaawós gu sakii/ as kuwa gaasi, nee baabá na/aywós gu sakii/, nee na/ii xwaylitér'ín ngi i haratlayá', ngiri tsu/iyá'.

Yohana 13:18

«Án kaangwí naa káh oo kuungá' sleémeerowooká. Asma aníng muk'eé' kudá' naa tsawaár u xuú'. Ala tí ina tleehharút as Gooirí iwa bo/, tidá' kah, ‹Kudá' muruú /aymar'eé' gwa /aay, aa wakusmooeé' tleehhiít.›